Pasportdakı bəzi möhürlər səfərləriniz üçün maneəyə çevrilə bilər

Pasportdakı bəzi möhürlər səfərləriniz üçün maneəyə çevrilə bilər
19:31
14.07.2017
306
Maraqlı
A
Bəzi ölkələri ziyarət etmək digər ölkəyə getmək üçün problem yarada və hətta məhkəmədə sizə qarşı dəlil kimi istifadə oluna bilər.

Məsələn, Azərbaycan qanunlarına əsasən, Azərbaycan tərəfindən rəsmi icazə alınmadan Dağlıq Qarabağı ziyarət edənlər üçün Azərbaycana giriş qadağandır.

"Ölkə.Az" fins.az-a istinadən analoji konflikt zonaları haqda öz oxucularını xəbərdar etmək istəyir.

İsrail - Ərəb ölkələri

Son vaxtlaradək pasportunda İsrailə viza möhürü olan şəxslərin bir sıra ərəb ölkələrinə girişi qadağan idi. Məsələn, İran indi də belə ziyarətçilərin 1 il ərzində öz ölkəsinə girişini qadağan edir. Lakin bu xoşagəlməz vəziyyətdən qurtulmaq imkanı var: bunun üçün İsrail sərhədçilərindən möhürü pasportunuza vurmamağı xahiş edin. Bunun yerinə onlar sizə pasportunuza əlavə verəcəklər – siz ölkədən çıxış zamanı o əlavəni təqdim edərək, rahat İsraili tərk edirsiniz və sonradan istədiyiniz ərəb ölkəsinə rahat gedə bilərsiniz.

Abxaziya və Cənubi Osetiya – Gürcüstan

Gürcüstan Cənubi Osetiyanı və Abxaziyanı öz qanunsuz işğal edilmiş torpaqları sayır, buna görə də bu “respublikalardan” ölkəyə giriş qeyri-leqal hesab olunur. Buna cəhd edənləri isə cərimədən tutmuş həbs cəzasınadək çox sərt təpkilər gözləyir.

Abxaziya və Cənubi Osetiyaya getmək istəyənlər bilməlidir ki, “Qantiadi – Adler” (Abxaziya) və “Rok – Aşağı Zaramaq” (Tsxinvali) gömrük məntəqələri qanunsuz hesab olunur və siz oradan sonra Gürcüstana yola düşsəniz, 3 ildən 5 ilədək həbs cəzası ala bilərsiniz.

Kuba – ABŞ

ABŞ tərəfindən 1962-ci ildə Kuba ilə ticarətə tətbiq edilən embarqoya görə, amerikalılar və ABŞ qanunlarına tabe olan hər kəsə bu ölkə ilə ticari əlaqələr kimi səyahətlər də qadağandır. Ona görə əgər sizin green-kartınız varsa və ya siz ABŞ vətandaşlığı almaq fikrindəsinizsə, o zaman pasportunuzda “Azadlıq Adası”nı ziyarət edən işarələrdən qurtulmanızı məsləhət görürük.

Lakin burada da Kuba sərhədçilərindən pasporta möhür vurmamağı xahiş edə bilərsiniz. Onlar vizanı ayrıca verə bilərlər. Bundan başqa, özünüzlə Kuba suvenirləri aparmaq məsləhət deyil – onları ABŞ gömrükçüləri əlinizdən ala bilər, hətta cərimə olunmaq ethimalı da böyükdür. Kubadan ABŞ-a getmək üçün tranzit kimi üçüncü ölkənin ərazisindən - məsələn, Meksikanın Kanunundan istifadə edə bilərsiniz.

Bundan başqa, Kubanın ərazisində ABŞ bankının kartı və dollarları ilə ödəniş etmək qadağandır – onları da müsadirə edə bilərlər.

Kosovo – Serbiya

Serbiya Kosovonu nəzarətindən çıxmış ərazisi hesab edir. Ona görə də Kosovo sərhədçilərinin pasportlara vurduğu möhürləri tanımır. Öncə Kosovo möhürü sərhədçilər tərəfindən ləğv edilirdi, lakin daha sonra Kosovoya giriş-sərhəd qapısı qeyri-qanuni giriş hesab olunmağa başladı və buna görə siz cərimə oluna və hətta ölkədən deportasiya edilə bilərsiniz. Yaranmış vəziyyətdən çıxış yolu üçüncü ölkə vasitəsilə Kosovaya girişdir. Siz buraya Çernoqoriya və ya Makedoniya ərazisindən keçə bilərsiniz.

