Penitensiar Xidmətin binasında yanğın
Ədliyyə Nazirliyi Penitensiar Xidmətinin inzibati binasının ərazisində baş verən yanğın söndürülüb.
"Ölkə.Az"ın APA-ya istinadən xəbərinə görə, Xidmətin ərazisində yerləşən yardımçı tikilidə baş verən qısaqapanma nəticəsində 10 kv.m sahədə stul və kağızlar yanıb.
Yanğın yanğınsöndürənlər tərəfindən söndürülüb.
Hadisə nəticəsində təxliyə edilən və xəsarət alanların olmadığı bildirilir.
Qeyd edək ki, yanğın baş verən əraziyə təcili tibbi yardım briqadası da cəlb olunub.
***
Ədliyyə Nazirliyinin Penitensiar Xidmətinin inzibati binasında yanğın başlayıb.
"Ölkə.Az"ın APA-ya istinadən xəbərinə görə, Nəsimi rayonu, Nizami küçəsində yerləşən binada yanğını söndürmək üçün yanğınsöndürmə briqadaları cəlb olunub.
