Pirallahıda dərman zavodu tikiləcək

Pirallahıda dərman zavodu tikiləcək
23:52
20.10.2017
1023
Ölkə
A
Bu gün Bakıda keçirilən Azərbaycan-Ukrayna işgüzar görüş çərçivəsində “Azərbaycan İnvestisiya Şirkəti” ASC və Ukraynanın “İndar” şirkəti arasında memorandum imzalanıb.

“Ölkə.Az”ın APA-ya istinadən məlumatına görə, müqaviləyə əsasən Pirallahı Sənaye Parkında 3 hektar ərazidə, infuziya və inyeksiya məhlullarının beynəlxalq standartlara (GMP) uyğun istehsalı üzrə müəssisənin yaradılacaq.

İnvestisiya dəyəri 17 mln. dollar olan layihə çərçivəsində 350-yə yaxın iş yerinin yaradılması nəzərdə tutulur.

Ölkə.Az

ŞƏRH YAZ
0

Ədliyyə naziri Ağstafada vətəndaşları qəbul edəcək

Ədliyyə naziri Ağstafada vətəndaşları qəbul edəcək
21:55
Bu gün
883
Ölkə
A
Ədliyyə naziri Fikrət Məmmədov Ağstafa, Qazax və Tovuz rayonlarından olan vətəndaşları qəbul edəcək.

"Ölkə.Az" xəbər verir ki, Ədliyyə Nazirliyindən report-a verilən məlumata görə, sentyabrın 21-də Qazaxda keçirilməsi nəzərdə tutulan görüş Ağstafa rayonu Heydər Əliyev Mərkəzində (ünvan: Ağstafa şəhəri, Hüseyn Arif küçəsi 2) olacaq. 

Qəbulda yuxarıda adları qeyd olunan rayonların vətəndaşlarının ədliyyə fəaliyyəti ilə bağlı müraciətlərinə baxılacaq.

Vətəndaşlar qəbula Şəmkir regional ədliyyə idarəsi (ünvan: Şəmkir şəhəri, Heydər Əliyev prospekti 2; əlaqə telefonu: (02230) 5-48-81, (050) 396-91-20), habelə Ədliyyə Nazirliyinin 510-10-01 (əlavə 2104), 055-925-37-41 nömrəli telefonları və contact@justice.gov.az elektron poçt ünvanı vasitəsilə, eləcə də Ağstafa rayonu Heydər Əliyev Mərkəzində yazıla bilərlər.

Eyni zamanda vətəndaşların rahatlığı üçün ədliyyə nazirinin həmin gün keçiriləcək qəbuluna elektron qaydada birbaşa yazılmaq imkanı yaradılıb. Bu məqsədlə Ədliyyə Nazirliyinin elektron xidmətlər portalına müraciət etmək lazımdır.

Ölkə.Az

ŞƏRH YAZ
0

Bakının bu hissəsində nəqliyyat vasitələrinin hərəkəti məhdudlaşdırıldı

Bakının bu hissəsində nəqliyyat vasitələrinin hərəkəti məhdudlaşdırıldı
21:27
Bu gün
857
Ölkə
A
Bakının Yasamal rayonu “Sovetski” adlanan ərazidə aparılan abadlıq və yenidənqurma işləri çərçivəsində koomunikasiya xətlərinin yenilənməsi və yeraltı piyada keçidinin tikintisi ilə əlaqədar Nəriman Nərimanov prospektinin Mirzağa Əliyev küçəsi ilə kəsişməsində nəqliyyat vasitələrinin hərəkəti qismən məhdudlaşdırılıb.

Bakı Nəqliyyat Agentliyindən "Ölkә.Az"a verilən məlumata görə, prospektdən keçən nəqliyyat vasitələri müvəqqəti olaraq təşkil edilən yola yönləndirilib. Mirzəağa Əliyev küçəsinin Nəriman Nərimanov prospektinə çıxışda da məhdudiyyət tətbiq edildiyindən sürücülər alternativ olaraq ətraf küçələrdən istifadə edə bilərlər.

Ölkә.Az

ŞƏRH YAZ
0
BAĞLA