Paşinyan siyasətin kədərli faktı kimi — Ermənistan-Rusiya münasibətlərinin böhranı

Paşinyan siyasətin kədərli faktı kimi
22:20
03.08.2018
3945
Analitika
A
İrəvanda insanlar küçəyə çıxıb etiraz edəndə başlarına nələrin gələ biləcəyini təsəvvür belə edə bilməyiblər. İndi onların əksəriyyəti bu suala cavab axtarırlar...

"Ölkə.Az" Azərtac-a istinadən analitik məqaləni təqdim edir. 

Rəsmi İrəvan isə "məxməri inqilab"ın bəhrələrindən faydalanmaqdadır. İndi N.Paşinyan bir zamanlar ona pislik etmiş adamları cəzalandırmaqla məşğuldur. Əlbəttə, o, bunları demokratiya və insan haqları naminə etdiyini söyləyir. Artıq 2008-ci ildə N.Paşinyanı həbs etdirənlərdən R.Koçaryan həbsə atılıb. Sırada general Y.Xaçaturov vardır. Növbə kimindir? Kim olur-olsun, Moskva narazılığını bildirir. O, İrəvanın məsləhətləşmədən addım atmasını həzm edə bilmir. Normal reaksiyadır, çünki Kreml buna adət edib. İrəvan isə şıltaqlıq ssenarisinə keçib. Hazırda rusiyalı ekspertlər bir zamanlar ağız dolusu təriflədikləri ermənilərə ağızlarına gələni deyirlər. Onları qəzəbləndirən həmişə qul olan birilərinin sərbəst hərəkət etmək istəyidir. Əslində isə ermənilərin bu cür hərəkətlər edə bilməsi üçün şəraiti Rusiya və Qərb uzun illər boyu yaradıblar. Məsələnin bu aspekti üzərində geniş dayanmaq istərdik.

Qulun üsyanı: saxta dostluğun məntiqi sonu

Nikol Paşinyan baş nazir olandan hərəkətləri Moskvanı təəccübləndirir və qıcıqlandırır. Yeni Ermənistan iqtidarı bütün istiqamətlərdə Rusiyanın maraqlarına uyğun gəlməyən addımlar atır. Onlardan daha çox narahatlıq doğuranı antirusiya əhval-ruhiyyəli kadrlara yüksək vəzifələrin verilməsi və paralel olaraq Ermənistanda Rusiyanın dayaqlarının laxladılmasıdır. Hər iki məqamla bağlı Rusiya tərəfi bir neçə dəfə mövqeyini bildirib və N.Paşinyan hakimiyyətinə xəbərdarlığını edib. Buna baxmayaraq, N.Paşinyan Kremlə tərs gələn siyasətini davam etdirməkdədir.

Son olaraq baş nazir Kollektiv Təhlükəsizlik Müqaviləsi Təşkilatının (KTMT) hazırkı baş katibi Yuri Xaçaturovun həbs olunmasına qərar verib. Y.Xaçaturov bu vəzifəni 2017-ci ildən tutur. O, həmin dövrə qədər Ermənistan ordusunun Baş Qərargah rəisi, Milli Təhlükəsizlik Şurasının katibi və İrəvan hərbi qarnizonunun komandiri olub. Əslən Gürcüstanın Tetri-Skaro rayonundandır. 2018-ci il iyulun 28-də ona ittiham irəli sürülüb.

İttihamda 2008-ci il martın 1-2-də İrəvanda etirazçıların gülləboran edilməsinə əmr verməsi göstərilib. Həmin hadisələrdə 10 nəfər həlak olmuş, 200 nəfər isə yaralanmışdı. Etiraz aksiyaları prezident seçkisinin saxtalaşdırılmasına cavab olaraq təşkil edilmişdi. O zaman S.Sarkisyan növbəti dəfə prezident seçilmişdi. Xatırladaq ki, Ermənistan hakimiyyəti keçmiş prezident R.Koçaryanı da həmin ittihamla həbs edib. R.Koçaryan başqaları ilə əlbir olub, Ermənistan hakimiyyətini dəyişməkdə günahlandırılır. Y.Xaçaturov isə konkret atəş əmri verən hərbçi olaraq məhkəməyə çıxarılır.