Yunan və Türk Kipri

Kipr və onun paytaxtı iki yerə bölünüb: Kipr Yunan Respublikası Türkiyəyə tabe olan Şimali Kipri tanımır. Buna görə əgər Ercan aeroportuna enmisinizsə, sizin Kiprin yunan tərəfinə keçməyinizə icazə verilməyəcək. İstisna yalnız Şengen vizası olanlar üçündür. Lakin Kiprin yunan tərəfindən türk tərəfə maneəsiz səyahət edə bilərsiniz.

Ukrayna – Krım

2014-ci ildən Ukrayna istisna olmaqla, digər ölkələrin vətəndaşlarına Ukraynadan Krıma giriş qadağandır. Buna görə sizi cərimə və deportasiya edə bilərlər. Krıma getməyin yeganə variantı ora Rusiya tərəfindən daxil olub, o tərəfdən də çıxmaqdır. Lakin Ukrayna belə bir ziyarəti qanunsuz hesab edir və daha sonra siz Ukraynaya getmək istəsəniz, sizi öz ərazisinə buraxmaya bilər.

Düzdür, reallıqda turistlərə qarşı belə bir təcrübə olmayıb, lakin buna baxmayaraq, bunu bilməniz vacibdir: Ukrayna qanunlarına görə, siz 8 ilədək həbs cəzası ala bilərsiniz.

2015-ci ildən Ukrayna həmçinin “DNR” və “LNR” regionlarına azad girişi məhdudlaşdırıb. Bunun üçün xüsusi buraxılış əldə etmək lazımdır. Xaricilərin üzrlü səbəb olmadan Krıma getməsinə icazə verməyən Ukrayna regiona özəl səfər məqsədilə getmək istəyən həm Ukrayna vətandaşlarına, həm xaricilərə buraxılış vərəqəsi verir. 

ŞƏRH YAZ
0

Rusiya tarlasında qəribə işarələr — Yadplanetlilər mesaj verir?

Rusiya tarlasında qəribə işarələr
18:48
Bu gün
127
Maraqlı
A
Rusiyanın Krasnodar vilayətindəki buğda tarlalarında qəribə simvollar üzə çıxıb.

“Ölkə.Az” xəbər verir ki, artıq simvollar araşdırılır.

Rusiyanın taxıl anbarı olaraq tanınan və ölkənin ən çox əkin sahəsi olan Krasnodarda baş verən qəribə hadisə rusları qorxuya salıb. Səhər tarlaya çıxan fermerlər buğdalar üzərində qərimə simvollar görüblər. Məsələ mütəxəssislərə bildirilib.

Mütəxəssislər tarlaları həm havadan, həm də qurudan lentə alıblar. Bundan başqa ətrafda da axtarış işlərinə başlanılıb. Sosial şəbəkələrdə isə bu simvolların və işarələrin yadplanetlilər tərəfindən qoyulduğu və ruslara nəsə mesaj ötürmək istədikləri iddia edilir.

Hikmət Həsənov
Ölkə.Az

ŞƏRH YAZ
0

Alimlərdən dəhşətli xəbərdarlıq: “İstilər 100 min insanın ölümünə səbəb olacaq”

Alimlərdən dəhşətli xəbərdarlıq: “İstilər 100 min insanın ölümünə səbəb olacaq”
13:10
Bu gün
1911
Maraqlı
A
Qlobal istilər və iqlim dəyişikliyinin mənfi təsirləri artıq insan ölümünə səbəb olacaq.

“Ölkə.Az” xəbər verir ki, bu barədə tədqiqatçı alimlər xəbərdarlıq ediblər. Bildirilir ki, 2100-cü ildə dəhşətli istilər 100 min insanın ölümünə səbəb olacaq.

Tədqiqatın nəticələrinə əsasən, 1981-2010-cu illər arasında Avropa qitəsində hər il orta hesabla 3 min insan istilər səbəbindən ölüb. Əgər gedişat belə davam etsə, 2100-cü ildə bu rəqəm 100 min nəfərə çatacaq.

Hikmət Həsənov
Ölkə.Az

ŞƏRH YAZ
1
BAĞLA