"Petkim" mənfəətini ikiqat artırıb

19:58
11.11.2017
4205
İqtisadiyyat
A
SOCAR-ın Türkiyədəki ən iri aktivlərindən biri olan "Petkim Petrokimya Holding A.Ş." ("Petkim") 2017-ci ilin 9 aylıq maliyyə göstəricilərini açıqlayıb.

"Ölkə.Az" şirkətin hesabatına istinadən xəbər verir ki, "Petkim" bu ilin yanvar-sentyabr aylarında 1 mlrd. 27,104 mln. türk lirəlik xalis mənfəətlə başa vurub. 2016-cı ilin eyni dövrü ilə müqayisədə bu ilin 9 ayında şirkətin xalis mənfəəti 1,99 dəfə artıb.

Şirkətin üçüncü rübdə xalis gəlirləri 372,040 mln. lirə olub ki, bu da ötən ilin eyni dövrü ilə müqayisədə 2,69 dəfə çoxdur.

2016-cı ilin dekabrın 31-nə aktivləri 6 mlrd. 268,528 mln. lirə  təşkil edirdisə, 2017-ci ilin oktyabrın 1-nə bu göstərici 6 mlrd. 801,881 mlrd. lirəyədək  qədər artıb.

2016-cı ilin dekabrın 31-i ilə müqayisədə şirkətin qısamüddətli öhdəlikləri 45,29% artaraq 2 mlrd. 611 mln. 56 min lirəyə, uzunmüddətli öhdəlikləri isə 2 dəfə azalaraq  698 mln. 105 min lirəyə çatıb. Bu ilin 9 ayında şirkətin cəmi öhdəlikləri 3 mlrd. 309 mln. 162 min lirəyə bərabər olub ki, bu da 2016-cı ilin dekabrın 31-də olan göstəricidən 3,43% çoxdur.

Xatırladaq ki, 2008-ci ildə SOCAR Türkiyə hökuməti tərəfindən özəlləşdirilən və qardaş ölkənin yeganə neft-kimya istehsalçısı olan "Petkim"də nəzarət-səhm paketinə malik olmaq üçün "SOCAR Türkiyə Enerji A.Ş." vasitəsilə strateji investisiya yatırıb. Bu alış ilə SOCAR daha sonra müxtəlif müəssisələrə kapital qoyuluşu həyata keçirib və emal fəaliyyətinin əhatə dairəsini və miqyasını artırıb. 2010-cu ildə "SOCAR Türkiyə Enerji A.Ş." "Petkim" obyektlərinə yaxın ərazidə yeni emal zavodunun tikintisi üçün Türkiyə hökumətindən icazə alıb və tikintisi üçün hazırlıq işləri 2011-ci ilin oktyabrında başlayıb. 2018-ci ildə zavodun fəaliyyətə başlaması gözlənilir. Hesablamalara uyğun olaraq, bu zavod "Petkim"in gəlirliliyini və bazar payını artıraraq onun üçün xammal xərclərini azaldacaq.

ŞƏRH YAZ
0

Elektrik enerjisindən istifadə qaydaları dəyişdirildi

Elektrik enerjisindən istifadə qaydaları dəyişdirildi
09:21
Bu gün
7238
İqtisadiyyat
A
Nazirlər Kabineti "Elektrik enerjisindən istifadə Qaydaları"na dəyişikliklər edib.

"Ölkə.Az"ın məlumatına görə, bu barədə qərarı Baş nazir Novruz Məmmədov imzalayıb.

“Elektrik və istilik enerjisi, habelə qaz təchizatı sahəsində nəzarətin həyata keçirilməsi Qaydası”nın təsdiq edilməsi haqqında” Azərbaycan Respublikası Prezidentinin 2018-ci il 16 iyul tarixli 204 nömrəli Fərmanının 2.2-ci bəndinin icrasını təmin etmək məqsədi ilə Azərbaycan Respublikasının Nazirlər Kabineti Qərara alır:

3.2-ci bəndin ikinci cümləsində “layihə və tələb olunan həcmdə texniki təhviltəslim sənədlərini” sözləri “bu Qaydaların 3.2-1-ci bəndində göstərilən sənədləri” sözləri ilə əvəz edilsin; aşağıdakı məzmunda 3.2-1-ci bənd əlavə edilsin: “Enerji Məsələlərini Tənzimləmə Agentliyi tərəfindən 150 kVt-dan yuxarı elektrik qurğularının istismarına buraxılış aktı vermək üçün texniki baxış sifarişçilərin təqdim etdiyi aşağıdakı sənədlər əsasında keçirilir: enerji təchizatı müəssisəsinin və ya dövlət elektroenergetika müəssisəsinin verdiyi texniki şərtlər; Enerji Məsələlərini Tənzimləmə Agentliyi və enerji təchizatı müəssisəsi ilə razılaşdırılmış enerji təchizatı layihəsi; tikinti-quraşdırma işlərini aparmış şəxslə sifarişçi arasında təhvil-təslim aktı; elektrik təsərrüfatına cavabdeh şəxsin təyin olunması barədə əmrin surəti; kontur torpaqlama müqavimətinin ölçülməsi protokolu; transformatorun və avadanlıqların sınaq-sazlama protokolu; elektrik verilişi xəttinin sınaq protokolu və qapalı işlər aktı; elektrik sayğacının quraşdırılması aktı”.

Ölkə.Az

ŞƏRH YAZ
0

Milli valyutada olan əmanətlər artıb

Milli valyutada olan əmanətlər artıb
19:17
20.10.2018
3716
İqtisadiyyat
A
Mərkəzi Bankın məlumatına görə, sentyabr ayının 1-nə əhalinin banklardakı əmanətlərinin milli valyuta ekvivalentində məbləği əvvəlki ilin eyni dövrü ilə müqayisədə 16,3 faiz artaraq 8020,8 milyon manat təşkil edib.

Dövlət Statistika Komitəsindən "Ölkə.Az"a abildirilib ki, əmanətlərin 63,0 faizi xarici, 37,0 faizi isə milli valyutada qoyulub. 

Milli valyutada olan əmanətlər ötən ilin müvafiq dövrünə nisbətən 1,5 dəfə, xarici valyutada əmanətlər isə 1,5 faiz artıb.

ŞƏRH YAZ
1
BAĞLA