"Patruşev Ermənistana rəsmi İrəvanı buxovlamağa getmişdi" — Mübariz Əhmədoğlu

17:50
14.08.2019
3194
Siyasət
A
"Rusiya Təhlükəsizlik Şurasının katibi Nikolay Patruşevin Ermənistana səfəri İrəvanın yenidən Moskva tərəfindən buxovlanaraq cilovunu ələ almaq məqsədi daşıyır".

 Bunu “Ölkə.Az”a açıqlamasında politoloq Mübariz Əhmədoğlu deyib.

Onun sözlərinə görə, Patruşevin İrəvana səfəri zamanı əsas müzakirə olunan məsələlərdən biri Qarabağ, regional təhlükəsizlik, informasiya təhlükəsizliyi məsələləri olub. “Paşinyanın Qarabağ məsələsində yürütdüyü siyasət regional təhlükəsizliyə ciddi təhdid yaratdığından bu, məsələ Rusiyanı da ciddi narahat edir. Çünki Rusiya həm region ölkəsidir, digər tərəfdən də bu məsələdə marağı olan dövlətdir. Ona görə də Paşinyanın yürütdüyü siyasətə biganə yanaşa bilməz. 

Görüş zamanı ən geniş müzakirələr olunan məsələlərdən biri də informasiya təhlükəsizliyi sahəsində, ələxüsus də erməni mediasında  Rusiya əleyhinə gedən yazılar müzakirə edilib”- politoloq qeyd edib.

O əlavə edib ki, burada diqqət çəkən digər məqam isə son günlərdə Moskvada keçirilən mitinqlərin təlimçilərinin İrəvanda hazırlanmasıdır: “Kreml hesab edir ki, Moskvadakı mitinqləri təşkil edilən qruplar İrəvanda hazılanıb.  Odur ki, Kreml son mitinqlər məsələsində də İrəvanı ittiham edir".  

Patruşevin İrəvan səfərinin yekunlarına toxunan politoloq qeyd edib ki, Moskvanın artıq Ermənistanın yürütdüyü siyasətə dözmək təhəmmülü yoxdur və onu cilovlamağın vaxtı çatdığını hesab edir. “Patruşev də Ermənistanı buxovlayaraq yenidən nəzarətə götürülməsinin planlarını hazırlayıb. O müzakirlər zamanı Kremlin İrəvana ciddi mesajlarını çatdırıb. Biz bunun bir-iki aydan sonra nəticələrini görməyə başlayacağıq”-M.Əhmədoğlu bildirib.
O hesab edir ki, artıq Ermənistan həm xarici, həm də daxili siyasətində Rusiyanın maraqlarına zidd olan  ciddi səhvlərə yol verir və bu da Moskvanın xoşuna gəlmir. “Odur ki, Moskvanın artıq Paşinyana dözmək niyyəti yoxdur. Təsəvvür edin, İrəvanın son vaxtlarda İranla bağlı siyasəti Moskvanı ciddi narahat emtəyə başlayıb. Birincisi budur ki, Rusiya bu ölkəyə satdığı qazın qiymətini qaldırmaq istəyən kimi Ermənistan İrandan ucuz qaz almaq üçün Tehrana yalvarır. Digər tərəfdən isə ABŞ-a Ermənistan ərazisindən İranın elektrik stansiyalarına kiberhücum reallaşdırmasına imkan yaratmasına qəzəblənib”- o deyib.

M.Əhmədoğlu  bildirib ki, Ermənistan öz işğalçı siyasəti ilə özünü belə  çıxılmaz vəziyyətə salıb: “ Hər tərəf onun düzgün olmayan  siyasət yürütməkdə ittiham edir və  nəticədə bundan əziyyət çəkən elə Ermənistan özü olur. Rusiya Ermənistanı orbitindən uzaqlaşmağa cəhd etdiyini üçün cəzalandırmaq istəyir, ABŞ da  Rusiyadan uzaqlamadığı üçün ona maliyyə yardımı etmək istəmir və dəstək vermir. Bunun da  bir səbəbi var, o da işğalçılıq siyasətidir. Ermənistan nə qədər ki, bu siyasətinə son verməyəib, üzləşdiyi ağır durumdan qurtula bilməyəcək”.

Mürtəza
Ölkə.Az

ŞƏRH YAZ
0

Merkellə Makron Putinə Ərdoğanla görüşməyi təklif ediblər

Merkellə Makron Putinə Ərdoğanla görüşməyi təklif ediblər
03:05
Bu gün
364
Siyasət
A
Rusiya prezidenti Vladimir Putinin Almaniya kansleri Angela Merkel və Fransa prezidenti Emanuel Makron arasında telefon danışığı olub.

“Ölkə.Az”  “Rian.ru”ya istinadən xəbər verir ki, Almaniya və Fransa liderləri Türkiyə prezidenti Rəcəb Tayyib Ərdoğanla İdlibdəki vəziyyəti müzakirə edib  həll etmək istiqamətində birgə görüşə hazır olduqlarını bəyan ediblər. Bunu Almaniya  nazirlər kabinetinin rəsmisi Şteffen  Zaybert  deyib.

Onun sözlərinə görə,   telefon danışığında Merkellə Makronu İdlibdə yaranmış dəhşətli humanitar  böhrandan ciddi narahatdırlar. Merkellə Makron  İdlibdə hərbi əməliyyatları dayandırmağa çağırıb.

Merkellə Makron Putinə də İdlibdəki  böhranlı vəziyyəti həll etmək üçün qısa zamanda Ərdoğanla görüşməyi də təklif ediblər.

Ölkə.Az

 

ŞƏRH YAZ
0

Prezident və Birinci xanım Azərbaycan Mədəniyyət Mərkəzi üçün nəzərdə tutulan bina ilə tanış olublar — FOTO

Prezident və Birinci xanım Azərbaycan Mədəniyyət Mərkəzi üçün nəzərdə tutulan bina ilə tanış olublar
00:11
Bu gün
1534
Siyasət
A
Azərbaycan Respublikasının Prezidenti İlham Əliyev və birinci xanım Mehriban Əliyeva fevralın 21-də Romada Azərbaycan Mədəniyyət Mərkəzi üçün nəzərdə tutulan bina ilə tanış olublar.

"Ölkə.Az" AZƏRTAC-a istinadən xəbər verir ki, bina ilə tanışlıq zamanı dövlətimizin başçısına və birinci xanıma məlumat verildi ki, burada Azərbaycan Mədəniyyət Mərkəzinin, həmçinin səfirliyimizin fəaliyyəti üçün hərtərəfli şəraitin yaradılması nəzərdə tutulur.

Binada yüksək səviyyədə təmir-bərpa işlərinin aparılması planlaşdırılır.

Prezident İlham Əliyev binanın əsaslı təmir layihəsi və görüləcək işlərlə bağlı tapşırıq və tövsiyələrini verdi.

ŞƏRH YAZ
0
BAĞLA