Pənah Hüseyn: “Prezidentin bu qərarını alqışlayırıq”

Pənah Hüseyn: “Prezidentin bu qərarını alqışlayırıq”
16:21
10.01.2018
2372
Siyasət
A
“Azərbaycan Xalq Cümhuriyyətinin 100 illiyinin geniş miqyasda qeyd olunması və ictimaiyyətə çatdırılması ilə bağlı ölkə başçısının verdiyi qərar çox müsbət addımdır. Biz bu qərarı alqışlayırıq”.

Bu fikirləri “Ölkə.Az”-a açıqlamasında Azərbaycanın keçmiş Baş naziri, Azərbaycan Xalq Partiyasının (AXP) qurucusu Pənah Hüseyn bildirib. 

P.Hüseyn deyib ki, ölkə başçısının bu addımı Azərbaycan Xalq Cümhuriyyətinin 100 illik yubileyinin daha ciddi və geniş şəkildə qeyd edilməsinə zəmin yaradır:

“2018-ci ilin Azərbaycan Xalq Cümhuriyyətinin 100 illiyinin elan olunması barədə bir sıra ictimai-siyasi təşkilatların da təklifləri var idi. Həqiqətən də bu hadisənin bizim həyatımızda böyük rolu vardır. Ona görə də biz Cümhuriyyətin 100 illik yubileyinin geniş şəkildə qeyd edilməsini arzu edirik”.

Xatırladaq ki, Prezident İlham Əliyev 2018-ci ili ölkəmizdə “Azərbaycan Xalq Cümhuriyyəti İli” elan edib.

Dövlət başçısı bunu Nazirlər Kabinetinin 2017-ci ilin sosial-iqtisadi inkişafının yekunlarına və qarşıda duran vəzifələrə həsr olunan iclasında bildirib.
 
Vasif Həsənli
Ölkə.Az

ŞƏRH YAZ
0

“Ermənilər kütləvi etirazlardan diqqəti yayındırmaq üçün yalan məlumatlar yayırlar” — Müdafiə Nazirliyi

“Ermənilər kütləvi etirazlardan diqqəti yayındırmaq üçün yalan məlumatlar yayırlar”
12:03
Bu gün
8895
Siyasət
A
Azərbaycan Müdafiə Nazirliyi Ermənistan mətbuatında guya qoşunların təmas xəttinə yaxın ərazilərdə Azərbaycan Ordusunun canlı qüvvə və döyüş texnikasının aktiv hərəkəti barədə yayılan məlumatlara aydınlıq gətirib.

Nazirliyin mətbuat xidmətindən "Ölkə.Az"a daxil olan xəbərdə deyilir ki, bu məlumatlar həqiqəti əks etdirmir.

"Son günlər Ermənistanda güclənən kütləvi xalq etirazlarından ictimaiyyətin diqqətini yayındırmaq məqsədilə kriminal hərbi-siyasi rejim bu cür çirkin yalan və təxribat xarakterli müxtəlif məlumatlar yayır”, - deyə Müdafiə Nazirliyinin məlumatında qeyd edilir.

Ölkə.Az

ŞƏRH YAZ
0

“Əmlak kralı”nın taleyi necə olacaq? — Qohumluq əlaqələri işə yaramadı

“Əmlak kralı”nın taleyi necə olacaq?
11:10
Bu gün
11601
Siyasət
A
Prezident İlham Əliyevin dünən imzaladığı sərəncamla təsdiqlənən yeni hökumətin tərkibində təyinat olmayan vəzifələrdən biri Əmlak Məsələləri Dövlət Komitəsinin sədri postudur.

“Ölkə.Az” xəbər verir ki, quruma yarandığı vaxtdan etibarən, yəni 2009-cu ildən dünənki tarixə kimi Kərəm Həsənov rəhbərlik edib. 

Bəziləri prezidentin K. Həsənovu komandasında uzun müddətdir, görmək istəmədiyi ilə bağlı fikirlər, iddialar səsləndirsə də, 49 yaşlı məmurun taleyi faktiki olaraq sual altındadır.

Düzdür, K. Həsənov 9 illik rəhbərliyi dövründə mətbuat səhifələrində hər zaman qalmaqallı məsələlərlə manşet olub. Lakin o, bütün bunlardan sıyrılaraq, vəzifəsində qalmağı bacarıb.

Mətbuatda “əmlak kralı” olaraq adlandırılan Həsənovun haqqında tez-tez “yaxın vaxtlarda postdan uzaqlaşdırılır”, “Kərəm Həsənov vəzifədən gedir”, ““Əmlak kralı” vuruldu”, ““Həsənovlar İmperiyası”na son verilir” kimi xəbərlər yayılsa da, hər belə xəbərdən sonra onun əlinin bir az da gücləndiyinin şahidi olmuşuq. Məsələn, 2015-ci il parlament seçkilərində Kərəm Həsənovun qardaşı Malik Həsənov Cəlilabad rayonundan deputat seçildi. Elə həmin ildə K. Həsənov Azərbaycanda ən nüfuzlu və iri ranqlı icra başçılarından sayılan Gəncənin rəhbəri Elmar Vəliyevlə quda oldu. Kərəm Həsənovun oğlu ilə Elmar Vəliyevin qızı ailə həyatı qurdu. Həsənovun qaynı Fəxrəddin Abbasov isə ötən il Ağsu Rayon Polis Şöbəsinə rəis təyin edilib.

Belə güclü qohumluq əlaqələri olan birinin taleyinin necə olacağı isə maraqla gözlənilənlər siyahısındadır.

Ölkə.Az

ŞƏRH YAZ
0
BAĞLA