Paşinyanın siyasi şousu və Çarukyanla qarşıdurma Ermənistana nə vəd edir? — Siyasi analiz

Paşinyanın siyasi şousu və Çarukyanla qarşıdurma Ermənistana nə vəd edir?
17:27
02.05.2019
2477
Analitika
A
Nikol Paşinyan bir il öncə hakimiyyətə gələrkən verdiyi vədlərin və populist bəyanatların girovuna çevrilib. Ötən bir il göstərdi ki, pafoslu, populist bəyanatlarla cəmiyyəti ətrafına toplayıb, hakimiyyətə gəlmək Paşinyan üçün nə qədər asan oldusa da, onu qoruyub saxlamaq isə elə də asan görünmür. Bunun üçün ölkənin üzləşdiyi problemlərdən çıxış yolu ilə bağlı proqrama malik olmalısan. Ancaq Paşinyanda belə bir proqram yoxdur. Ona görə də ilk mərhələdə cəmiyyətin diqqətini yayındırmaq üçün Paşinyan siyasi rəqiblərini sırdan çıxarmaq yolu seçərək şou yaradaraq, onları ölkədə sabitliyin bərqərar olmasına mane olmaqda ittiham etməyə başladı. Bir müddətdən sonra isə bunun effektsiz olduğunu və əksinə prosesin onun özünə yönəldiyini görən Paşinyan digər variantlara əl atmaq zorunda qaldı.

Növbəti addım kimi Paşinyan oliqraxları hədəf seçərək, antioliqarx əməliyyatına  start verdi. Paşinyan öz bacarıqsızlığını onların üstünə ataraq oliqarxları həyata keçirilməsi nəzərdəd tutulan islahatların və proqramların  həyata keçrilməsinə maneçilik törətməkdə ittiham etməyə başladı. Paşinyan çıxışlarında bəyan etdi ki, oliqarxlar hər vasitə ilə  iqtisadi sabotaj həyata keçirməklə xalqı ona  qarşı qaldırır. Bu yolla oliqarxların pullarını ələ keçirməyə  çalışsa da, bunun əksi baş verdi. Nəticədə erməni oliqarxlar yatırdıqları sərmayələri Ermənistandan çıxarmağa başladılar. Oliqarxlardan  Samvel Karapetyan, Samvel Aleksanyan, Ovik Abramyan və digərləri öz aktivlərini, şirkətlərini sataraq ölkəni tərk etdilər.

Paşinyan ölkədən çıxarılan pulları geri qaytarmaq üçün cəhdlər etsə də, nəticə vermir. Hətta Paşinyan bu məqsədlə bir sıra xarici ölkələrlə, xüsusən də İspaniya ilə danışıqlar aparsa da,  cəhdlər  hələlik uğrusuzluğa  düçar olub.

