Pentaqon rəhbərindən kritik açıqlama: "Fəlakət çox yaxındadır"

Pentaqon rəhbərindən kritik açıqlama:
16:03
11.08.2017
30
Dünya
A
ABŞ və Şimali Koreya arasında açıqlama "savaşı" baş verir.

"Ölkə.Az" xəbər verir ki, ABŞ-ın müdafiə naziri Ceyms Mattis Şimali Koreyanın Quam adalarına ballistik raket zərbəsi endirmə bəyanatına cavab verib. ABŞ ordusunun Şimali Koreyadan gələn təhdidlərə qarşı hazır olduğunu bildirən general bu hazırlıqların nə olduğuna aid suala isə "Nə edəcəyimizi düşmənə açıqlamayacam"-cavabını verib.

Jurnalistlərdən birinin "Nüvə toqquşmasına neçə nəfərin öləcəyi mövzusunda bir açıqlama verə bilərsinizmi?"-sualına Mattis "mənim vəzifəm və öhdəçiliyim ehtiyac duyulan hərbi seçimlərə sahib olmaqdır. Amma hazırda xarici işlər naziri Reks Tillerson, ABŞ-ın BMT-dəki daimi nümayəndəsi Nikki Haleyin timsalında ABŞ-ın diplomatik səylərinin şahidi ola bilərsiniz. Diplomatik nəticələr əldə edilir. Hazırda bu nöqtədə qalmaq istəyirəm. Savaş faciəsini yaxşı bilirik. Bunun fəlakət olacağını söyləməkdən başqa nə demək olar ki?"-deyə cavablandırıb.

BMT Təhlükəsizlik Şurasının tətbiq etdiyi sanksiyaların önəmini vurğulayan general "Bu sanksiyalar çox ciddidir. Sizə bunların təsadüf olmadığını söyləyə bilərəm. Bu Tramp administrasiyasının təhdidə qarşı cavabını və bununla da diplomatik yolla necə mübarizə apardığını göstərir"-deyə əlavə edib.


Hikmət Həsənov
Ölkə.Az

ŞƏRH YAZ
0

Rusiya öz ordusunu Suriyadan geri çəkir

Rusiya öz ordusunu Suriyadan geri çəkir
01:22
Bu gün
235
Dünya
A
Rusiya öz ordusunu Suriyadan geri çəkir.

“Ölkə.Az” xəbər verir ki, bu barədə Rusiyanın müdafiə naziri Sergey Şoyqu bildirib. Onun sözlərinə görə, rus hərbçilər artıq Suriyadan evə qayıtmağa başlayıblar.

“Artıq qərar verilib. Bizim hərbçilər geri qaydacaq. Bunun üçün hazırlıq prosesi gedir”, - deyə rus nazir bildirib.

Qeyd edək ki, bir müddər əvvəl Rusiya prezidenti Vladimir Putin Rusiya hərbi birləşmələrinin Suriyadan çıxarılması barədə göstəriş verib. Göstərişdə bildirilib ki, Rusiya hərbi bazası Suriyadan çıxarılsın. Putin bildirib ki, artıq Rusiya hərbçiləri öz missiyalarını başa vurublar və İŞİD üzərində tam qələbə çalınıb.

Ziya Səccad
Ölkə.Az

ŞƏRH YAZ
0

“Ermənistan İran üçün dost ölkədir” — İran parlamentinin sədri Laricani

“Ermənistan İran üçün dost ölkədir”
01:08
Bu gün
224
Dünya
A
İran parlamentinin sədri Əli Laricani İran-Ermənistan parlamentlərarası Dostluq Qrupunun Ermənistandan olan nümayəndə heyətilə görüş keçirib.

“Ölkə.Az” xəbər verir ki, bu barədə “aysor.am” saytı məlumat yayıb. Verilən məlumata görə, Əli Laricani dekabrın 11-də İranda bir qrup erməni deputatı qəbul edib. Görüş çərçivəsində erməni deputat Vaqram Baqdarasyan Əli Laricaniyə onları qəbul etdiyi üçün minnətdarlığını bildirib. Erməni deputat deyib ki, Ermənistan-İran münasibətləri daha da inkişaf edəcək.

“İstər enerji, istər, iqtisadi, istərsə də turizm sahəsində iki ölkə arasında əməkdaşlıq mövcuddur. Bundan sonra da, iki ölkə qardaş və dostluq münasibətlərini qoruyacaq”, - deyə Vaqram Baqdarasyan bildirib.

İran parlamentinin sədri Əli Laricani də öz növbəsində erməni deputatları salamlayıb. O, bildirib ki, iki ölkə arasında dostluq münasibətləri həmişə davam edəcək.

“Ermənistan İran üçün dost ölkədir. İran həmişə Ermənistanla əməkdaşlıq etməyə hazırdır. İran dostluq əli uzatdığı ölkə ilə axıradək dostluq yolunu davam etdirir  və bəzi ölkələr kimi qəfildən dəyişmir”, - deyə Əli Laricani bildirib.

İranlı spiker görüş çərçivəsində Dağlıq Qarabağ probleminə də toxunub. O, bu münaqişənin sülh yolu ilə həll edilməsinin vacibliyini qeyd edib.

“Bir daha bildirmək istəyirəm ki, bizim üçün ən vacib məsələ regiondakı münaqişənin sülh yolu ilə həll edilməsidir. Çünki onsuzda regionda münaqişə ocaqları yetərincədir. Bu problemin də müharibəyə yol açmasına imkan vermək olmaz. Çünki müharibə heç bir tərəfə, ümumiyyətlə regiondakı ölkələrə xeyir gətirməz”, - deyə Əli Laricani vurğulayıb.

Əli Laricani sonda dostluq qruplarını əməkdaşlığı və iqtisadi əlaqələri maksimum dərəcədə inkişaf etdirməyə çağırıb.

Ziya Səccad
Ölkə.Az

ŞƏRH YAZ
0
BAĞLA