\"Pininfarina\" yeni sedan modelini təqdim etdi

"Ölkə.Az" xəbər verir ki, avtomobilin təqdimatı Cenevrə avtomobil sərgisində baş tutub. "H600" avtomobili "Hybrid Kinetic Group" və "Pininfarina" şirkətlərinin müştərək layihəsidir.

Modelin hədəf kütləsi detalları, bahalı əşyaları və eksklüziv modelləri dəyərləndirən iş adamlarıdır. "H600" avtomobili "Mercedec-Benz-S", "BMW"-nin 7-ci seriyası və "Audi A8" modelinə rəqib kimi düşünülüb. Salonda maksimal dərəcədə komfort yaradılıb. Təbii dəri və bahalı ağac materiallarından istifadə edilib. Hibrid mühərrik yerindən 100 km/saat sürəti 2.9 saniyəyə əldə etməyə imkan verir. Avtomobilin maksimal sürəti 250 km/saatdır. Mühəndislərin fikrinə görə, avtomobil bir dəfəyə 1000 km məsafə qət edə bilər (söhbət elektrik hibrid mühərrikinin tutumundan gedir).

Hikmət
Ölkə.Az