Pires Bakıda səhər yeməyi yeyib “Arsenal” fanatlarına çağırış etdi — VİDEO

Pires Bakıda səhər yeməyi yeyib “Arsenal” fanatlarına çağırış etdi
13:47
16.05.2019
710
İdman
A
Fransa millisinin və İngiltərənin “Arsenal” klubunun sabiq futbolçusu Rober Pires mayın 29-da UEFA Avropa Liqasının Bakıda keçiriləcək final matçı ilə əlaqədar çağırış edib.

"Ölkə.Az" Oxu.Az-a istinadən xəbər verir ki, London klubunun səfiri olan Pires “Arsenal”ın fanatlarına səslənib və onları Bakı Olimpiya Stadionunda “Çelsi” ilə keçiriləcək final matçına dəvət edib:

“Arsenal” fanatları. Mən Bakıdayam. Hazırda səhər yeməyi yeyirəm. İkinci dəfədir ki, Bakıda oluram. Burada hər şey möhtəşəm Avropa Liqasının final matçına hazırdır. Sizi burada gözləyirik”.

Qeyd edək ki, Rober Pires 2000-2006-cı illərdə “Arsenal”da çıxış edib. O, “topçular”la İngiltərə Premyer Liqasında 189 oyun keçirib və 62 qola imza atıb.

Xatırladaq ki, bundan əvvəl “Çelsi”nin sabiq futbolçusu, hazırda “Səbail” klubunda çıxış edən qanalı futbolçu Maykl Esyen analoji çağırış etmişdi.

Ölkə.Az

ŞƏRH YAZ
0

Erməni bacı-qardaş Bakıdakı yarışda çıxış edəcək — VİDEO

Erməni bacı-qardaş Bakıdakı yarışda çıxış edəcək
12:52
Bu gün
1335
İdman
A
Milli Gimnastika Arenası sabah tarixində ilk dəfə olaraq, aerobika gimnastikası üzrə Avropa çempionatına ev sahibliyi edəcək.

"Ölkə.Az" xəbər verir ki, qitənin 22 ölkəsindən ən güclü aerobika ustaları üç gün ərzində öz güclərini sınayacaq. 

22 ölkədən 400-ə yaxın böyük və gənc gimnastlar fərdi qadın və kişi, qarışıq cütlük, üçlük, qrup, həmçinin, aero dans, aero step (yalnız böyüklər) proqramında yarışacaq. Bu yarışda erməni əsilli bacı-qardaşlar da iştirak edəcək.

Söhbət Qarsevan və Duxik Canazyanlardan gedir. Bu iki ailə üzvü Rusiya millisinin üzvləri sayılır. Onların burda iştirakı bir daha onu göstərir ki, idman siyasətdən çox aralıdır. Bu, həm də rəsmi Bakının erməni futbolçu Henrix Mxitaryanın son günlər Bakıya gəlməməsi yönündə süni şəkildə qabardılmış məsələlərə bir tutarlı cavabı kimi də qiymətləndirilə bilər.

Yeri gəlmişkən, ölkəmizi bu çempionatda böyüklər arasında Elçin Məmmədov, Mədinə Mustafayeva, Ayxan Əhmədli, Balaxanım Əhmədova, Vladimir Dolmatov, Emil Quliyev, Xoşqədəm Quliyeva, Nərminə Hüseynova,  İmran İmranov, Nigar İbrahimbəyli,  Akif Kərimli, gənclərin yarışında isə Aysel Aslanzadə, Xədicə Quliyeva, Lalə Quliyeva, Fatimə Qurbanova, Emiliya Mahmudova və Eleonora Yusifova təmsil edəcək.

Artıq bütün komandaların toplaşdığı arenada iki gündür rəsmi məşq toplanışları keçirilir. Sabah saat 12:00-da start götürəcək çempionatda isə ilk olaraq, meydançada gənc gimnastları görəcəyik. Sonrakı gün qitə çempionluğu uğrunda mübarizəyə böyük aerobika gimnastları qatılacaq. Yarışların son günü isə final mərhələlərində Avropa çempionlarının adları açıqlanacaq.

Gimnastika yarışlarının daimi tamaşaçılarını isə bu çempionatda da çox maraqlı və qeyri-adi bir açılış mərasimi gözləyir. Bu dəfə onlar 16:00-dan etibarən “Gimnastika Planeti”nə qonaq olaraq, ecazkar şounun bir hissəsinə çevriləcək.

Ölkə.Az

 

ŞƏRH YAZ
0

Mahir Mədətov bu kluba məxsus imiş — RƏSMİ AÇIQLAMA

Mahir Mədətov bu kluba məxsus imiş
11:17
Bu gün
1692
İdman
A
Futbol üzrə milli komandamızın oyunçusu Mahir Mədətov "Qarabağ"da icarə əsasında çıxış edirmiş.

 Bu barədə "Ölkə.Az"-a klubun mətbuat xidmətinin rəhbəri Nurlan İbrahimov məlumat verib:

"Bəli, Mahir hazırda hərbi xidmətdədir, MOİK-ə məxsusdur. Amma icarə əsasında bizdə çıxış edir. Bir çox futbolçular bu tendensiyadan istifadə edir". 

Qeyd edək ki, Mahirin atası Anar Mədətov ötən gün açıqlamasında oğlunun hərbi xidmətdə olduğunu bildirmişdi.

Ölkə.Az

ŞƏRH YAZ
0
BAĞLA