"Patruşev Ermənistana rəsmi İrəvanı buxovlamağa getmişdi" — Mübariz Əhmədoğlu

17:50
14.08.2019
2859
Siyasət
A
"Rusiya Təhlükəsizlik Şurasının katibi Nikolay Patruşevin Ermənistana səfəri İrəvanın yenidən Moskva tərəfindən buxovlanaraq cilovunu ələ almaq məqsədi daşıyır".

 Bunu “Ölkə.Az”a açıqlamasında politoloq Mübariz Əhmədoğlu deyib.

Onun sözlərinə görə, Patruşevin İrəvana səfəri zamanı əsas müzakirə olunan məsələlərdən biri Qarabağ, regional təhlükəsizlik, informasiya təhlükəsizliyi məsələləri olub. “Paşinyanın Qarabağ məsələsində yürütdüyü siyasət regional təhlükəsizliyə ciddi təhdid yaratdığından bu, məsələ Rusiyanı da ciddi narahat edir. Çünki Rusiya həm region ölkəsidir, digər tərəfdən də bu məsələdə marağı olan dövlətdir. Ona görə də Paşinyanın yürütdüyü siyasətə biganə yanaşa bilməz. 

Görüş zamanı ən geniş müzakirələr olunan məsələlərdən biri də informasiya təhlükəsizliyi sahəsində, ələxüsus də erməni mediasında  Rusiya əleyhinə gedən yazılar müzakirə edilib”- politoloq qeyd edib.

O əlavə edib ki, burada diqqət çəkən digər məqam isə son günlərdə Moskvada keçirilən mitinqlərin təlimçilərinin İrəvanda hazırlanmasıdır: “Kreml hesab edir ki, Moskvadakı mitinqləri təşkil edilən qruplar İrəvanda hazılanıb.  Odur ki, Kreml son mitinqlər məsələsində də İrəvanı ittiham edir".  

Patruşevin İrəvan səfərinin yekunlarına toxunan politoloq qeyd edib ki, Moskvanın artıq Ermənistanın yürütdüyü siyasətə dözmək təhəmmülü yoxdur və onu cilovlamağın vaxtı çatdığını hesab edir. “Patruşev də Ermənistanı buxovlayaraq yenidən nəzarətə götürülməsinin planlarını hazırlayıb. O müzakirlər zamanı Kremlin İrəvana ciddi mesajlarını çatdırıb. Biz bunun bir-iki aydan sonra nəticələrini görməyə başlayacağıq”-M.Əhmədoğlu bildirib.
O hesab edir ki, artıq Ermənistan həm xarici, həm də daxili siyasətində Rusiyanın maraqlarına zidd olan  ciddi səhvlərə yol verir və bu da Moskvanın xoşuna gəlmir. “Odur ki, Moskvanın artıq Paşinyana dözmək niyyəti yoxdur. Təsəvvür edin, İrəvanın son vaxtlarda İranla bağlı siyasəti Moskvanı ciddi narahat emtəyə başlayıb. Birincisi budur ki, Rusiya bu ölkəyə satdığı qazın qiymətini qaldırmaq istəyən kimi Ermənistan İrandan ucuz qaz almaq üçün Tehrana yalvarır. Digər tərəfdən isə ABŞ-a Ermənistan ərazisindən İranın elektrik stansiyalarına kiberhücum reallaşdırmasına imkan yaratmasına qəzəblənib”- o deyib.

M.Əhmədoğlu  bildirib ki, Ermənistan öz işğalçı siyasəti ilə özünü belə  çıxılmaz vəziyyətə salıb: “ Hər tərəf onun düzgün olmayan  siyasət yürütməkdə ittiham edir və  nəticədə bundan əziyyət çəkən elə Ermənistan özü olur. Rusiya Ermənistanı orbitindən uzaqlaşmağa cəhd etdiyini üçün cəzalandırmaq istəyir, ABŞ da  Rusiyadan uzaqlamadığı üçün ona maliyyə yardımı etmək istəmir və dəstək vermir. Bunun da  bir səbəbi var, o da işğalçılıq siyasətidir. Ermənistan nə qədər ki, bu siyasətinə son verməyəib, üzləşdiyi ağır durumdan qurtula bilməyəcək”.

Mürtəza
Ölkə.Az

ŞƏRH YAZ
0

İlham Əliyev və Mehriban Əliyeva ağac əkdilər — YENİLƏNİB + FOTO / VİDEO

İlham Əliyev və Mehriban Əliyeva ağac əkdilər
20:36
06.12.2019
4218
Siyasət
A
Azərbaycan Respublikasının Prezidenti İlham Əliyev və birinci xanım Mehriban Əliyeva dekabrın 6-da Azərbaycanın filosof şairi İmadəddin Nəsiminin 650 illik yubileyi münasibətilə mütəfəkkirin anadan olduğu Şamaxı rayonunda keçirilən ağacəkmə aksiyasında iştirak ediblər.

"Ölkə.Az" xəbər verir ki, Azərbaycanın birinci xanımı Mehriban Əliyevanın təşəbbüsü ilə keçirilən bu aksiya çərçivəsində bir gündə ölkəmizdə 650 min ağac əkilib.

Dövlətimizin başçısına və birinci xanıma aksiya barədə məlumat verən Ekologiya və Təbii sərvətlər naziri Muxtar Babayev dedi: Mehriban xanımın təşəbbüsünə əsasən bütün respublika üzrə bir gündə 650 min ağacın əkilməsi ilə bağlı böyük bir aksiyaya başlamışıq. Ağacların hamısı yerli tingliklərdə yetişdirilib və respublikanın bütün rayonlarının sifarişləri üzrə paylanıbdır.

