“Paşinyan özünü şıltaq, yeniyətmə küçə uşağı kimi aparır”
Bunu “Ölkə.Az”a açıqlamasında millət vəkili Sona Əliyeva bildirib.
Onun sözlərinə görə. bunlar hamısı faktdır, lakin ziddiyyət təşkil edən isə odur ki, ölkədə daxili siyasi prosesləri tənzimləyə bilməyən, tarazlıq yaratmağı bacarmayan, ölkənin məhkəmə , hüquq – mühafizə sistemini, ordu sıralarını şəfaflaşdıra biməyən və hakimiyyətə gəldikdən sonra yenədə tərəfdar toplaya bilməyən, özünü şıltaq yeniyətmə küçə uşağı kimi aparan baş nazir, demokratiya, ədalət, şəffaflıq kimi sivil dəyərlər vəd edərək yenidən xalqı küçələrə səsləyir.
“Sual olunur nə üçün? əlbəttə öz hakimiyyətini qorumaq üçün… Köçəryanın ölkədə nüfuz sahibi olduğu heç kəsə sirr deyil, dövlətdə, ordu sıralarında əhəmiyyətli dəstəyi var, Qarabağ klanı da daxil olmaqla… Təssüf ki, xalqını deyil, öz hakimiyyətinin düşkünü olan Paşinyan erməni xalqını vətəndaş qarşıdurmasına sürükləyir, lakin bu keçən dəfəki kimi sülh yolu hakimiyyət çevrilişinə oxşar proses olmayacaq. Çünki Köçəryan təcrübəli siyasətçi olmaqla yanaşı, əlləri erməni və Azərbaycan xaqlının qanına bulaşmış mərhəmətsiz cinayətkardır. Bundan başqa, verdiyi vədləri tutmayan, son bir ildə xalqın sosial rifahı üçün əhəmiyyətli işlər görə bilməyən Paşinyan anlamır ki, artıq xalqı sözlə yemləmək olmaz, onlara real iş, keyfiyyətli həyat, stabillik, sivil və humanist prinsiplərə dayanan dövlət lazımdır. Hər halda, bu oyunun sonu nə olacaqsa, birlikdə şahid olacıyıq, amma bütün bu proseslər Ermənistana yaxşı heç nə vəd etmir…”- deputat bildirib.
Mürtəza
Ölkə.Az
