Pensiyalar nə qədər artdı? — Hesablama qaydası

Pensiyalar nə qədər artdı?
22:35
09.02.2018
8808
İqtisadiyyat
A
Xəbər verdiyimiz ki, Azərbaycan prezidenti İlham Əliyev əmək pensiyalarının sığorta hissəsinin Dövlət Statistika Komitəsi tərəfindən müəyyən edilən illik artım tempinə uyğun olaraq indeksləşdirilməsi haqqında sərəncam imzalayıb.

"Ölkə.Az" “Qafqazinfo”ya istinadən xəbər verir ki, əhalinin 2017-ci il üzrə gəlirlərinin nə qədər artdığı ilə bağlı yekun rəqəmlər açıqlanmadığı üçün pensiyaların nə qədər artdığı hələlik dəqiq bilinmir.

İqtisadçı-ekspert Natiq Cəfərli açıqlamasında bildirib ki, artımın 6,5- 7 faiz civarında olacağı gözlənilir:

“Bu vaxta qədər təqaüdlərin baza hissəsi indeksləşdirilirdi. Yəni, ölkədə yanvarın 1-nə qədər hansı inflyasiya səviyyəsi olurdusa, baza hissəsi də o qədər indeksləşdirilirdi.

Keçən ilin sonunda bu qaydalar dəyişdirildi. Artıq təqaüdlərin sadəcə baza hissəsinin yox, tamamının artırılması ilə bağlı qərar verildi. Yəni əhalinin nominal gəliri hansı səviyyədə olacaqsa, o qədər indeksləşəcək”.

N.Cəfərli qeyd edib ki, ötən ilin 11 ayına görə, əhalinin gəlirləri 6,5 faiz artıb. Doğrudur, hələ yekun rəqəm açıqlanmayıb, amma bunun 6,5- 7 faiz civarında olacağı gözlənilir:

“Obrazlı desək, 150 manat təqaüd alan şəxsin pensiyasına təqribən 10,50 manat artım gözlənilir. Yəni kim nə qədər pensiya alırsa, həmin rəqəm əhalinin gəlirlərinin faizinə (6,5- 7 faiz olacağı gözlənilir) vurulacaq”.

Ölkə.Az

ŞƏRH YAZ
1

Azərbaycan nefti ucuzlaşıb

Azərbaycan nefti ucuzlaşıb
00:50
Bu gün
814
İqtisadiyyat
A
CIF bazisi üzrə İtaliyanın Augusta limanı şərtləri ilə Azərbaycanın yüngül neftinin qiyməti dekabrın 13-də 62,19 dollar/barel təşkil edib ki, bu da çərşənbə gününə olan göstəricidən 0,82 dollar/barel azdır.

"Ölkə.Az" bldirir ki, bu barədə Trend-ə ölkənin neft-qaz bazarındakı mənbə bildirib.

FOB bazisi üzrə Türkiyənin Ceyhan limanında Azərbaycanın yüngül neftinin qiyməti dekabrın 13-də 60,88 dollar/barel təşkil edib ki, bu da əvvəlki qiymətdən 0,84 dollar/barel azdır.

Novorossiysk limanından yüklənən URALS neftinin qiyməti dekabrın 13-də 57,51 dollar/barel təşkil edib ki, Trend-ə görə, bu, əvvəlki qiymətdən 0,39 dollar/barel azdır

Şimal dənizindən hasil edilən "Brent Dated" etalon növlü neftin qiyməti dekabrın 13-də 59,5 dollar/barel təşkil edib. Bu, əvvəlki qiymətdən 0,73 dollar/barel azdır.

Ölkə.Az

ŞƏRH YAZ
0

Azərbaycanda qızıl ucuzlaşıb

Azərbaycanda qızıl ucuzlaşıb
22:59
14.12.2018
929
İqtisadiyyat
A
Azərbaycanda qızıl və gümüş ucuzlaşıb.

“Ölkə.Az” Trend-ə istinadən xəbər verir ki, dekabrın 14-də qızılın qiyməti dekabrın 13-ü ilə müqayisədə 5,2955 manat azalaraq 1 unsiya üçün 2110,7115 manat təşkil edib.

Gümüş 0,0999 manat ucuzlaşaraq 1 unsiya üçün 24,969 manata bərabər olub.

Platinin qiyməti 16,303 manat azalaraq 1353,4975 manat, palladiumun qiyməti isə 7,7775 manat azalaraq 2144,805 manat təşkil edib.

Qeyd edək ki, troy unsiyası 31,1034768 qrama bərabər ölçü vahididir.

Ölkə.Az

ŞƏRH YAZ
0
BAĞLA