Paşinyan hazırda özünə daha ciddi rəqib hesab etdiyi və bir zamanlar onun hakimiyyətə gəlişində, siyasi planlarının reallaşmasında ciddi dəstək verən Qaqik Çarukyanla baş-başa gəlib. Baxmayaraq ki, Qaqik Çarukyan  Paşinyana ötən ilin may ayında baş nazir seçkisində, daha sonra növbdənkənar parlament seçkilərinin keçirilməsində ciddi dəstək verib. Artıq iki aydır ki,  Paşinyanla Çarukyan arasındakı münasibətlər kəskinləşməkdədir. Münasibətlər artıq o həddə çatıb ki, Paşinyan bütün imkanlarından istifadə etməklə Çarukyanı həm iqtisadi, həm də siyasi cəhətdən səhnədən  sıxışdırıb çıxarmaq yolunu seçib. Paşinyan bu prosesə hakimiyyətlə yanaşı parlamenti də cəlb edərək, ona qarşı geniş pressinq tətbiq etməkdədir. Paşinyan hakimiyyəti bir yandan onu korrupsiyada ittiham edir, digər tərəfdən isə parlamentdə onu biznes fəaliyyəti göstərdiyi üçün mandatından imtina etməyə məcbur edirlər. Hətta bir sıra deputatlar vasitəsi ilə Çarukyan barəsində cinayət işinin açılması, barəsində həbsqətimkan tədbirirnin seçilməsi barədə təkliflər səslənir.
 Baxmayaraq ki, Qaqik Çarukyanın liderlik etdiyi “Çiçəklənən Ermənistan” Partiyası parlamentdə 26 deputatla ikinci sırada qərarlaşıb.  Eyni zamanda onun liderlik etdiyi partiya Ermənistanda ciddi təsir gücünə malikdir. Bunu bilən Paşinyan həmin partiyanı sıradan çıxarmaq üçün parçalamaq yolunu seçib.  Paşinyan ilk olaraq partiyada təmsil olunan deputatları, tanınmış sımaları ələ alaraq istefa vermələrini istəyir. Buna nail ola bilməyəndə isə onlara qarşı müxtəlif kompramatlardan istifadə etməklə təzyiq yolunu seçib. Odur ki, münasibətlərin kəskinləşməsi prosesi daha da dərinləşir. Bütün bunlara baxmayaraq Qaqik Çarukyan proseslərdə səbrlə izləyir və ciddi əks müqavimət göstərmir. Çünki Qaqik Çarukyan 2015-ci ildə Serj Sərkisyan hakimiyyəti dövründə də üzləşmişdi. O zaman Çarukyan  təzyqilər nəticəsində bir müddət siyasətdən uzaqlaşmalı oldu.

İndi də Paşinyan S.Sərkisyan yolunu seçərək  onu həm siyasi, həm də iqtisadi cəhətdən çökdürmək istəyir. Ancaq Çarukyan da uzun müddət Ermənistan siyasi, iqtisadi həyatında olduğundan böyük təcrübələri var. O, yaxşı bilir ki, indiki halda Paşinyanla kəskin qarşıdurma yaranarsa, daha çox itirən özü ola bilər. Odur ki, səbr nümayiş etdirərək dolayı vasitələrdən istifadəyə üstünlük verir. Bu da ondan ibarətdir ki, ictimai narazıçılığı gücləndirməklə Paşinyanın cəmiyyətdəki nufuzuna ciddi zərbə vurmaq yolunu seçib. İctimai narazıçılıq dalğasının müyyən mərhələsində əks hücuma keçmək taktikasını tutub. Çarukyan bu taktikanı Sərkisyan hakimiyyəti zamanı uğurula sınaqdan çıxarıb və yenə də bu taktikaya üstünlük verir. O, yenidən ictimai narazıçlıq dalğası üzərində revanş götürüb mövqelərini möhkəmləndirmək yolunu seçib. Bu yolu daha effektli hesab etdiyindən Çarukyan  prosesləri səbrlə izləyir. Odur ki, qarşıda Paşinyanı daha ciddi “qara günlər” gözləyir.

Mürtəza Bünyadlı
Ölkə.Az

ŞƏRH YAZ
0

“Bəzi qüvvələrin məqsədi Azərbaycanı emosional addımlara sövq etməkdir” — Ekspert Keşikçidağ məsələsindən danışdı

“Bəzi qüvvələrin məqsədi Azərbaycanı emosional addımlara sövq etməkdir”
12:25
16.07.2019
26047
Analitika
A
Son dövrlərdə Cənubi Qafqaz bölgəsində gesosiyasi proseslər yeni bir mərhələnin astanasına qədəm qoyub. Bölgədə marağı olan beynəlxalq güclərin bölgə uğrunda mübarizəsi açıq formada özünü biruzə verməkdədir. Gürcüstanda baş verən olaylar bunun bariz göstəricisidir. Hətta bəzi qüvvələr yaranmış situasiyadan faydalanaraq Gürcüstandakı daxili qüvvələrin rolundan istifadə edərək Azərbaycanla münasibətlərin korlanmasına cəhd edirlər. Bu qüvvələr müxtəlif xarakterli təxribatlara əl atmaqla iki ölkə və xalq arasında münasibətlərin gərginləşdirilməsinə çalışırlar. Bu istiqamətdə son bir neçə ayda davamlı olaraq bir sıra təxribatlar həyata keçirməkdədirlər. Növbəti təxribat isə iki gün öncə Azərbaycan sərhədləri daxilində yerləşən “Keşikçidag” məbədində sərhədçilərimizə qarşı baş verdi. Ancaq Azərbaycan tərəfi təmkinlilik və ayıqlılıq nümayiş etdirərək təxribatçıların təxribatına uymadı.

