Peterburqda terror aktı beynəlxalq terror qrupunun Türkiyədəki üzvləri tərəfindən maliyyələşdirilib

Peterburqda terror aktı beynəlxalq terror qrupunun Türkiyədəki üzvləri tərəfindən maliyyələşdirilib
23:32
20.04.2017
65
Dünya
A
Rusiyanın Sankt-Peterburq metrosunda partlayışın təşkilatçılarından biri - Mərkəzi Asiya əsilli Abror Əzimovun qardaşı Akram Əzimov məhkəmə qarşısına çıxıb

"Ölkə.Az" xəbər verir ki, Moskvanın Basman rayon məhkəməsinin hakimi Yelena Lenskaya çıxışı zamanı bildirib ki, hadisə beynəlxalq terror qrupunun Türkiyədəki üzvləri tərəfindən maliyyələşdirilib. Hakimin sözlərinə görə, terror aktının reallaşmasında əsas rollardan birini elə Akram Əzimov oynayıb.

“Akram Əzimov saxta sənədlər düzəldib ki, terrorçular rahat şəkildə Rusiya ərazisinə keç bilsinlər. Daha sonra Akram Əzimov Türkiyəyə gedərək, Peterburqda terror aktını törətmək üçün pul alıb”, - deyə hakim bildirib. 

Akram Əzimov özü də etiraf edib ki, Türkiyəyə iki dəfə gedib. Birinci dəfə 2016-cı ilin dekabr ayında, ikinci dəfə isə bu ilin mart ayında Türkiyəyə səfər edib. İkinci dəfə gedərkən aldığı pulu qardaşı Abror Əzimova verib. Abror Əzimov də öz növbəsində partlayışın törədilməsi üçün ayrılan pulu alaraq terror aktının icraçısı Akbarjon Cəlilova ötürüb.
 
Məhkəmə Akram Əzimov barəsində iyulun 3-dək həbs olunması barədə qərar qəbul edib. Saxlanılan şəxs isə məhkəmədə günahsız olduğunu bildirib.
Qeyd edək ki, aprelin 19-da Moskva şəhərində Rusiya hüquq-mühafizə orqanlarının əməkdaşları əməliyyat keçirib. Keçirilən əməliyyat zamanı Sankt-Peterburq metrosunda partlayışın təşkilatçılarından biri - Mərkəzi Asiya əsilli Abror Əzimovun qardaşı Akram Əzimov həbs edilib. Keçirilənə məliyyat qrup üzvləri tərəfindən çəkilib. Videodan da göründüyü kimi Akram Əzimov avtobus dayanacağında tutulub.

Saxlanarkən onun üzərindən döyüş vəziyyətinə yararlı RQD-5 markalı əl qumbarası tapılıb.

Saxlanılan şəxs Sankt-Peterburq metrosunda törədilən terrorun təşkilinə yardım etməkdə şübhəli bilinir. Həmçinin ehtimal olunur ki, Akram Əzimov beynəlxalq terrorçularla sıx əlaqədədir. 

Qeyd edək ki, aprelin 17-də Moskva vilayətinin Odintsov rayonunda Sankt-Peterburq metrosunda partlayışın təşkilatçılarından biri - Mərkəzi Asiya əsilli Abror Əzimov saxlanılıb. 1990-cı il təvəllüdlü A.Əzimov terror hadisəsini törədən Əkbərcon Cəlilovu terrora hazırlayıb. Saxlanılan zaman A.Əzimovun üzərindən tapança götürülüb. Onun artıq İstintaq Komitəsinə gətirildiyi bildirilir. Bundan əvvəl terror aktı ilə əlaqədar Sankt-Peterburqda 6 nəfər saxlanılıb.

Saxlanılanların evlərinə baxış zamanı “Ploşad Vosstaniya” stansiyasında aşkarlanan partlayıcı qurğu ilə analoji partlayıcı qurğu aşkarlanıb. Hazırda A.Əzimov istintaq təcridxanasında dindirilir.