Öncə onu vurğulayaq ki, Rusiya Ermənistan rəhbərliyinin bu addımlarına sərt reaksiya verib. Ekspertlər KTMT-ni NATO ilə müqayisə edərək sual edirlər: "Norveç Y.Stoltenberqin həbsinə qərar verərdimi?" Və ya NATO ilə məsləhətləşmədən belə bir addım atardımı? Qətiyyən atmazdı. Onda bəs Ermənistan hakimiyyəti hansı məntiqlə Moskva ilə məsləhətləşmədən və bunu açıq bildirmədən KTM-nin baş katibini məhkəməyə çəkir? Üstəlik, Moskvadan onu KTMT-nin rəhbərliyindən uzaqlaşdırmağı istəyir. Moskva isə İrəvandan rəsmi tələb istəyir. S.Lavrov bu barədə Ermənistanın xarici işlər naziri Z.Mnatsakanyana bildirib.

Bütün bunlardan rusiyalı ekspertlər belə bir nəticə çıxarırlar: N.Paşinyan sərt antirusiya siyasəti aparır. Məsələn, Siyasi Tədqiqatlar İnstitutunun direktoru Sergey Markovun fikrincə, N.Paşinyan Rusiya ilə bağlı dediklərində səmimi deyil. O, dostluqdan alovlu danışır, lakin rusiyayönümlü siyasətçiləri təqib edir. "KTMT-nin rəsmi şəxsinin təqib edilməsi Rusiya rəhbərliyi ilə münasibətlərin pis olmasının təzahürüdür" (bax: Зачем Пашинян пошел на резко антироссийский шаг / Vz.ru, 27 iyul 2018).

Mütəxəssis sözlərinə davam edərək vurğulayır ki, N.Paşinyan Rusiyaya münasibətində səmimi olsaydı, geniş müzakirəyə çıxarmadan Moskva ilə Y.Xaçaturov məsələsindən danışardı. Ancaq onun seçdiyi yol göstərir ki, "Ermənistanda antirusiyayönümlü siyasətçi hakimiyyətə gəlib" (bax: əvvəlki mənbəyə).

Moskva qayğılıdır: sədaqətsizlik və ya nankorluğun sərhədi

Sergey Markov fikirlərinə yekun vuraraq deyib: "Paşinyanın siyasəti kədərli faktdır. Biz münasibətlərə yenidən baxmalıyıq. Yaxşı ki, Rusiyanın Ermənistanda həyati əhəmiyyətli maraqları yoxdur. Hətta Paşinyan amerikan qoşunlarını Ermənistana dəvət etsə belə, bunun Rusiyanın maraqlarına həddən artıq güclü zərbə olmayacağına əminəm" (bax: əvvəlki mənbəyə).

Rusiya-Ermənistan münasibətlərinin bu vəziyyətə düşməsi təsadüfi deyil. Məsələnin iki aspekti var. Birincisi odur ki, Moskva artıq 100 ildən çoxdur ki, ermənilərə havadarlıq edir. Coğrafi olaraq yanlış yerdə "Ermənistan" adlanan qondarma dövlət yaratdı. Bu qondarma dövlət Azərbaycan torpaqlarında quraşdırıldı. Sonra müxtəlif üsullarla həm Azərbaycandan əlavə torpaqlar alıb Ermənistana qatdılar, həm də siyasi və mədəni olaraq onları başımızın üstünə çıxarmağa çalışdılar. Nəticədə, həmişə kənardan güclü dəstək görən nankor, ərköyün, özündənrazı, kimsəni bəyənməyən, ətrafdakı bütün ölkələrə qarşı ərazi və mədəniyyət iddiası olan sürü formalaşdı. İndi bu sürü özünü azad sayır, güclü hesab edir və onu bu səviyyəyə gətirən ruslara qarşı düşmən mövqedə durur. Çünki yeni ağa axtarışındadır ki, işğal etdiyi əraziləri saxlaya bilsin. Yəni Rusiya nankor ermənilərdən haqlı cavabını alır.

