Pasxa adasındakı müəmmalı heykəllərin sirri
“Ölkə.Az” xəbər verir ki, adada istukan adlı daş heykəllərin başında 13 tonluq qırmızı rəngli “şlyapa”ların necə peyda olması barədə məqalə “Journal of Archaeological Science” jurnalında dərc edilib. Bildirilir ki, batmış gəmiləri çıxarmaq üçün istifadə edilən texnologiya bu papaqların heykəllərin başına qoyulması üçün istifadə edilib.
Pasxa adası planetin ən sirli yerlərindən sayılır. Burada iki min il əvvəl polinzeylilərin möhtəşəm sivilizasiyası olub. Onlar özlərindən sonra nəhəng istukan-moai heykəllərini və bir sıra izlər qoyublar. Alimlərin fikrinə görə, bu heykəllər ada sakinlərinin əcdadının şərəfinə ucaldılıb.
Avropalılar buraya gələnə qədər sivilizasiya Pasxa adasından tamamilə silinib. Araşdırmaçıların fikrinə görə, bunun iki səbəbi var. Birincisi, təbii sərvətlərin, meşələrin və heyvanların kütləvi istifadəsi və bunun nəticəsində də aborigen tayfalar arasında baş verən müharibədir.
Moai mədəniyyəti və bu dili bilənlərin tam məhv olması arxeoloqlara adanın əsas sirrini açmağa imkan vermir. 13 tonluq pukao adlı şlyapalar daş heykəllərin başında necə peyda olub?
Şlyapalar müxtəlif vulkanlardan hazırlanıb. Heykəl və şlyapa müxtəlif yerlərdə hazırlanıb. Məsafələri onlarla kilometr ayırır.
Alimlər isə istukan və karyerlərin ətrafında tapılan artefaktları incələyiblər. Bu yerlərdə heykəllər də şlyapalar da onların üç ölçülü modelləri də hazırlanıb.
Tədqiqatçı Lipo və onun komandası qeyd edir ki, əgər heykəl və şlyapalar uzaq məsafədən gətirilibsə, daşınma zamanı zədələr üzə çıxa bilərdi.
Əgər bunları indiki yerlərində hazırlayıblarsa, ətrafda buna aid iz olmalı idi.
Hikmət Həsənov
Ölkə.Az