Xatırladaq ki, aprelin 3-də Rusiya vaxtı ilə saat 14:30-da Rusiyanın Sankt-Peterburq şəhərində metroda terror aktı törədilib. Hadisə zamanı 14 nəfər ölüb. Partlayış əsnasında Rusiya prezidenti Vladimir Putin Belorus prezidenti Aleksandr Lukaşenko ilə rəsmi görüş keçirib. Görünən odur ki, partlayış Rusiya prezidentinə bir mesaj olub. Buna səbəb kimi isə Rusiyanın xarici siyasət kursu göstərilir.

Ziya Səccad
Ölkə.Az

ŞƏRH YAZ
0

Moskvada həyəcanlı anlar — 3 nəfər girov götürüldü, 1-i öldü

Moskvada həyəcanlı anlar
23:30
24.05.2018
482
Dünya
A
Rusiyanın paytaxtı Moskvanın şərqində mənzillərdən birində baş verən şəxsi münaqişədən sonra girovluqda saxlanılan şəxslərdən biri ölüb.

"Ölkə.Az" Ria Novosti-yə istinadən xəbər verir ki, bu barədə Rusiya Daxili İşlər Nazirliyinin mətbuat xidməti məlumat yayıb.

Məlumata görə, cinayətkar əvvəlcə tavana atəş açıb. Girovluqda saxlanılan 3 nəfərin həmin cinayətkarla bir evdə yaşadığı deyilib.

Cinayətkar saxlanılıb. O, yaralı vəziyyətdə xəstəxanaya yerləşdirilib.

Digər iki girov - qadın və uşaq xəsarət almayıb. 

NTV telekanalının "Twitter" səhifəsində verdiyi məlumatda isə hadisəni 57 yaşlı Aleksandr Borovoy adlı rəssamın törətdiyi bildirilir.

Ölkə.Az

ŞƏRH YAZ
0

Azərbaycan Xalq Cümhuriyyətinin 100 illiyi Avstraliyada qeyd olunub

Azərbaycan Xalq Cümhuriyyətinin 100 illiyi Avstraliyada qeyd olunub
21:52
24.05.2018
449
Dünya
A
Kanberra şəhərində Azərbaycan Respublikasının Avstraliya İttifaqındakı səfirliyinin təşkilatçılığı və ölkəmizin Avstraliyadakı Fəxri Konsulluğunun dəstəyi ilə Azərbaycan Xalq Cümhuriyyətinin 100 illiyi münasibətilə rəsmi ziyafət təşkil edilib.

"Ölkə.Az"a səfirlikdən bildirilib ki, tədbirdə Avstraliya-Azərbaycan parlamentlərarası dostluq qrupunun üzvləri, Xarici İşlər və Ticarət Departamentinin məsul işçiləri, işgüzar dairələrin nümayəndələri, Avstraliya Milli Universiteti nəzdində fəaliyyət göstərən tədqiqat mərkəzlərinin rəhbərləri, Kanberrada akkreditə olunmuş diplomatik missiyaların başçıları və əməkdaşları və bu ölkənin müxtəlif şəhərlərində yaşayan soydaşlarımız da daxil olmaqla 250 nəfərə yaxın qonaq iştirak edib.

Azərbaycanın və Avstraliyanın dövlət himnlərinin səsləndirilməsi ilə başlayan tədbirdə əsas qonaq qismində iştirak edən Xarici İşlər və Ticarət Departamentinin protokol xidmətinin rəhbəri xanım Lindal Saks Avstraliya hökuməti adından Azərbaycan Prezidentini və xalqını bayram münasibətilə təbrik edib.

Azərbaycan Respublikasının Avstraliya İttifaqındakı müvəqqəti işlər vəkili Elcan Həbibzadə tədbirdə çıxış edərək müsəlman Şərqində ilk parlamentli respublika olan Azərbaycan Xalq Cümhuriyyətinin yaranma tarixi və fəaliyyəti barədə məlumat verib. O, Cümhuriyyətin yaranmasının Azərbaycanın tarixində mühüm hadisə olduğunu deyib. Diplomat Cümhuriyyət dövründə əldə edilən çoxsaylı uğur və nailiyyətlərdən bəhs edib, o cümlədən Azərbaycanın Şərqdə qadınlara seçmək və seçilmək hüququ verən ilk ölkə olduğunu və 1919-cu ildə Azərbaycanın ilk universitetinin təsis olunduğunu vurğulayıb. Mövcud olduğu qısa müddət ərzində Xalq Cümhuriyyətinin Azərbaycanın dövlət quruculuğunda, habelə müasir Azərbaycanın formalaşmasında oynadığı mühüm rol barədə qonaqlara məlumat verib.

