"Paşinyan hakimiyyətə gələndən sonra Ermənistan daxilində də gərginlik artıb" — Sülhəddin Əkbər

14:53
14.09.2018
2522
Siyasət
A
Azad Demokratlar Partiyasının (ADP) sədri, keçmiş milli təhlükəsizlik nazirinin sabiq birinci müavini Sülhəddin Əkbər Ermənistan parlamentinin Azərbaycana müharibə elan edilməsi barədə qərarına münasibət bildirib.

S.Əkbər "Ölkə.Az"a açıqlamasında deyib ki, sözügedən qərar Nikol Paşinyanın Ermənistan daxilində nüfuzunun artırılmasına hesablanıb:

"Dünyada geosiyasi qarşıdurma həm qlobal, həm də regional miqyasda həlledici mərhələyə daxil olub. Yeni dünya nizamı quruculuğunda tərəflər çalışır ki, öz mövqeyini gücləndirsin və öz təsir dairələrini genişləndirsin. Azərbaycan və Ermənistan isə Postsovet məkanı ölkəsi olduğu üçün hələ də Rusiyanın nüfuz dairəsinə daxildir. 

Rusiya Azərbaycan və Ermənistanı öz nüfuz dairəsində saxlamaq üçün Dağlıq Qarabağ və digər oxşar münaqişələri yaradıb. Rusiya indi Qarabağ münaqişəsini bilərəkdən dondurub və həllinə imkan vermir. 

Yəni, prinspcə nə Azərbaycan, nə Ermənistan, nə də Gürcüstan rəhbərliyinin münaqişənin həlli ilə bağlı hər hansı fikir səsləndirməsi həlledici əhəmiyyətə malik deyil. Bunun da çox sadə səbəbi var. Çünki bu münaqişələri yaradan da, donduran da, həll edəcək də məhz Rusiyadır. Yalnız bir halda münaqişə yaşayan ölkələrin mövqeyləri nəzərə alınar ki, Rusiyanın mövqeyində ciddi dəyişikliklər olsun".

Partiya sədri qeyd edib ki, Ermənistanın yeni rəhbəri ilə bağlı Rusiyanın mövqeyində müəyyən dəyişikliklər ola bilər:

"Çünki bu il Ermənistanda Rusiyanın iradəsinə zidd olaraq "məxməri inqilab" baş verib. Bu inqilab nəticəsində isə Qərbə daha çox meylli olan Nikol Paşinyan hakimiyyətə gəlib. Bu səbəbdən də Nikol Paşinyanın Rusiya ilə münasibətlərində gərginlik yaşanır. Eyni zamanda Ermənistan daxilində də gərginliklər artmaqdadır. 

Baxmayaraq ki, Nikol Paşinyan inqilabda qalib olaraq hakimiyyətə  gəlib. Ancaq ötən müddət ərzində Paşinyan Ermənistanda heç bir ciddi sosial-iqtisadi irəliləyişə nail ola bilməyib. Bu yaxınlarda Ermənistanda parlament seçkiləri olacaq. Nikol Paşinyan da yaxşı bilir ki, seçkilərə qədər heç bir irəliləyişə nail ola bilməsə, Ermənistanda mövqeyini itirə bilər. Ona görə də Paşinyan Azərbaycana qarşı belə kəskin gedişlər etməklə iz azdırmağa, mövqeyini gücləndirməyə çalışır. Bunun nə dərəcədə Paşinyana xal gətirəcəyini demək isə indidən çətindir. 

Mən Nikol Paşinyanın Azərbaycana müharibə elan etməklə, ritorik sözlər söyləməklə öz mövqeyini gücləndirəcəyinə inanmıram. Paşinyan Ermənistanda ciddi sosial-iqtisadi dəyişikliklər etməsi üçün ABŞ və Qərbin böyük siyasi və maliyyə dəstəyini almalıdır. Əgər bunlar olmayacaqsa, Paşinyan Ermənistan daxilində heç nəyə nail olmayacaq. Yəqin ki, belə olan təqdirdə Paşinyan köhnə komandanın üzvlərini korrupsiya ilə mübarizə adı altında həbs edərək repressiyalara məruz qoymağa çalışacaq". 

Vasif Həsənli
Ölkə.Az

ŞƏRH YAZ
0

Prezidenti Livanın dövlət başçısını təbrik edib

Prezidenti Livanın dövlət başçısını təbrik edib
18:21
Bu gün
166
Siyasət
A
Azərbaycan Respublikasının Prezidenti İlham Əliyev Livan Respublikasının Prezidenti Mişel Auna təbrik məktubu ünvanlayıb.

"Ölkə.Az"ın məlumatına görə, təbrik mətnində deyilir: 

"Hörmətli cənab Prezident,

Livan Respublikasının milli bayramı – Müstəqillik Günü münasibətilə Sizi və xalqınızı öz adımdan və Azərbaycan xalqı adından təbrik edirəm.

Bu əlamətdar gündə Sizə ən xoş arzularımı yetirir, dost Livan xalqına sülh və rifah diləyirəm".

ŞƏRH YAZ
0

İlham Əliyev Əfqanıstanın dövlət başçısına başsağlığı verdi

İlham Əliyev Əfqanıstanın dövlət başçısına başsağlığı verdi
18:21
Bu gün
67
Siyasət
A
Azərbaycan Respublikasının Prezidenti İlham Əliyev Əfqanıstan İslam Respublikasının Prezidenti Məhəmməd Əşrəf Qaniyə məktub ünvanlayıb.

"Ölkə.Az"ın məlumatına görə, mətndə deyilir: 

"Hörmətli cənab Prezident,

Kabil şəhərində törədilmiş partlayış nəticəsində çox sayda insanın həlak olması və yaralanması xəbəri bizi son dərəcə kədərləndirdi.

Biz bu dəhşətli terror aktından olduqca hiddətlənir, terrorizmə qarşı ən sərt şəkildə, qətiyyətlə və ardıcıl mübarizə aparılmasını zəruri və vacib hesab edirik.

Baş vermiş bu faciə ilə əlaqədar Sizə, həlak olanların ailələrinə və yaxınlarına, bütün Əfqanıstan xalqına öz adımdan və Azərbaycan xalqı adından dərin hüznlə başsağlığı verir, yaralananlara şəfa diləyirəm.

Allah rəhmət eləsin!"

ŞƏRH YAZ
0
BAĞLA