Parisdə terror törətməyə hazırlaşan 5 İŞİD-çi tutuldu

"Ölkə.Az" xəbər verir ki, hüquq-mühafizə orqanlarının keçirdiyi əməliyyat zamanı saxlanılan şəxslər Parisdə yenidən terror törədəcəkmişlər.

Saxlanılanlardan biri 29 yaşlı Maxeddin Merabe və 23 yaşlı Kleman Bor İŞİD terror təşkilatının üzvləridir. Saxlanılanlar terrorçu olduqlarını etiraf ediblər. Onların üzərindən avtomat, tapança, partlayıcı maddələr, əl qumbarası, xəritə, və xeyli sayda sursat aşkar edilib. Digər adları açıqlanmayan terrorçular da saxlanılan iki nəfərin verdiyi ifadə nəticəsində yaxalanıblar.

Saxlanılan şəxslərin Parisdə yeni terror aktı törətmək istədikləri məlum olub.

Qeyd edək ki, son zamanlar Fransada tez-tez terror aktları baş verir. Sonuncu dəfə aprelin 20-də Fransanın paytaxtı Paris şəhərində terror törədilib. İŞİD terrorçuları polisləri güllələyib. Nəticədə iki polis nəfəri öldürülüb, bir neçə hüquq-mühafizə işçisi yaralanıb. Araşdırmalar zamanı hadisənin İŞİD terror təşkilatı tərəfindən törədildiyi məlum olub. İŞİD terror təşkilatı də öz növbəsində Parisdəki atışmaya görə məsuliyyəti üzərinə götürüb.

Ziya Səccad
Ölkə.Az