Rəsmi Tiflis əvvəlki hadisələrdən fərqli olaraq bu dəfə tez reaksiya verərək hadisəni pislədi. Rəsmi Bakı isə diplomatik kanallar vasitəsi ilə öz etirazını çatdırdı.

Bölgədə yaranmış durumla bağlı ekspert  Zaur İbrahimliyə müraciət etdik.

 “Ölkə.Az”a açıqlamasında bölgədə baş verən prosesləri dəyərləndirən Z. İbrahimli deyib ki, Azərbaycan  geosiyasi tələyə düşməkdən qaçmalıdır.
“Azərbaycan sərhədçisi ilə bağlı insidenti müzakirə edərkən aşağıdakı məqamlar və ümumi kontekst də mütləq nəzərə alınmalıdır: Birincisi, hazırda Gürcüstanda daxili siyasi mühit gərgin olaraq qalır və bu ölkənin qeyri-rəsmi rəhbəri Bidzina İvanişvilinin mövqelərini getdikcə zəiflədir. Rusiyalı deputatlarla bağlı etirazlara laqeyd qala bilməyən Moskva eyni zamanda İvanişvilinin də çox zərbə almasında maraqlı deyil. Məhz buna görə Tbilisiyə qarşı iqtisadi sanksiyalar tətbiq edilmədi. Bu vəziyyətdə prezident Zurabaşvili də daxil olmaqla İvanişvili komandasını xilas etmək, həm də öz simasını saxlamaq Kremlin əsas vəzifələrindən sayılır. Bunun ən yaxşı üsullarından biri daxili siyasi diskursu dəyişmək, ictimai diqqəti, vətəndaşları siyasi gündəlikdən yayındırmaqdır. Həmçinin İvanişvili komandasına xal qazandırmaqdır. Bunun ən optimal yolu isə Keşikçidağ məsələləsini yenidən aktuallaşdırmaqdır.

İkincisi, Bakıda Azərbaycan-Türkiyə-Gürcüstan üçtərəfli görüşü dünən baş tutub. Üçtərəfli formatda görüşlər, hərbi təlimlər Rusiya tərəfindən ABŞ və NATO-nun layihəsi kimi nəzərdən keçirilir. Tbilisinin Türkiyə və Azərbaycanla hərbi-siyasi müstəvidə əməkdaşlığı dərinləşdirməkdən çəkindirmək də Rusiyanın Cənubi Qafqazda əsas geosiyasi ev tapşırıqlarından biridir. Azərbaycanla ərazi mübahisələrinin qabardılması Türkiyə ilə münasibətləri də zərbə altında qoyacaq. Bir az əvvəl isə Rusiya TV-ləri Batumi və və digər turist zonalarının guya türklər tərəfindən alınaraq zəbt edilməsi barədə intensiv təbliğat aparırdılar”, - ekspert qeyd edib.

O, əlavə edib ki, Gürcüstanla bağlı proseslər iyunun binici yarısında bu ölkənin baş naziri Mamuka Baxtadzenin ABŞ-a səfərindən sonra başladı: 
“ABŞ rəsmiləri faktiki olaraq Tblisidən Anakliya limanının tikintisini dəstəkləməyi ultimativ şəkildə tələb etdilər. Bundan sonra hökumət bəyan etdi ki, limanın tikilıməsi ilə bağlı konsorsiuma maliyyə öhdəliklərinin icrası ilə əlaqədar güzəşt edəcək. Halbuki, az əvvəl konsorsiumla müqavilənin pozulması gündəliyə gəlmişdi. Rusiya XİN rəsmisi Karasin isə bildirmişdi ki, ABŞ bütün qırmızı xəttləri keçir. Çünki Vaşinqtonda açıq bəyan etmişdilər ki, Tblisinin NATO yolunu açmağa çalışırlar. Bu hadisələrin ardından Gürcüstanda daxili siyasi proseslər gərginləşdi və İvanaşvili iqtidarı üçün real təhdidlər yaranıb. İndi Moskvanın əsas vəzifəsi 4 ilə əvvəl Moldovoda olduğu kimi İvanişvilini qorumaq və zaman udmaqdır. Bunun da əsa yolu milli hissləri körükləmək, “xarici düşmənə qarşı birləşmək” zərurəti yaratmaqdır. 

