“Paşinyan böhrana görə cəbhə xəttində təxribata əl ata bilər” — Hərbi ekspert

“Paşinyan böhrana görə cəbhə xəttində təxribata əl ata bilər”
17:39
25.05.2019
1701
Siyasət
A
Ermənistanda proseslər daha da böhrana doğru getdiyindən, bu yaranmış durumu kompensasiya etmək və ya diqqəti yayındırmaq üçün cəbhə xəttində havadarlarının dsətəyi ilə təxribatlara əl ata bilərlər.

Bunu “Ölkə.Az”a açıqlamasında hərbi ekspert Üzeyir Cəfərov bildirib.

Onun sözlərinə görə bu, hər an baş verə bilər:

“Bu gün Ermənistanda vəziyyət o qədər mürəkkəbdir ki, erməni mətbuatının yazdığına görə, Paşinyan hətta  işğal altında olan Azərbaycan torpaqlarında hərbi xidmət keçən oğlunnu İrəvana aparmaq zorunda qalıb. Guya daxili proseslərdə bəzi qüvvələr oğlundan Paşinyana qarşı təzyiq vasitəsi kimi istifadə edə bilərlər. Bu aysberqin görünən üzüdür”.

Hadisələrin hansı istiqamətdə inkişaf etməsi və nəticədənə baş verə biləcəyi məsələsinə gəldikdə isə hərbi ekspert bildirib ki, ermənilər təxribata əl ata bilər və bu  da indiki məqamda Azərbaycana sərf edir. 

“Azərbaycanın Ermənistanın istənilən təxribatının qarşısını almağa və bundan faydalanaraq torpaqlarını işğaldan azad etmək üçün bütün resurslara malikdir. Bax bundan ermənilər nə qazanacaq, bir söz demək çətindir. Onlar nəyə arxalanıb belə təxribatlara əl ata bilər, bu  barədə nəsə deyə bilmərəm.
Çünki 90-cı illərin durumu deyil ki, Azərbaycan zəif olsun və rus muzdluları, 366-cı alayın şəxsi heyəti ermənilərə dəstək verib Azərbaycan torpaqlarını işğal etdiyi kimi, indi də  bu dəstəyi versinlər. Mən bunu düşünmürəm və heç ağlıma da gətirmirəm”, - ekspert bildirib.

Ü.Cəfərov hesab edir ki, hazırda Paşinyan vəziyyətdən çıxmaq üçün  müxtəlif ekspertlər aparır və onlardan biri də lokal hərbi əməliyyatların həyata keçirilməsidir:

“Əgər ermənilər bu dəfə təxribata əl atarlarsa, Azərbaycan onlarla 2016-cı ildə olduğu kimi şans verməməlidir.Hətta Rusiya və digər iri dövlətlər hücum əməliyyatlarını dayandırılması istiqamətində xahişlər etsələr belə. Bu təxribatlar Azərbaycana torpaqlarını işğaldan azad etmək üçün unikal bir şans olacaq və bundan faydalanmaq lazımdır”.

Ekspertin sözlərinə görə, biz  bu xahişlərə ona görə əməl etməməliyik ki, çünki ATƏT MQ həmsədrləri ötən bu müddət ərzində Qarabağ münaqişəsinin həlli istiqamətində heç bir addıma atmayıblar:

 “ATƏT MQ həmsədrləri Ermənistan işğal siyasətinə son vermk üçün faktiki olaraq  nə bir təzyiq, nə də digər təsirli addımlar atmayıblar. Elə işğal faktının uzanmasının əsl günahkarlarından biri də ATƏT MQ həmsədr ölkələridir”.

 Mürtəza
Ölkə.Az

ŞƏRH YAZ
0

Avropa Şurasında Şahbaz Quliyev və Dilqəm Əsgərov məsələsi müzakirə edildi — FOTO

Avropa Şurasında Şahbaz Quliyev və Dilqəm Əsgərov məsələsi müzakirə edildi
17:50
Bu gün
2321
Siyasət
A
Avropa Şurasında “Ermənistan-Azərbaycan, Dağlıq Qarabağ münaqişəsi və insan hüquqları” mövzusunda tədbir keçirilir.