1991-ci ildə Azərbaycanın dövlət müstəqilliyini bərpa etdiyini qeyd edən E.Həbibzadə müstəqilliyin ilk illərində ölkəmizin iqtisadi böhran, Ermənistanın Azərbaycana qarşı hərbi təcavüzü və bir sıra digər səbəblərlə əlaqədar böyük çətinliklərlə üzləşdiyini bildirib. Lakin buna baxmayaraq, Azərbaycanın ümummilli lideri Heydər Əliyevin qətiyyətli addımları və həyata keçirdiyi düşünülmüş siyasət sayəsində həmin çətinliklər uğurla aradan qaldırılıb və ölkəmiz davamlı inkişaf yoluna qədəm qoyub. Azərbaycanlı diplomat ulu öndər Heydər Əliyevin müəyyən etdiyi inkişaf strategiyasının hazırda Prezident İlham Əliyev tərəfindən uğurla davam etdirildiyini vurğulayıb. E.Həbibzadə müasir Azərbaycanın multikulturalizm dəyərlərinə söykənən dünyəvi dövlət olduğunu söyləyib.

Azərbaycan-Avstraliya əlaqələrinə toxunan diplomat ölkəmizin Avstraliya ilə münasibətlərin inkişafına böyük əhəmiyyət verdiyini bildirib. O, Avstraliyanın Azərbaycanın dövlət müstəqilliyini tanıyan ilk ölkələrdən biri olduğunu vurğulayaraq, Avstraliya tərəfinə ölkəmizin suverenliyi və ərazi bütövlüyünə verilən ardıcıl dəstəyə görə təşəkkürünü ifadə edib.

Tədbirdə çıxış edən Azərbaycanın Avstraliyadakı fəxri konsulu Aydan Rzayeva son illər ərzində iki ölkə arasında əməkdaşlıq əlaqələrinin uğurla inkişaf etdiyini qeyd edib. O, Azərbaycan-Avstraliya əlaqələrinin inkişafında parlamentlərarası əməkdaşlığın vacib rol oynadığını vurğulayıb. Eyni zamanda o, son dövrlərdə iqtisadi-ticarət sahəsində əməkdaşlıq əlaqələrinin genişləndirilməsi istiqamətində də mühüm addımlar atıldığını, o cümlədən 2017-ci ilin oktyabr ayında avstraliyalı iş adamlarından ibarət geniştərkibli nümayəndə heyətinin Azərbaycana səfər etdiyini diqqətə çatdırıb.

Avstraliya-Azərbaycan Parlamentlərarası Dostluq Qrupunun sədri Kreq Kelli ötən illər ərzində Avstraliya parlamenti nümayəndə heyətinin tərkibində ölkəmizə həyata keçirdiyi səfərlə bağlı xatirələrini bölüşüb. O, həmin səfərlər zamanı Azərbaycanın son illərdə əldə etdiyi böyük iqtisadi nailiyyətlərinin canlı şahidi olduğunu deyib.

Tədbir zamanı Azərbaycanın Əməkdar Artisti Sevinc Hüseynli ölkəmizin milli rəqslərini ifa edib.

Ziyafət zamanı Azərbaycanın tarixini, mədəniyyətini, incəsənətini və turizm imkanlarını özündə əks etdirən, Bakı şəhərinin “Ekspo 2025” Ümumdünya sərgisinə ev sahibliyinə namizədliyini irəli sürməsi ilə bağlı videoçarxlar nümayiş etdirilib, iştirakçılara müxtəlif məlumat nəşrləri paylanılıb. Qonaqlara Azərbaycanın milli mətbəx nümunələri təqdim olunub.

Ölkə.Az

ŞƏRH YAZ
0
BAĞLA