Parlamentli respubilkadan prezidentli respubilkaya keçid prosesi baş verir — Millət vəkili

Parlamentli respubilkadan prezidentli respubilkaya keçid prosesi baş verir
16:55
15.04.2017
22
Siyasət
A
Sabah Türkiyədə referendum keçiriləcək.

Prezidentli respubilkaya keçməyə "evet" deyənlərlə, "hayır" deyənlər arasında qızğın yarış keçirilir. Hakim partiya AKP prezidentli respubilkaya keçidin tərəfdarı olduğu halda CHP buna qarşı çıxır.

Türkiyədə baş verən siyasi proseslər barədə millət vəkili Fazil Mustafa "Ölkə.Az"-a danışıb:

"Referendum Türkiyə cəmiyətində adi hadisələrdən biridir. Türkiyənin yerləşdiyi bölgə, beynəlxalq siyasətin tələbləri Türkiyənin qarşısına onu qoyub ki, müəyyən  dərəcədə daha məsuliyyətli hökümət və qərar mexanizmi formalaşdırmaq lazımdır. Buna görə də parlamentli respubilkadan prezidentli respubilkaya keçid prosesi baş verir. Türkiyə cəmiyyəti yəqin ki, prezidentli respubilkaya "hə" deyəcək. Ancaq prezidentli respubilkaya keçid "hə" almasa belə Türkiyədə  heç bir məsələ cəmiyyətin strukturunu dəyişəcək mahiyyətdə deyil. Türkiyə cəmiyyəti olduğu kimi qalacaq.

Türkiyədə kominist rejimi yaranmır, mülkiyyətə münasibətdə hansısa bir dəyişim baş verir. Əsas mülkiyyət münasibətləridir. Orada bir problem yoxdursa, siyasi idarə etmədə hansısa bir postun ləğv olunması, hansısa səlahiyyətin artırılması, azaldılması heç nəyi dəyişmir. Parlament yenə də yerində qalacaq, höküməti formalaşdırmasa da, büdcəyə və dövlətə nəzarət mexanizmlərini kifayət qədər əlində saxlayır".

"Seçkilərdən sonra Türkiyədə hansısa qarşı bir prosesin baş verməsi proqnozlaşdırlımır"- deyən Fazil Mustafa qeyd etdi ki, referendumun nəticələrinə faciəvi yanaşmaq olmaz:

"Referendumun nəticəsini toy-bayram eləməyin də tərəfadarı deyiləm. Referendumun nəticəsi cəmiyyətə heç bir təsir göstərməyəcək, məsələlər olduğu kimi də qalacaq".

Səxavət Məmməd
Ölkə.Az

ŞƏRH YAZ
0

Ərdoğan 20 Yanvar şəhidlərini yad etdi

Ərdoğan 20 Yanvar şəhidlərini yad etdi
01:02
Bu gün
13982
Siyasət
A
Türkiyə prezidenti Rəcəb Tayyib Ərdoğan azərbaycanlıların Ümumxalq Hüzn Günü ilə bağlı paylaşım edib.

“Ölkə.Az” xəbər verir ki, dövlət başçısı “Twitter”də 20 Yanvar həştəqi ilə etdiyi paylaşımda 20 Yanvar şəhidlərini yad edib:

“28 il öncə Azərbaycanın müstəqilliyi uğrunda canlarını fəda edən 20 Yanvar şəhidlərini rəhmətlə yad edirəm. Azərbaycanlı qardaşlarımızın kədərini bölüşürük. Türkiyə olaraq hər zaman Azərbaycanın yanında olacağıq”.

Ölkə.Az

 

ŞƏRH YAZ
0

Facebook-da təhqir edən necə cəzalandırılmalıdır... — Deputatdan AÇIQLAMA

Facebook-da təhqir edən necə cəzalandırılmalıdır...
16:40
20.01.2018
16538
Siyasət
A
“Təhqir və böhtanlarla bağlı qanunvericilikdə bir dəyişiklik etmişik. Lakin bu, ancaq rəsmi saytlara, informasiya mənbələrinə, agentliklərə aiddir”.

"Ölkə.Az" xəbər verir ki, bunu  Milli Məclisin Hüquq siyasəti və dövlət quruculuğu komitəsinin üzvü Tahir Kərimli  Modern.az-a açıqlamasında  deyib. O bildirib ki, bəzən bu məsələ səhv başa düşülür:

“Bu qanun  sosial mühitin bütün parametrlərinə aid deyil. Tutaq ki, “Facebook” yazışmalarını əhatə etmir. Yəni əgər rəsmi saytda böhtan və təhqirə yol verilibsə, prokurorluq hər hansı məlumat əsasında  cinayət işi başlada bilər. Kiminsə  xüsusi ittiham qaydasında məhkəməyə müraciəti də mümkündür. Ancaq sosial şəbəkələrdə belə hallar yoxdur. Yalnız ümumi qaydada təhqir olunan, böhtan atılan zərər çəkmiş şəxs rəsmi müraciət etməli  və onun  müraciəti araşdırılmalıdır. Bu qanun rəsmi informasiya mənbələrinə, elektron vasitələrinə aiddir. İnsanın şərəf və ləyaqəti təhqir olunur, alçaldılır, yaxud etmədiyi, etdiyi hərəkət barədə böhtan məlumat yayılırsa, ailəsi haqqında , işi haqqında şəxsiyyəti təhqir olunursa, təbii ki, o vətəndaşın müraciəti araşdırılmalıdır”.

Deputat qeyd edib ki, bu gün sosial şəbəkələrlə bağlı məsələ ciddi əhəmiyyət daşıyır:

“Demək olar ki, bütün dünyada sosial şəbəkələrdəki yazışmaları oxumaq olmaz, bu dövlətin də borcu deyil. Əlbəttə sosial şəbəkələrdə hər hansı təhqir və böhtanın  qabağını  almaq üçün hətta qərb ölkələrində belə müəyyən qanunlar qəbul olunur. İnternetin məhdudlaşdırılması, ona nəzarətin tətbiqi, böhtan və təhqirlərin qarşısının alınması ilə bağlı demokratik  dövlətlərdə belə aktuallaşıb. Bu çox ciddi məsələdir. Lakin  dediyim kimi, rəsmi informasiya mənbəyi olduğu halda dövlət orqanları mütləq reaksiya verməlidir. Fərqi yoxdur, müraciət etdilər ya etmədilər”.

ŞƏRH YAZ
1
BAĞLA