 “Ölkə.Az” xəbər verir ki, toplantıda Ermənistanın Azərbaycan torpaqlaırnı işğal etməsi nəticəsində bir milyonadək qaçqın və məcburi köçkünün öz ata yurdlarını tərk etməsi, həmçinin onların ən elementar hüquqlarının pozulması qeyd olunub. Toplantıda öz valideynlərinin məzarını ziyarət etmək üçün işğal altında olan Azərbaycan torpaqlarındakı Kəlbəcər rayonuna gedərkən erməni hərbi birləşmələri tərəfindən girov götürülən Şahbaq Quliyev və Dilqəm Əsgərov ciddi müzakirə edilib. Müzakirələr zamanı qeyd olunub ki, valdeynlərini ziyarət edən  Ş.Quliyev və D.Əsgərov girov götürlürəkən onlara işgəncə verilib, hüquqları kobud surətdə pozulub. Nəticədə  Şahbaz Quliyev və Dilqəm Əsgərov 22 il müddətinə azadlıqdan məhrum ediliblər. Müzakirələr zamanı qeyd edilib ki, bu heç bir insanlığa sığan hərəkət deyil. Bu bir daha Ermənistanın işğalçı dövlət olduğunu və münaqişəsinin sülh yolu ilə həll olunmamasını sübut edir.

Toplantınən əsas məqsədi beynəlxalq aləmi bir daha Qarabağ münaqişəsinə və məcburi köçkünlər, xüsusən də Şahbaz Quliyev və Dilqəm Əsgərov məsələsinə diqqəti cəlb etməklə  Ermənistanı münaqişənin həllində beynəlxalq hüquq prinsiplərinə riayət edilməsi, təzyiq edilməsinə  diqqəti cəlb etmək olub.

Toplantıda eyni zamanda beynəlxalq aləmdən, xüsusən də Avropa Şurasından  Ermənistana təzyiq edərək Ş.Quliyev və D.Əsgərovun erməni girovluğundan azad edilməsinda beynəlxalq hüquq normalarına riayət edilməsi tələb olunub.

Mürtəza
Ölkə.Az

ŞƏRH YAZ
0

Prezident FƏRMAN İMZALADI

Prezident FƏRMAN İMZALADI
17:39
Bu gün
662
Siyasət
A
Prezident İlham Əliyev “Azərbaycan Respublikasının Silahlı Qüvvələrindən əlavə hərbi xidmət nəzərdə tutulmuş digər dövlət orqanlarının (dövlət orqanlarının strukturuna daxil olan qurumların) siyahısı”nın təsdiq edilməsi haqqında Fərman imzalayıb.

Fərmanda deyilir:

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Hərbi vəzifə və hərbi xidmət haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2018-ci il 12 oktyabr tarixli 1280-VQD nömrəli Qanununun icrası ilə əlaqədar qərara alıram:

1. “Azərbaycan Respublikasının Silahlı Qüvvələrindən əlavə hərbi xidmət nəzərdə tutulmuş digər dövlət orqanlarının (dövlət orqanlarının strukturuna daxil olan qurumların) siyahısı” təsdiq edilsin.

2. Azərbaycan Respublikasının Nazirlər Kabineti:

2.1. Azərbaycan Respublikası Prezidentinin aktlarının bu Fərmana uyğunlaşdırılması ilə bağlı təkliflərini üç ay müddətində hazırlayıb Azərbaycan Respublikasının Prezidentinə təqdim etsin;

2.2. Azərbaycan Respublikası Nazirlər Kabinetinin normativ hüquqi aktlarının bu Fərmana uyğunlaşdırılmasını üç ay müddətində təmin edib Azərbaycan Respublikasının Prezidentinə məlumat versin;

2.3. mərkəzi icra hakimiyyəti orqanlarının normativ hüquqi aktlarının bu Fərmana uyğunlaşdırılmasını nəzarətdə saxlasın və bunun icrası barədə beş ay müddətində Azərbaycan Respublikasının Prezidentinə məlumat versin;

2.4. bu Fərmandan irəli gələn digər məsələləri həll etsin.

3. Azərbaycan Respublikasının Ədliyyə Nazirliyi mərkəzi icra hakimiyyəti orqanlarının normativ hüquqi aktlarının və normativ xarakterli aktların bu Fərmana uyğunlaşdırılmasını təmin edib Azərbaycan Respublikasının Nazirlər Kabinetinə məlumat versin.

ŞƏRH YAZ
0
BAĞLA