Pentaqon rəhbəri: \"İŞİD-in sayılı günləri qalıb\"
ABŞ-ın müdafiə naziri Ceyms Mettis İŞİD terror qruplaşmasının sayılı günlərinin qaldığını bəyan edib.
"Ölkə.Az" xəbər verir ki, Pentaqon rəhbəri bununla yanaşı bildirib ki, İŞİD-in tam məhvi haqqında danışmaq hələ tezdir.
Ceyms Bağdada elan edilməmiş səfəri çərçivəsində deyib: "Gördüyünüz kimi İŞİD rəqib qüvvələrin arasında sıxışıb qalıb. Buna görə də terror qruplaşmasının sayılı günləri qalıb. Amma qruplaşma tam məhv edilməyib və bu yaxın vaxtlarda baş verməyəcək".
Mettisin sözlərinə əsasən terrorçular çətin vəziyyətdə qalıblar. Pentaqon rəhbəri bildirib ki, hərbi komandanlıq səssiz-səmirsiz öz işini icra etməlidir.
Hikmət Həsənov
Ölkə.Az
