Trend-in Fövqəladə Hallar Nazirliyinin saytına istinadən məlumatına görə, Bakı şəhərinin Nərimanov rayonunda doqquzmərtəbəli yaşayış binasının xarici divarına bərkidilən metal vərəqə asılı vəziyyətdə qalıb. Ərazidən keçən insanların təhlükəsizliyinin təmin olunması məqsədilə Xüsusi Riskli Xilasetmə Xidmətinin müvafiq xilasetmə qüvvələri çağırış ünvanına cəlb olunub. Xilasedicilər asılı vəziyyətdə qalan metal vərəqəni divara bərkidib və müvafiq təhlükəsizlik tədbirləri həyata keçiriblər.

Ölkə.Az

"Ölkə.Az" xəbər verir ki, Sardiniyada istirahət edən fransızlar, çimərlikdən qum oğurladıqları üçün 6 il həbs cəzasına məhkum edilə bilərlər.  İstirahət edən cütlük, ümumi çəkisi 40 kiloqram olan qumu plastik qablarda avtomobillərinin yük yerində gizlədiblər. Qaydanı pozanlar Sardiniyanın cənubundakı Kia çimərliyində qum yığarkən cinayət etdiklərini bilmədiklərini iddia ediblər.

Qeyd edək ki,  İtaliya adasının ağ çimərlikləri yerli hakimiyyət tərəfindən fəal şəkildə qorunur və müdafiyə olunur. Bəzi turistlər internetdə daha çox satış üçün qum oğurlayırlar ki, bu da qanunsuz sayılır. Sardiniyalı ətraf mühit alimi Pierluiggi Kokkoya görə, adanın əsas görməli yerlərindən biri olan Sardinya çimərlikləri turistlərin qum oğurlaması səbəbindən tükənmək təhlükəsi ilə üzləşir.    
                                                                  
Müşfiq Məmmədov
Ölkə.Az

“Ölkə.Az” qafqazinfo-ya istinadən xəbər verir ki, 1981-ci il təvəllüdlü Rəhimov Nizami Məzahir oğlu ayaq və kürək nahiyəsindən bıçaqlanıb.

Onun kim tərəfindən və hansı şəraitdə bıçaqlandığı hələlik bəlli deyil. Xəstəxanaya çatdırılan yaralının vəziyyətinin orta ağır olduğu bildirilir.

Faktla bağlı araşdırma aparılır.

Ölkə.Az