İkincisi ondan ibarətdir ki, Rusiya kimi, Qərb də ermənilərin vəhşiliyinə, aqressivliyinə, orta əsr şovinizminə, təkəbbürlü davranışlarına göz yumdu. Ermənistanı qətiyyən layiq olmadığı halda "yarımazad ölkə" kimi təqdim etməyə çalışdılar. Orada baş verən insan haqlarının kütləvi və kobud surətdə pozulmasını demokratik hal kimi qiymətləndirdilər. Məsələn, Ermənistanın nə kimi ölkə olduğunu milyonlarla insanların (müsəlmanların) öz yurdundan deportasiya edilməsi göstərir. Günahsız insanların kütləvi qətli, qadınların, qocaların işgəncəyə məruz qalması, hələ də yüzlərlə dinc sakinin əsirlikdə saxlanması fakt deyilmi? Bütün bunlara "demokratik" Qərb necə reaksiya verir?

Demək olar ki, laqeydliklə susur və hətta bu barədə faktları dinləmək belə istəmir. Biz Azərbaycan parlamentində Xocalı soyqırımı ilə bağlı kadrlar nümayiş etdirilərkən qərbli diplomatların zaldan çıxması faktını əsla unuda bilmərik. Biz dəfələrlə qərbli siyasət adamlarının, ekspertlərin, QHT nümayəndələrinin Azərbaycanla bağlı qərəzli mövqeyini yaddan çıxara bilmərik. Biz onların erməniləri yeri gəldi-gəlmədi xristian olaraq müdafiə etmələrini qəbul edə bilmərik.

Bu kontekstdə xatırladaq ki, məhz Qərbin insan haqlarından dəm vuran təşkilatları 2008-ci ildə Ermənistanda prezident seçkilərini demokratik adlandırmış, onu beynəlxalq hüquqa uyğun hesab etmişdilər. O zaman Azərbaycan tərəfinin iradlarına və konkret faktlar təqdim etməsinə baxmayaraq, AŞPA Ermənistanla bağlı layiq olduğu qərarı qəbul etmədi. Əksinə, ermənilərin başına yeni sığallar çəkdi.

İndi tarixin istehzasıdır ki, Qərbin çocuğu N.Paşinyan sübut edir ki, Ermənistanda erməni siyasətçiləri ilə yanaşı, Qərbin və Rusiyanın ekspertləri, siyasi liderləri, insan haqlarından və demokratiyadan dəm vuran kəsimləri də cinayət törədiblər. Çünki onlar həqiqəti bilə-bilə gizlədiblər. Günahsız ermənilərin qanının tökülməsinə göz yumublar. Məgər onlar sarkisyanları, koçaryanları, xaçaturovları və başqa cinayətkarları saxlaya bilməzdilər? Onlardan insan haqlarına hörmət etməyi tələb edə bilməzdilər? Çox rahatlıqla edə bilərdilər. Lakin həmin dairələr o zaman necə davrandılarsa, indi də eyni hərəkəti edirlər.

Belə ki, indi yalnız öz maraqlarını güdürlər. Kreml Paşinyandan inciyir, Ağ Ev isə onu öz tərəfinə çəkmək arzusundadır. Hər iki tərəf həm vəd verir, həm də hədələyir. Ermənistan da həmişə olduğu kimi bazar daxılında satılmalı olan keyfiyyətsiz mal kimi qalıb ortada - bilmir özünü kimə və neçəyə sırısın.

