Parisin mərkəzində güclü partlayış — VİDEO (YENİLƏNİB)

Parisin mərkəzində güclü partlayış
16:40
12.01.2019
7237
Dünya
A
Parisdə baş verən partlayış nəticəsində ölənlərin sayı 4-ə çatıb.

Bunan başqa 36 nəfər isə xəsarət alıb. Onlardan 12-inin vəziyyəti ağırdır.

Qeyd edək ki, həlak olanlardan 2-si yanğından mühafizə idarəsinin əməkdaşlarıdır.

***

Fransanın paytaxtı Paris şəhərinin mərkəzində güclü partlayış olub.

“Ölkə.Az” xəbər verir ki, fransız polisinin məlumatına əsasən, insident səhər saatlarında baş verib. Partlayışdan sonra çörəkbişirmə sexində yanğın başlayıb. Sex Treviz və Sent-Sesil küçələrinin tinində yerləşir.

“BFMTV” kanalının məlumatına əsasən, xəsarət alanların sayı çoxdur. Ən azı bir nəfər həlak olub. Hadisə yerinə xilasedicilər, təcili yardım briqadaları cəlb edilib.

İlkin versiyaya görə, partlayış qaz sızmasından baş verib.

Hikmət Həsənov
Ölkə.Az

ŞƏRH YAZ
0

2050-ci ildə planetimizdə nə qədər insan yaşayacaq? — BMT-dən AÇIQLAMA

2050-ci ildə planetimizdə nə qədər insan yaşayacaq?
13:25
Bu gün
338
Dünya
A
BMT-nin hesabatında 30 il sonra planetimizdə nə qədər insan yaşayacağına dair məlumatlar yer alıb.

“Ölkə.Az” xəbər verir ki, hesabata əsasən, 2050-ci ildə planet sakinlərinin sayı 2 milyard artaraq 9.7 milyarda çatacaq. Demoqrafik artım tempi regionlara görə bir-birindən kəskin fərqlənəcək.

“Dünya əhalisi yaxın 30 il ərzində 2 milyard artacaq. Hazırda 7.7 milyard insan yaşayır. 2050-ci ildə bu rəqəm 9.7 milyard olacaq”, - məlumatda belə deyilir.

Bununla yanaşı, yüzilliyin sonunda planetimizdə əhali sayı 11 milyarda çatacaq. Proqnozlaşdırılan əhali artımının yarıdan çoxu Hindistan, Nigeriya, Pakistan, Konqo, Efiopiya, Tanzaniya, İndoneziya, Misir və ABŞ-ın payına düşəcək.

Bundan başqa proqnozlara əsasən, 8 il sonra Hindistan əhali sıxlığına görə Çini ötəcək.

Hikmət Həsənov
Ölkə.Az

 

ŞƏRH YAZ
0

Mişel Platini həbs edildi

Mişel Platini həbs edildi
13:02
Bu gün
239
Dünya
A
UEFA-nın sabiq prezidenti Mişel Platini həbs edilib.

“Ölkə.Az” xəbər verir ki, Platini korrupsiya araşdırmaları çərçivəsində saxlanılıb. Məlum olub ki, 2022-ci ildə Qətərdə keçiriləcək futbol üzrə dünya çempionatı ilə bağlı araşdırma aparılır. Saxlanılan Mişel Nanterra polis şöbəsinə aparılıb. Onun 2010-cu ildə  keçirilmiş səsvermənin nəticələrinin mümkün saxtalaşdırılması prosesində iştirakda şübhəli bilinir. 

Qeyd edək ki, Mişel Platini 2007 - 2015-ci illərdə rəhbərlik edib. 

Ölkə.Az

ŞƏRH YAZ
0
BAĞLA