\"Peugeot\" şirkətinin yeni superkarı
"Peugeot" şirkəti yeni "L750 R Hybrid Vision Gran Turismo" superkarını təqdim edib.
"Ölkə.Az" xəbər verir ki, "Gran Turismo Sport" yarış simulyatoru üçün hazırlanan model 2016-cı ildə təqdim edilən "L500 R Hybrid Vision Gran Turismo" konseptinin ekstremal versiyası olub. Yeni model aerodinamikası və iri qanadları, güclü mühərriki ilə fərqlənir.
"L750 R" karbon lifindən hazırlanıb və hibrid mühərriklə təchiz edilib. 588 at güclü mühərrik 7 pilləli sürətlər qutusu və 172 at güclü elektrik mühərriki ilə birlikdə çalışır. Mühərrikin ümumi gücü 760 at gücüdür.
Yerindən 100 km/saat sürəti cəmi 2.4 saniyəyə əldə edir. Çəkisi isə 825 kiloqramdır.
Şirkət "L500 R" virtul konsept modelini 1916-cı ildə "İndianapolis 500 mil" yarışında qalib gələn "L45" modelinə həsr edib.
Hikmət Həsənov
Ölkə.Az
