Peterburqda terror aktı beynəlxalq terror qrupunun Türkiyədəki üzvləri tərəfindən maliyyələşdirilib

Peterburqda terror aktı beynəlxalq terror qrupunun Türkiyədəki üzvləri tərəfindən maliyyələşdirilib
23:32
20.04.2017
33
Dünya
A
Rusiyanın Sankt-Peterburq metrosunda partlayışın təşkilatçılarından biri - Mərkəzi Asiya əsilli Abror Əzimovun qardaşı Akram Əzimov məhkəmə qarşısına çıxıb

"Ölkə.Az" xəbər verir ki, Moskvanın Basman rayon məhkəməsinin hakimi Yelena Lenskaya çıxışı zamanı bildirib ki, hadisə beynəlxalq terror qrupunun Türkiyədəki üzvləri tərəfindən maliyyələşdirilib. Hakimin sözlərinə görə, terror aktının reallaşmasında əsas rollardan birini elə Akram Əzimov oynayıb.

“Akram Əzimov saxta sənədlər düzəldib ki, terrorçular rahat şəkildə Rusiya ərazisinə keç bilsinlər. Daha sonra Akram Əzimov Türkiyəyə gedərək, Peterburqda terror aktını törətmək üçün pul alıb”, - deyə hakim bildirib. 

Akram Əzimov özü də etiraf edib ki, Türkiyəyə iki dəfə gedib. Birinci dəfə 2016-cı ilin dekabr ayında, ikinci dəfə isə bu ilin mart ayında Türkiyəyə səfər edib. İkinci dəfə gedərkən aldığı pulu qardaşı Abror Əzimova verib. Abror Əzimov də öz növbəsində partlayışın törədilməsi üçün ayrılan pulu alaraq terror aktının icraçısı Akbarjon Cəlilova ötürüb.
 
Məhkəmə Akram Əzimov barəsində iyulun 3-dək həbs olunması barədə qərar qəbul edib. Saxlanılan şəxs isə məhkəmədə günahsız olduğunu bildirib.
Qeyd edək ki, aprelin 19-da Moskva şəhərində Rusiya hüquq-mühafizə orqanlarının əməkdaşları əməliyyat keçirib. Keçirilən əməliyyat zamanı Sankt-Peterburq metrosunda partlayışın təşkilatçılarından biri - Mərkəzi Asiya əsilli Abror Əzimovun qardaşı Akram Əzimov həbs edilib. Keçirilənə məliyyat qrup üzvləri tərəfindən çəkilib. Videodan da göründüyü kimi Akram Əzimov avtobus dayanacağında tutulub.

Saxlanarkən onun üzərindən döyüş vəziyyətinə yararlı RQD-5 markalı əl qumbarası tapılıb.

Saxlanılan şəxs Sankt-Peterburq metrosunda törədilən terrorun təşkilinə yardım etməkdə şübhəli bilinir. Həmçinin ehtimal olunur ki, Akram Əzimov beynəlxalq terrorçularla sıx əlaqədədir. 

Qeyd edək ki, aprelin 17-də Moskva vilayətinin Odintsov rayonunda Sankt-Peterburq metrosunda partlayışın təşkilatçılarından biri - Mərkəzi Asiya əsilli Abror Əzimov saxlanılıb. 1990-cı il təvəllüdlü A.Əzimov terror hadisəsini törədən Əkbərcon Cəlilovu terrora hazırlayıb. Saxlanılan zaman A.Əzimovun üzərindən tapança götürülüb. Onun artıq İstintaq Komitəsinə gətirildiyi bildirilir. Bundan əvvəl terror aktı ilə əlaqədar Sankt-Peterburqda 6 nəfər saxlanılıb.

Saxlanılanların evlərinə baxış zamanı “Ploşad Vosstaniya” stansiyasında aşkarlanan partlayıcı qurğu ilə analoji partlayıcı qurğu aşkarlanıb. Hazırda A.Əzimov istintaq təcridxanasında dindirilir.

Xatırladaq ki, aprelin 3-də Rusiya vaxtı ilə saat 14:30-da Rusiyanın Sankt-Peterburq şəhərində metroda terror aktı törədilib. Hadisə zamanı 14 nəfər ölüb. Partlayış əsnasında Rusiya prezidenti Vladimir Putin Belorus prezidenti Aleksandr Lukaşenko ilə rəsmi görüş keçirib. Görünən odur ki, partlayış Rusiya prezidentinə bir mesaj olub. Buna səbəb kimi isə Rusiyanın xarici siyasət kursu göstərilir.

Ziya Səccad
Ölkə.Az

ŞƏRH YAZ
0

Rusiya XİN binasında bomba həyəcanı — İşçilər evakuasiya edilir + FOTO

Rusiya XİN binasında bomba həyəcanı
23:41
19.04.2018
890
Dünya
A
Rusiya XİN binasında bomba həyəcanı yaşanıb.

“Ölkə.Az” xəbər verir ki, Moskvanın mərkəzində yerləşən Rusiya Xarici İşlər Nazirliyinin binasına bomba qoyulması ilə bağlı anonim məlumatdan sonra əməkdaşların evakuasiyasına başlanılıb. 

"Partlayış təhlükəsi barədə məruzədən sonra Smolenskaya-Sennaya, ev 32 ünvanında yerləşən Rusiya Federasiyası Xarici İşlər Nazirliyinin binasından işçilər evakuasiya edilir", - deyə mənbə bildirib.

Qeyd edək ki, evakuasiya edilənlərin sayı hələ ki, məlum deyil.

Ölkə.Az

ŞƏRH YAZ
0

"İŞİD-ə qarşı hava hücumları davam edəcək" — İraq Müdafiə Nazirliyi

23:27
19.04.2018
643
Dünya
A
“İraqın təhlükəsizliyini təhdid edən terror təşkilatı İŞİD-in Suriya torpaqlarındakı hədəflərinə hava əməliyyatları davam edəcək”

“Ölkə.Az” xəbər verir ki, bu sözləri İraq Müdafiə Nazirliyi və Ortaq Əməliyyatlar Komandanlığının sözçüsü Yahya Rəsul deyib.

Bu gün İraqın döyüş təyyarələri ilə İŞİD mövqelərinə həyata hava keçirilən hava hücumundan danışan Rəsul bildirib ki, hücumun əsas səbəbi əldə edilən hərbi kəşfiyyat məlumatlarına əsasən İŞİD-in İraq təhlükəsizlik qüvvələrinə hücum hazırlığında olması olub.

Qeyd edək ki, bu gün səhər saatlarında İraqın baş naziri Heydər İbadinin ofisindən verilən açıqlamada döyüş təyyarələrinin İŞİD mövqelərini bombaladığı açıqlanmışdı.

Ölkə.Az

ŞƏRH YAZ
0
BAĞLA