KORONAVİRUSA YOLUXANLARIN SAYI - CANLI STATİSTİKA

"Paşinyan hər dəfə Qarabağa gələndə özümü alçalmış hiss edirəm" — "Onun ağızını, burnunu vurub əzmək lazımdır, vəssalam!" — Rasim Balayev

13:02
24.08.2019
8528
Ölkə
A
"Ermənistanın baş naziri Nikol Paşinyan hər dəfə Qarabağa səfər edəndə özümü alçalmış kimi hiss edirəm. Adamın milli heysiyyatına toxunur. Onun cavabı verilməlidir".

"Ölkə.Az"ın xəbərinə görə, bu fikirləri Demokrat.az-a açıqlamasında Azərbaycanın Xalq artisti, görkəmli aktyor Rasim Balayev bildirib. 

Rasim Balayev deyib ki, Nikol Paşinyan Azərbaycan torpaqlarında özünü çox sərbəst aparır:

"İstədiyi vaxtı Azərbaycan torpaqlarına gəlib-gedir, özünü sanki həmin torpaqların sahibi kimi aparır. Nə qədər ki, onun bu cür əməllərinə susqun dayanacağıq, ermənilər üzərimizə gəlməyə daha da ürəylənəcək. Artıq Paşinyana layiqli cavab verməyin vaxtı çatıb. Onun ağızını, burnunu vurub əzmək lazımdır, vəssalam! Mən siyasətçi deyiləm, amma bir şeyi yaxşı bilirəm ki, Paşinyanın layiqli cavabını vermək lazımdır. Yəni, bu cavabı dövlət səviyyəsində, müharibə ilə vermək lazımdır. Nə qədər ki, ermənilərin cavabı verilməyib, onlar üzərimizə daha çox gələcəklər".

Ölkə.Az

ŞƏRH YAZ
0

Şəhidimiz dəfn olundu

Şəhidimiz dəfn olundu
10:07
Bu gün
966
Ölkə
A
Ötən gün Tovuz istiqamətində gedən döyüşdə şəhid olan Azərbaycan Ordusunun əsgəri Daşdəmirov Xəyyam Məhəmməd oğlu dəfn olunub.

"Ölkə.Az"ın məlumatına görə, 18 yaşlı şəhid doğulduğu İsmayıllı rayonunun Balik kəndində torpağa tapşırılıb.

Xatırladaq ki, iyulun 12-də Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz istiqamətində mövqelərimizi ələ keçirmək məqsədilə artilleriya atəşindən istifadə edərək hücuma keçməyə cəhd göstərib.

Düşmən hücumunun qarşısını alarkən döyüşdə Azərbaycan Ordusunun hərbi qulluqçuları müddətdən artıq həqiqi hərbi xidmət hərbi qulluqçuları çavuş Sadıqov Vüqar Lətif oğlu və baş əsgər Məmmədov Elşad Dönməz oğlu şəhid olub.

Həkimlərimizin səyinə baxmayaraq, ağır yaralanan hərbi qulluqçumuz əsgər Daşdəmirov Xəyyam Məhəmməd oğlu da şəhid olub.

ŞƏRH YAZ
0

Ermənistan tərəfinin təxribatı Azərbaycan Ordusunun gücünü bir daha nümayiş etdirdi — ŞƏRH

Ermənistan tərəfinin təxribatı Azərbaycan Ordusunun gücünü bir daha nümayiş etdirdi
09:54
Bu gün
1389
Ölkə
A
Ermənistanın beynəlxalq hüquq normalarını kobud və nümayişkaranə şəkildə pozması bu ölkənin daxili və xarici siyasətində baş verən böhrandan xəbər verir. Belə ki, iyulun 12-də günorta saatlarından başlayaraq Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz rayonu sahəsində atəşkəs rejimini kobud şəkildə pozaraq, artilleriya qurğularından istifadə etməklə mövqelərimizi atəşə tutublar. Döyüş nəticəsində Azərbaycan Ordusunun hərbi qulluqçularından üç nəfər şəhid olub, dörd nəfər isə yaralanıb.

AZƏRTAC xəbər verir ki, bunu Azərbaycan Respublikası Müharibə, Əmək və Silahlı Qüvvələr Veteranları Təşkilatının sədr müavini, polkovnik Cəlil Xəlilov deyib.

Polkovnik bildirib ki, Azərbaycan Ordusunun Aprel döyüşlərində əldə etdiyi şanlı qələbə, eləcə də Naxçıvan əməliyyatı düşmən tərəfini qorxuya saxlamaqla bərabər, daxildə baş verən hərcmərcliyin artmasına və xarici siyasətdə məğlubiyyətə gətirib çıxarıb.

Tovuz istiqamətində düşmənin mövqe ələ keçirmək istəməsi və məlum məğlubiyyəti pandemiya dövründə dövlətin ağırlaşan iqtisadi vəziyyətini diqqət mərkəzindən yayındırmağa çalışmaqdan başqa bir əhəmiyyət kəsb etmir. Erməni tərəfinin bugünkü təxribatı və məğlubiyyəti bir daha Azərbaycan Ordusunun gücünü, Azərbaycan əsgərinin əzm və rəşadətini nümayiş etdirdi.

C.Xəlilov qeyd edib ki, Tovuz rayonu istiqamətində baş vermiş hadisə ermənilərin məkrli siyasətini təzahür etdirir. Təcavüzkar siyasətini özlərinin təhlükəsizlik strategiyasında əks etdirən Ermənistan münaqişənin nəticələrini aradan qaldırmaq, işğalçı qüvvələrini Azərbaycanın beynəlxalq səviyyədə tanınmış ərazilərindən çıxarmaq əvəzinə, yeni mövqelər ələ keçirmək, gərginliyi artırmaq məqsədinə xidmət etdiyini açıq şəkildə göstərir.

“Həmçinin Ermənistan bu kimi təxribatçı əməlləri ilə xarici siyasətdə münaqişəyə digər dövlətləri cəlb etməklə məğlub ordusunun qoruya bilmədiyi ərazisində və işğal altında olan torpaqlarımızda “dayaq” yaratmağa çalışır. Ermənistan tərəfinin verdiyi sərsəm və heç bir reallığı əks etdirməyən məlumatlar da beynəlxalq ictimaiyyəti çaşdırmağa çalışmaqdan başqa bir şey deyil.

Aprel döyüşlərində, Naxçıvan əməliyyatında və bugünkü Tovuz istiqamətində gedən döyüşlərdə olduğu kimi, torpaqlarımızın azad edilməsi uğrunda gedəcək son döyüşdə də qələbə bizim olacaq. Bugünkü döyüşdəki məğlubiyyətini düşmən əvvəlcədən anlayırdı və bu təxribat onların məkrli siyasətinin tərkib hissələrindən biridir”, - deyə polkovnik vurğulayıb.

ŞƏRH YAZ
0
BAĞLA