N.Paşinyan komediyası bunlardan ibarətdir. O, erməni cəmiyyətinin həyatında keçici hadisədir və bəlkə də S.Markov haqlıdır - "kədərli faktdır"! Çünki Ermənistan o dərəcədə kənardan asılıdır ki, bu cür sərsəmlərin uzun müddət orada hakimiyyətdə qalması imkansızdır. Sonuc isə daha kədərli ola bilər. Sürətlə dəyişən geosiyasi dinamikanın küləkləri Ermənistan adlı dövləti quyunun dibinə sala bilər. Əlbəttə, onun havadarları çoxdur və güclüdür, lakin tarixin öz hökmü var!

Ölkə.Az

ŞƏRH YAZ
0

“Xalq Əli İnsanov kimi insanlara çoxdan yox deyib və onları tarixin arxivinə atıb” — Millət vəkili

“Xalq Əli İnsanov kimi insanlara  çoxdan yox deyib və onları tarixin arxivinə atıb”
14:12
23.03.2019
19102
Analitika
A
“Əli İnsanovun səsləndirdiyi fikirlər Azərbaycanda sabitliyi pozmağa doğru yönəlik, məkrli planlara xidmət edən bəyanatdır. Ancaq bu insanlar hələ də anlamaq istəmirlər ki, artıq xalq belə pafoslu bəyanatları qəbul etmir. Xalq bu şəxslərin artıq kim olduğunu və hansı məqsədlərə xidmət etdiyini yaxşı bildiyindən, onlara əhəmiyyət vermir”.

Bunu “Ölkə.Az”a açıqlamasında  deputat Cavid Osmanov deyib.

 Onun sözlərinə görə, xalq əslində Əli İnsanovun bu ahıl yaşında ölkə başçısının göstərdiyi humanist addıma görə ona təşəkkür edəcəyini gözləyirdi.
 “Ancaq Əli İnsanov xalqı bir xəyal qırıqlığına uğratdı. Xalq bir daha bu insanın cəmiyyət üçün deyil, bir daha öz şəxsi maraqlarını əsas götürərək  xalqın adından  sui-istifadə halının şahidi oldu”,- C.Osmanov qeyd edib.

Deputat əlavə edib ki,  ölkə başçısı İlham Əliyev əfv  sərəncamı imzalayaraq siyasi düşüncə və əqidəsindən asılı olmayaraq  cinayət əməlinə görə həbs edilmiş insanalır əfv etməklə Azərbaycanın dünyada   demokratik  dəyərlərə  sadiqliyini sübut etdi:

 “Ölkə başçısı  bununla yürütdüyü siyasətlə  demokratik dəyərlərə, insan və hüquq azadlıqlarına sadiqliyini, həmçinin bu siyasəti yürüdərkən insanlıq  və humanizmi meyar kimi götürdüyünü  nümayiş etdirmış oldu.  Azərbaycan müstəqil və demokratik ölkə olduğundan siyasətini də müstəqil yürüdür. Ona görə də  nə hər hansı ölkə, nə də beynəlxalq təşkilat Azərbaycana təzyiq edib, kimlərinsə azad olunmasına nail ola bilməz. Əgər beləydisə, o zaman Əli İnsanov niyə bu gün əfv olunurdu? Niyə 13 il həbsdə qalırdı? Azərbaycan belə təzyiqlərdən çəkinsəydi, o zaman  onu həbs etməzdi. Əgər bu baş verməyibsə deməli, deyilənlər Azərbaycan dövlətinə qarşı atılan iftiradır. Yəni bu insanlar öz ənənlərinə sadiq qalaraq cəmiyyəti çaşdırmaq, görülən  və atılan nəcib əməllərə kölgə salmağa çalışırlar.
Bu insanlar  atılan nəcib addımlardan, Azərbaycandakı mövcud demokratik dəyərlərdən öz məkrli planlarını həyata keçirmək üçün istifadə etməyə cəhd edirlər . Əli İnsanov da bu qəbildən olan insanlardan biridir. Lakin o, unudur ki, Azərbaycan xalqı 15 il bundan öncəki xalq deyil. Xalq belə insanlara  çoxdan yox deyib və onları tarixin arxivinə atıb”.

