Peruda daşqınlar 72 nəfərin həyatına son qoydu

Peruda daşqınlar 72 nəfərin həyatına son qoydu
01:21
19.03.2017
31
Dünya
A
Peruda daşqınlar durmadan artır.

"Ölkə.Az" xəbər verir ki, bu dəfə daşqınlar nəticəsində ölənlərin sayı 72 nəfərə çatıb. Bu barədə Perunun Baş naziri Fernando Savala bildirib. Onun sözlərinə görə, daşqınların qurbanlarınınsayının artacağı istisna edilmir. Peru hakimiyyəti bəyan edib ki, bu daşqınlar son 20 ildə ən ağırı olub. Daşqınlar nəticəsində 115 min tikili zərər görüb, 117 körpü, min kilometrlərlə yol dağılıb.

Qeyd edək ki, martın 17-də baş verən daşqınlarda 67 nəfər ölmüşdü. Daşqınlar ölkənin 25 regionundan 20-sinə zərər vurub. Daşqınlar nəticəsində 70 nəfər xəsarət alıb, 100 nəfər isə itkin düşüb. Daşqınlar minimum 56 min perulunun əmlakına zərbə vurub. Təbii hadisədən ümumilikdə 546 min nəfər zərər çəkib. Ölkə hakimiyyəti paytaxt Limanın məktəblərində dərslərin dayandırıldığını bildirib.

Son illər Peruda daşqınların ardı-arası kəsilmir. Hər dəfə baş verən hadisə zamanı çoxlu sayda insan tələf olur.Ötən ay Peruda güclü daşqınlar zamanı azı 23 nəfər ölüb. Təbii fəlakət 15 min tikiliyə ziyan vurub. Daşqınlar nəticəsində körpü və yollar da sıradan çıxıb. Ölkənin bir neçə bölgəsində fövqəladə vəziyyət rejimi elan olunub.

Ziya Səccad
Ölkə.Az

ŞƏRH YAZ
0

Rus-Çin hərbi texnikaları səfərbər oldu

Rus-Çin hərbi texnikaları səfərbər oldu
21:43
Bu gün
4
Dünya
A
Rus-Çin hava müdafiəetmə təlimləri keçirilib.

“Ölkə.Az” xəbər verir ki, bu barədə Rusiya Müdafiə Nazirliyi məlumat yayıb. Verilən məlumata görə, təlimlər Pekində baş tutub.

“Təlimlər dekabrın 16-da Xalq Qurtuluş Ordusu Hava Qüvvələri Akademiyasının Balistik Raketlər Əleyhinə Müdafiə Elmi Tədqiqat İnstitutunda keçirilib. Təlimdə Çin-Rusiya raket əleyhinə havadan müdafiə texnikaları nümayiş olunub. “Aerokosmos Təhlükəsizlik-2017” adlı təlimdə hər iki dövlətin müasit havadan müdafiə texnikaları ilə yanaşı hərbçiləri də öz bacarıqlarını nümayiş etdiriblər”, - deyə məlumatda bildirilib.

Qeyd edək ki, tərəflər növbəti təlimin 2018-ci ilin əvvəlində keçirilməsilə bağlı razılığa gəliblər.

Ziya Səccad
Ölkə.Az

ŞƏRH YAZ
0

Nigeriyada 220 terrorçu həbs edildi

Nigeriyada 220 terrorçu həbs edildi
21:27
Bu gün
151
Dünya
A
Nigeriyada terrorçulara qarşı əməliyyat keçirilib.

“Ölkə.Az” xəbər verir ki, bu barədə respublika ordusunun rəsmi nümayəndəsi Oniyema Nvaçukvu bildirib. Onun sözlərinə görə, Nigeriyada radikalların nəzarətində olan rayonların təmizlənməsi əməliyyatları zamanı 220 “Boko haram” terror təşkilatının üzvü saxlanılıb.

“Bu gün çox uğurlu əməliyyat keçirilib. Əməliyyat “Boko haram” terror təşkilatının üzvlərinin gizləndiyi ərazidə aparılıb. Əməliyyat zamanı 220 terrorçu saxlanılıb. Bir neçə terrorçu isə öldürüülb. Əməliyyatlar zamanı 67 qadın və 173 uşaq xilas edilib”, - deyə Oniyema Nvaçukvu bildirib.

Qeyd edək ki, “Boko haram” terror təşkilatı “Əl-Qaidə” terror qruplaşmasına bağlıdır. 2002-ci ildə Nigeriyanın şimalında Məhəmməd Yusif adlı şəxs tərəfindən yaradılıb. Əsas məqsədi bütün Nigeriya ərazisində şəriətin tətbiqi və qərb həyat tərzinin silinməsidir. 2014-cü ilin may ayında BMT Təhlükəsizlik Şurası tərəfindən terror təşkilatları siyahısına salınıb.

Ziya Səccad
Ölkə.Az

ŞƏRH YAZ
0
BAĞLA