Parisdə xalqla polis arasında qarşıdurma yaşanıb

“Ölkə.Az” xəbər verir ki, aksiya iştirakçıları ilə polis arasında qarşıdurma baş verib.

Fransa mətbuatının yazdığına görə, minlərlə insan Bastiliya meydanından İtaliya meydanına doğru irəliləyib. İlk əvvəl mitinq zamanı sakitlik hökm sürsə də, sonradan bir qrup gənc hakimiyyət əleyhinə şüarlar səsləndiriblər və polisə daş atıblar. Nəticədə aksiyaçılarla hüquq-mühafizə orqanları arasında qarşıdurma yaşanıb. Polis də öz növbəsində aksiya iştirakçılarına qarşı gözyaşardıcı qazdan istifadə edib.

Paytaxtla yanaşı Marsel, Kan, Monpelye, Bordo, Lion və digər şəhərlərində də etiraz mitinq-yürüşləri keçirilib. Növbəti kütləvi aksiya sentyabrın 21-nə planlaşdırılır.

Qeyd edək ki, aksiya iştirakçıları əmək qanunvericiliyinə təklif olunan dəyişikliklərə etirazlarını bildirirlər.

Ziya Səccad
Ölkə.Az