Prezident İlham Əliyev: Şamaxıda neçə min ağac əkilir?

Muxtar Babayev: Şamaxıda 50 min. Bakıda, Naxçıvanda, Sabirabad və Saatlı rayonlarının hər birində də 50 min ağac əkiləcək.

Prezident İlham Əliyev: Şamaxıda neçə yerdə ağac əkilir, ancaq burada?

Muxtar Babayev: Şamaxıda 10-12 yerdə əkilir. Bizim aksiyamızın keçirildiyi ərazi 5 hektardır.

Prezident İlham Əliyev: Hansı ağaclar əkilir?

Muxtar Babayev: Burada əsasən tuya və Eldar şamı. Amma, bütövlükdə 38 növ ağac paylanıbdır. Əsasən meyvə ağaclarıdır ki, insanlar həm də meyvə götürsünlər.

Prezident İlham Əliyev: Ağaclar bölgələrin iqliminə uyğun olmalıdır.

Muxtar Babayev: Əlbəttə, nəzərə almışıq.

Prezident İlham Əliyev: Abşeronda yəqin ki, zeytun əkilir?

Muxtar Babayev: Abşeronda əsasən zeytundur, badamdır. Burada isə əsasən Eldar şamıdır. Əkilən ağaclar əsasən damcı üsulu ilə suvarılacaq. Bu sistem artıq Sabirabadda, Şamaxıda qurulur. Digərlərində ağaclar hələ ki ənənəvi üsulla suvarılacaq.

Prezident İlham Əliyev: Ancaq qulluq etmək lazımdır. Mən gələndə gördüm ki, yolboyu əkilmiş bəzi ağaclar quruyub.

Muxtar Babayev: Quruyan ağacların hamısı mütləq dəyişdiriləcək, onlara qulluq olunacaq. Ümumiyyətlə, aksiya səhər tezdən başlayıb. Bir neçə gündür hazırlıq işləri görülübdür. Bütün rayonlarda bu işlər çox böyük əhval-ruhiyyə ilə görülür və günün sonuna bizim hesabatımız olacaq.

Prezident İlham Əliyev: Çox yaxşı.

***

Azərbaycan Respublikasının Prezidenti İlham Əliyev və Birinci vitse-prezident Mehriban Əliyeva dekabrın 6-da Şamaxı rayonunda keçirilən ağacəkmə aksiyasında iştirak ediblər.

"Ölkə.Az" xəbər verir ki, Ekologiya və Təbii sərvətlər naziri Muxtar Babayev aksiya barədə dövlətimizin başçısına və Birinci vitse-prezidentə məlumat verib.

Bildirilib ki, dahi Azərbaycan şairi İmadəddin Nəsiminin 650 illik yubileyi münasibətilə respublikamızın bütün ərazisini əhatə edən ağacəkmə aksiyası çərçivəsində ümumilikdə 83 şəhər və rayonda 37 növdə 650 min ağacın əkilməsi nəzərdə tutulur.

Ağacların hamısı Ekologiya və Təbii Sərvətlər Nazirliyinin tinglik təsərrüfatlarında yetişdirilib. Aksiya ilə əlaqədar Ekologiya və Təbii Sərvətlər Nazirliyi tərəfindən ağacların əkiləcəyi ərazilərin elektron xəritəsi hazırlanıb.

Şəhər və rayon icra hakimiyyətləri tərəfindən ərazilərdə müvafiq hazırlıq işləri görülüb. Əkiləcək ağacların becərilməsində damcılı suvarma sistemindən və suvarma kanallarından istifadə olunacaq.

Qeyd edilib ki, Şamaxı rayonundakı ağacəkmə aksiyasında 50 minədək ağacın əkilməsi nəzərdə tutulub. Şamaxı şəhərinin girişindəki ərazidə keçirilən aksiyada isə 5 min ağac əkilib. Bu ərazinin relyefinə uyğun olaraq burada əsasən tuya və Eldar şamı ağacları əkilib.

Burada əkilən ağaclar ilə “Nəsimi 650” yazısı formalaşdırılacaq. Aksiyada 300-dək şamaxılı gənc və könüllü ilə yanaşı, IDEA İctimai Birliyinin və Heydər Əliyev Fondunun Regional İnkişaf İctimai Birliyinin üzvləri də fəal iştirak ediblər.

Prezident İlham Əliyev və Birinci vitse-prezident Mehriban Əliyeva ağac əkiblər.

Sonda Prezident İlham Əliyev və Birinci vitse-prezident Mehriban Əliyeva aksiyada iştirak edən gənclərlə xatirə şəkilləri çəkdiriblər.

ŞƏRH YAZ
0

Məzahir Pənahov: “MSK seçki prosesinə sabah start verəcək” — VİDEO

Məzahir Pənahov: “MSK seçki prosesinə sabah start verəcək”
18:23
06.12.2019
4074
Siyasət
A
“Mərkəzi Seçki Komissiyası (MSK) debakrın 7-dən növbədənkənar parlament seçkisi prosesinə start verəcək”.

"Ölkə.Az" xəbər verir ki, bu barədə Azərbaycan Televiziyasına açıqlamasında MSK sədri Məzahir Pənahov məlumat verib.

O, sabahkı iclasın gündəliyini açıqlayıb: “Sabahkı iclasda komissiyaların fəaliyyətə başlaması rəsmiləşdiriləcək, təqvim planı təsdiqlənəcək. Bundan başqa, müraciətlərə baxılması üçün işçi qruplar yaradılacaq. Ondan sonra ehtiyac olarsa, hər gün iclas edəcəyik”.

ŞƏRH YAZ
0
BAĞLA