“Pininfarina” 2020-ci ildə yeni modeli satışa çıxaracaq
Əfsanəvi italyan markası “Pininfarina” 2020-ci ilə yeni modelini hazırlayır.
“Ölkə.az” xəbər verir ki, yeni modeli “Mahindra & Mahindra” konserni istehsal edəcək. Hindistanlılar şirkəti 2015-ci ildə alıblar.
Bu dəfə şirkət elektrik avtomobili istehsal edəcək. Söhbət müəyyən texnologiyası “Forumal-E” bolidindən götürülən hiperkardan gedir. Bildirilir ki, yeni hiperkar yerindən 100 km/saat sürəti 2 saniyədən də az vaxta əldə edəcək. 300 km/saat sürət üçün isə cəmi 12 saniyə tələb ediləcək.
Yeni modelin maksimal sürəti 400 km/saat olacaq. Enerji ehtiyatı isə 500 km məsafəyə bəs edəcək. Yeni hiperkatın qiyməti 2 milyon avro olacaq. Cəmi isə 1000 ədəd avtomobil istehsalı planlaşdırılır.
Hikmət Həsənov
Ölkə.Az