Deputat bildirib ki, belə bəyantlarla uzun illər ərzində hakimiyyətlə xalq arasında yaranmış birliyi poza bilməz: 

“Artıq xalq kimin kim olduğunu yaxşı bilir. Əli İnsanov kimilər isə belə bəyantlar səsləndirməklə ancaq müəyyən müddət özlərini gündəmdə saxlamağa çalışır. Əslində Əli İnsanov bu fikirləri ilə öz mahiyyəti ortaya qoymuş oldu.
İnsanov onu əfv edən şəxsə deyil, Amerikaya və Azərbaycanı  sevməyən  qüvvələrə mesaj ünvanladı ki, mən sizin  burada sabitliyi pozmaq niyyətlərini həyata keçirməyə hazıram. Xalqın isə belə insanlara layiqli cavabı olacaq və yox deyəcək. Zəhmətlər hesabına qurulan sabitliyi kimsənin pozmaq cəhdlərinə, niyyətlərinə imkan  verməyəcək. Onların bu cəhdlərini gözündə qoyacaq”. 

Ölkə.az

 

ŞƏRH YAZ
0

İslah olunmayan Əli İnsanov və ya həbsxana qarşısındakı AÇIQLAMANIN TƏHLİLİ

İslah olunmayan Əli İnsanov və ya həbsxana qarşısındakı AÇIQLAMANIN TƏHLİLİ
10:15
23.03.2019
43051
Analitika
A

Yəqin ki, sabiq səhiyyə naziri Əli İnsanovun 14 illik məhbəs həyatından sonra azadlıqda verdiyi ilk açıqlamalar xatirinizdədir. Əslində, ilk baxışdan adi görünən bu açıqlamanın hər cümləsini təhlil edəndə görürsən ki, baş nazirin müavini Əli Əhmədov demiş, İnsanov hələ tam islah olunmayıb. 

Əli İnsanov ilk müsahibəsində  deyir ki, iqtidarın konslagerlərindən birini tərk edib. Sual olunur ki, əgər Azərbaycan həbsxanaları konslager idisə, niyə bu barədə 2005-ci ilədək bir kəlmə də olsun danışmırdı? Yoldaş professor 1993-cü ildən 2005-ci ilə kimi Azərbaycanın səhiyyə naziri olub. Gerçəkdən də belə bir hal var idisə, etirazını bildirə, etirazına məhəl qoyulmadığı təqdirdə, nazir postundan istefa verə bilərdi. 


İnsanov iddia edir ki, onun əfv olunması öz təbirincə desək, demokratik qərbin və Böyük Amerikanın, Avropa Birliyinin və Avropa Şurasının səylərinin nəticəsidir. İnsanova görə Prezident İlham Əliyevin onu azad etmək fikri olmayıb. Maraqlıdır, sabiq nazir 14 il həbsxanada ola-ola Qərb dediyi qüvvələrlə necə və hansı formada əlaqələrini davam etdirib? Əgər onun dediyi qüvvələr doğrudan da bu qədər demokratikdirlərsə, insan haqlarını tanıyırlarsa, niyə hələ də bir milyon insan məcburi köçkün vəziyyətində yaşayır? Ermənistan kimi iqtisadi gücü, regional layihələrdə iştirakı olmayan dövlətə gücü çatmayan Qərb, Azərbaycana təsir edə bilirsə, məntiqlə ortaya başqa məqamlar çıxır. Məsələn, bu, o məqamlardır ki, İnsanovun demokratiya beşiyi saydığı Qərb Ermənistanı dəstəkləyir, rəsmi şəkildə Azərbaycanın ərazi bütövlüyünü tanımasına rəğmən, işğala göz yumur. Belə olan təqdirdə 12 il nazir kürsüsündə oturmuş birinin verdiyi açıqlamadan başqa qoxular gəlmirmi? Əgər İnsanovun dediyi kimi İlham Əliyevi məcbur etmək bu qədər asandırsa, Ermənistana göstəriş vermək su içmək kimi asan olmalıdır. Deməli... hər şey ortada deyilmi?


