Pentaqondan xəbərdarlıq: “Çin ABŞ hərbi bazalarını vurmağa hazırlaşır”
ABŞ-ın müdafiə nazirliyi Çinin Sakit okeanda Birləşmiş Ştatlar və müttəfiqlərinə aid hədəfləri vurmağa hazırlaşdığını sübut edən hərbi təlimlərə başladığını bildirib.
“Ölkə.Az” xəbər verir ki, Pentaqonun ABŞ Konqresinə təqdim etdiyi illik hesabatda Çinin hərbi gücünü artırdığı qeyd edilib.
Nazirliyin hesabatına əsasən, Çinin bombardmançı təyyarələri daha geniş sahələrdə fəaliyyət göstərə bilir. Çin 190 milyardlıq hərbi büdcəsini 10 il ərzində 240 milyard dollara qədər artırıb.
Hesabatda bu nöqtələr qeyd edilib:
-Son üç il ərzində Çin Xalq Ordusu kritik dənizçilik bölgələrində təcrübə qazanıb;
-Çin quru qoşunları da savaşıb qələbə qazanmaq üçün qurulur;
-Çinin ordudakı islahatlarının məqsədi müstəqil şəkildə hərəkət edən quru qoşunları yaratmaqdır;
-Çin kosmik proqram üzərində işləyir.
Hikmət Həsənov
Ölkə.Az