Burada digər əsas məqamlardan biri də  İvanaşvilinin hər zaman əsas vəzifəsi Gürcüstan-Azərbaycan əlaqələrində strateji inkişafı tormozlamaq, müəyyən həddə qədər durdurmaq olub. Azərbaycandan enerji daşıyıcılarının ixracından tutmuş, tranizt razılaşmaları və digər məsələlərdə hər zaman mövcud konsensusu pozmaq, maksimalist mövqe tutulması da bu yanaşmanın təzahürüdür”.

Ekspertin fikrincə, Azərbaycan təmkinini qorumalıdır: 

“Topxana hadisələri ilə bağlı müqayisə aparmaq olar, amma indi fərqli zamandır, şərtlər fərqlidir. Bu məsələdə hökumətdən çox cəmiyyətimiz, diasporamız fəal olmalıdır. Amma qurulan tələyə düşməmək şərtilə. Yuxarıda qeyd etdiyim səbəblərdən emosiylara yol vermək olmaz. Bu addımların əsas məqsədi məhz Azərbaycanı emosional addımlara sövq etməkdir. Bütün strategiya buna hesablanıb. Diqqətli, təmkinli, müdrik və fəal olmağımız gərəkir”.

 Mürtəza
Ölkə.Az

ŞƏRH YAZ
0

Biznes dünyasında SOCAR Azərbaycan ilə assosiasiya olunur — Aleksey Kalaçevin şərhi

Biznes dünyasında SOCAR Azərbaycan ilə assosiasiya olunur
10:39
15.07.2019
5660
Analitika
A
Dünya brendlərinə çevrilmiş milli şirkətlər, məhsulun istehlakçıları olan şirkətlər və vətəndaşlar üşün ölkənin siması deməkdir.

 “Ölkə.Az” xəbər verir ki, bunu Media.Az-la söhbətində Rusiyanın “FİNAM İnvestisiya holdinqi” Səhmdar Şirkətinin analitik-eksperti Aleksey Kalaçev deyib.
Onun sözlərinə əsasən, məhsula və brendə olan xoş münasibət əsasən ölkənin nümayəndələrinə də şamil edilir:

“”Qazprom” bir çoxları üçün Rusiyanı, “Microsoft” və “Apple” ABŞ-ı, “Mercedes” Almaniyanı, “Mitsubishi” Yaponiyanı ifadə edir və SOCAR da biznes dünyasında Azərbaycanla assosiasiya olunur. Bunun məqsəd olmasından asılı olmayaraq, bu assosiasiya şirkətin imicinə, ölkənin obrazına təsir edir”.
Müsahibimiz qeyd edir ki, idman və mədəni tədbirlərin sponsorluğu hazırda şirkət imicinin əhəmiyyətli bir hissəsidir. Bunu öz növbəsində şirkətin dünya arenasında nüfuzunun artmasına xidmət edən “yumşaq güc” də adlandırmaq olar.

“Bundan başqa, qeyd etmək istəyirəm ki, bu gün inkişaf edən dünyada müasir iqtisadiyyat biznesin sosial funksiyasına daha böyük önəm verir. Keyfiyyətli məhsul təklif etmək azdır, effektiv və gəlirli olmaq kifayət etmir, biznesin cəmiyyətə təqdim etdiyi xoş niyyətləri və faydanı nümayiş etdirmək lazımdır”, - deyə Aleksey Kalaçev qeyd edib.

Ölkə.Az

 

ŞƏRH YAZ
0
BAĞLA