Əli İnsanov növbəti cümləsində buyurur ki, özünü azadlıqda hiss edə bilmir. Zarafat kimi çıxmasın, amma görünür sabiq naziri özünü azadlıqda hiss etməyə qoymayan əynindəki 5000 avroluq palto, yüzlərlə avro qiyməti olan papaq və şərfdir. Bu arada bir detal diqqətdən yayınmaya bilməz. Əgər 14 il məhbus həyatı yaşayan biri həbsxanadan çıxanda 7 minlik geyinib kecinə bilirsə... 

Sabiq nazir iddia edir ki, Azərbaycan özü böyük həbsxanadır. Əgər belədirsə, İnsanovun dostları niyə onun həbsxanadan çıxması üçün dəridən qabıqdan çıxırdılar? Təbii ki, bunu da deyən sabiq nazirin özüdür. Doğrudanmı Amerikanın, Avropanın işi gücü qurtarıb, İnsanovu həbsxanadan həbsxanaya köçürtməklə məşğul idilər? 

İnsanov deyir ki, onun ayağındakı qandalları Amerika və Avropadakı dostları açıb. Amma bu arada xalqa minnət qoymağı da unutmur:

"Çox istərdim ki,  Azərbaycan xalqı qolumdakı qandalları açsın". 

Görünür, İnsanov yaşlanıb və 14-15 il öncə jurnalistlərə, öz işçilərinə qarşı sərgilədiyi davranış yadından çıxıb.  Unudanlar üçün İnsanovun ANS-in xanım əməkdaşının sualına verdiyi reaksiyanı təqdim edək:: "Rədd olun burdan. Konkret rədd olun e, elə-belə yox. Ay qız, çıx get". 

İndi isə İnsanovun həbsxana həyatından sonra ilk açıqlamasından başqa bir cümləyə diqqət:

"Həbsxananın qaydaları var da. Burada "oğruların" qanunlarına hörmət etməlisən. Burada elə şeyə yol verilmir. Nə nəvələrimlə,nə də ailə yoldaşlarımla görüşməmişəm. Yanıma ancaq bir neçə nəfər kişi xeylağı gəlib gedib". 

Cəmi 15 il öncə bir qadına "rədd ol" deyən bir şəxsin indi "oğru aləmi" qanunlarından danışması başqa mətləblərdən xəbər vermirmi? Ümumiyyətlə, həmin aləmdə qadına qarşı belə rəftara münasibətin elə də yaxşı olmadığını da İnsanov bilməmiş deyil. Və ən maraqlısı budur ki, İnsanov bu cümləsiylə kimlərə hansı mesajı verir?

 İnsanovdan daha bir sitat: "Azərbaycan bu gün uçurumun dibindədir və onu uçurumdan xilas edəcək istənilən qüvvəyə dəstək verməyə hazıram".

Ölkədə problemlərin də olduğu danılmazdır və kimsə Azərbaycanda hər şeyin əla olduğunu deyirsə, bu, ən böyük riyakarlıqdır. intəhası bu fikri 12 il səhiyyəni talayan, 14 illik həbsxana həyatından sonra 7 minlik əyin-başla həbsxanadan çıxan biri deyəndə, adamı ən yaxşı halda gülmək tutur. Məsələn, vaxtilə Səhiyyə Nazirliyinin "ambulance"larının Əli İnsanov üçün hansı xidmətləri göstərdiyini xatırlasa, söhbətin nədən getdiyini bilər. Həmin maşınlarda kimlərin yoxlamadan keçirilib nazirin qəbuluna gətirildiyinini də unutmuş olmaz yolda professor.

Ölkə.Az

ŞƏRH YAZ
0
BAĞLA