Paytaxtda törədilən terror nəticəsində ölənlərin sayı 358-ə çatıb
Somalinin paytaxtı Moqadişo şəhərində törədilən partlayış nəticəsində ölənlərin sayı 358 nəfərə çatıb.
“Ölkə.Az” xəbər verir ki, bu barədə hökumətdən bildirilib. Verilən məlumata görə, hadisə nəticəsində 358 nəfər ölüb, 228 nəfər yaralanıb, 56 nəfər itkin düşüb. Yaralılardan 56-sı müalicə üçün Türkiyə, Sudan və Keniyaya göndərilib.
Qeyd edək ki, oktyabrın 14-də Somalinin paytaxtı Moqadişonun mərkəzində terror aktı törədilib. Yollardan birində içində partlayıcı maddənin olduğu yük maşını partlayıb. Hüquq mühafizə orqanlarından verilən məlumata görə, partlayış polisin yük maşınını təqib etdiyi vaxt baş verib. Hadisə “Safari” hotelinin yaxınlığında olub. Ölənlərdən çoxu Somali vətəndaşıdır.
Ziya Səccad
Ölkə.Az
