"Pəhləvanlar" kafesində əxlaqsızlıq yuvası və... — TƏFƏRRÜAT

14:34
11.09.2019
4795
Ölkə
A
Bakı Ağır Cinayətlər Məhkəməsində Abşeron rayonunda yerləşən “Pəhləvanlar” kafesində əxlaqsızlıq yuvası təşkil etməkdə və narkotik vasitələrin satışında təqsirləndirilən Habil və Qabil qardaşları, onların ortağı Elçin Əzimlinin cinayət işi üzrə məhkəmə iclası başlayıb.

"Ölkə.Az" xəbər verir ki, hakim Mahmud Ağalarovun sədrliyi ilə keçirilən prosesdə təqsirləndirilən şəxslərin anket məlumatları dəqiqləşdirilib. 

Məhkəmənin baxış iclası sentyabrın 13-nə təyin edilib. 

Qeyd edək ki, hər üç şəxs 2019-cu ilin fevral ayında DİN-in İnsan Alverinə qarşı Mübarizə Baş İdarəsi tərəfindən Abşeron rayonunda keçirilən əməliyyat nəticəsində saxlanılıb. Məlum olub ki, Q.Ramazanov işlətdiyi “Pəhləvan” kafesində xüsusi otaqlar düzəldərək orada qadınları fahişəliyə cəlb edib. Bu fəaliyyətdən əldə olunan gəlir isə qardaşlarla həmin qadınlar arasında bölünüb. 

İstintaqın ilk mərhələsində Q.Ramazanov həbs edilib, qardaşı Habil və E.Əzimli isə polisin nəzarətinə verilməklə sərbəst qalıblar.

Q.Ramazanov “Pəhləvanlar” kafesinin sahibi və dəstənin başçısı olub. O, saxlanılan zaman üzərindən külli miqdarda narkotik vasitə aşkar olunub.

Q.Ramazanov həm narkotik ticarəti, həm də insan alverində, əkiz qardaşı Habillə Elçin isə yalnız insan alverində ittiham edilirlər.

Natiq Allahverdiyev
Ölkə.Az

 

ŞƏRH YAZ
0

Kamil Musəvi əməliyyat olundu — FOTO

Kamil Musəvi əməliyyat olundu
21:06
Bu gün
1595
Ölkə
A
2015-ci ilin oktyabrında cəbhə bölgəsində xidməti vəzifəsini yerinə yetirərkən bir gözünü və bir ayağını itirən kəşfiyyatçı baş leytenant Kamil Musəvi əməliyyat olunub.

“Ölkə.Az” xəbər verir ki, riskli və ağır əməliyyat keçirən Musəvinin əməliyyatdan sonrakı fotolarını yaxınları sosial şəbəkədə paylaşıblar.

Məlumata görə, əməliyyat uğurlu keçib və o, hazırda özünü yaxşı hiss edir. K.Musəvinin sabah palataya köçürüləcəyi bildirilir.

Qeyd edim ki, əməliyyatın xərclərini Azərbaycanın Birinci vitse-prezidenti,  Heydər Əliyev Fondunun prezidenti Mehriban Əliyeva öz üzərinə götürüb.

Ölkə.Az

ŞƏRH YAZ
0

İlham Əliyev alimə fərdi təqaüd təyin etdi

İlham Əliyev alimə fərdi təqaüd təyin etdi
20:48
Bu gün
2015
Ölkə
A
Prezident İlham Əliyev Kərim Kərimova Azərbaycan Respublikası Prezidentinin fərdi təqaüdünün verilməsi haqqında sərəncam imzalayıb.

“Ölkə.Az” report-a istinadən xəbər verir ki, sərəncamla Azərbaycanın neft sənayesi sahəsində səmərəli fəaliyyətinə görə Kərim Məmmədxan oğlu Kərimova Azərbaycan Respublikası Prezidentinin fərdi təqaüdü təyin edilib.

Qeyd edək ki, 86 yaşlı professor Kərim Kərimov tanınmış geofizik, Geologiya-mineralogiya elmləri doktoru və AMEA-nın müxbir üzvüdür.

Ölkə.Az

ŞƏRH YAZ
0
BAĞLA