“Pişik” Günel: “Daha mənə sponsorluq təklifləri gəlmir...” — FOTOLAR

“Pişik” Günel: “Daha mənə sponsorluq təklifləri gəlmir...”
23:38
06.09.2017
953
Maqazin
A
“Gəlinlik geyinmək arzum ürəyimdə qalıb”

Ölkə.Az xəbər verir ki, Ailem.az-ın müsahibi müğənni Günel Ələkbərovadır.
 
- Günel xanım, çoxdandır efirlərdə görünmürsünüz, deyəsən başınız analıq qayğılarına qarışıb…
 
- Analıq hissi o qədər gözəl bir hissdir ki... Deyərdim, bu, Allahın insana bəxş elədiyi ən gözəl duyğudur. Bu hissi sözlə ifadə etmək olmur. Sizin də dediyiniz kimi, uzun zamandır efirlərdə görünmürəm, tədbirlərin heç birində iştirak etmirəm. Qızımla məşğul oluram. Artıq 3 yaş 3 aylıqdır. Dayəsi də yoxdur, yalnız özüm baxıram. Bəzən isə hansısa iş olanda yalnız anama etibar edərək verirəm ki saxlasın. Amma bu da çox qısa bir zaman üçün olur. Uşağımı özüm saxlayıram.
 
- Övladınıza ana südü də verirdiniz?
 
- Bəli bir müddət ana südü ilə qidalandı, daha sonra uşaqlar üçün olan əlavə qidalarla qidalandı.
 
- Bəs yeməkləri necə, özünüz bişirirsiniz, yoxsa kiminsə köməyindən istifadə edirsiniz?
 
- Yox, mən o qədər də imkanlı deyiləm ki, qulluqçum olsun. Hər şeyi özüm edirəm, ev işlərini də, yeməyi də. Deyə bilmərəm ki, peşəkar aşbazam, amma necə deyərlər, çulumu sudan çıxarıram. Hazırladığım xörəklər dadsız alınmır. Əgər reseptini də bilməsəm, anamdan, yaxınlarımdan öyrənirəm, bişirəndə də dadlı alınır. Həm də indi internetdə də hər bir xörəyin bişirilmə qaydası var. Oradan da xoşuma gələn reseptləri götürərək asanlıqla bişirirəm. Yenə də deyim ki, peşəkar şəkildə yemək hazırlayıram və yemək bişirməyi sevirəm, bu, yalan olar. Mətbəxi sevmirəm. Daha çox hazıra-nazir olmağı xoşlayıram. Amma son zamanlar həyat məcbur edir ki, hər şeyi özüm edim.
 
- Mətbuatda çox zaman sizin hansısa əməliyyatlar, bədəninizdə plastik yolla müəyyən dəyişikliklər etdirməyiniz barədə yazırlar. O yazılanların hansı doğrudur?
 
- Hərənin öz bədəni var və hansısa dəyişikliyi etmək onun öz işidir. Hər kəs də öz əməlinə görə, həm bu dünyada, həm də o biri dünyada cavab verəcək. Mən burada günah bir şey görmürəm və plastik əməliyyata da pis baxmıram. Əgər bir insanın nəyəsə ehtiyacı varsa, bir insan nədənsə kompleks keçirirsə və bu narahatlıqları aradan qaldırmaq imkanı varsa, maddi vəsaiti yetirsə, niyə də etməsin? Amma mənim bədənimdə bir dənə də olsun əməliyyat yoxdur.
 
- Yəni deyirsiniz ki, siz heç vaxt plastik əməliyyat etdirməmisiniz?
 
- Etdirmişəm, amma bədənimdə yox. Mən sadəcə burnumda əməliyyat elətdirmişəm. Daha sonra da dodaq kiçiltmə əməliyyatı olub. Amma onu da deyim ki, gələcəkdə ehtiyac olarsa, bu cür əməliyyatları elətdirəcəm. Niyə də yox?!
 
- Dəblə nə qədər ayaqlaşırsınız?
 

- Əvvəllər geyimə çox pul xərcləyirdim. Nağd pulla 5-6 paltar birdən alırdım. Amma indiki ağlımla, əsla bunu etmərəm. Çünki ana olandan sonra bəzi şeyləri fərqli düşünməyə başladım. Həm də buna heç maddi imkan da yoxdur.
 
- Hazırda sənətlə bağlı hansısa işlər görürsünüz?
 
- Hazırda yeni mahnılar üzərində işləyirəm. Amma bəziləri kimi demirəm ki, bir həftədən sonra bir mahnı çıxardacam, partlayış olacaq, aləm dəyəcək bir-birinə. Sonra da heç nə olmur. Elə şeylərlə mənim aram yoxdur, reallıq nədir onu deyirəm. Bəzən də elə özüm əvvəlcədən demirəm, çünki bu, mənə düşmür. Çalışıram nəyisə həyata keçirim, ondan sonra məlumat verim ki, Allahın işini bilmək olmaz, nəsə tərs gedər insanların içində pərt olaram.
 
- Nəzərdən çox qorxursunuz deyəsən…
 
- Bəli, mənim belə inanclarım var. Kimsə tək səbir gətirdisə, qayıdıb bir-iki saniyə də olsa, yerimdə otururam. Qarşımdan pişik keçərsə, yolumu dəyişirəm. O cümlədən də nəzərə çox inanıram.
 
- Bəs cadudan qorxursunuz?
 
- Bilirsiz, cadudan təmizlənməyin yolları var. Ondan azad ola bilirsən...
 
- Məsələn, siz cadudan necə təmizlənirsiniz, bəlkə bu sirri bizə də açasınız?
 
- Mən caduya da, fala da inanıram. Nəinki biz müğənnillər, ümumiyyətlə, çox insanlar falçıya müraciət edir. Yalandan da deyirlər ki, getmirik. Amma falçıya gedəndə də növbədən içəri girə bilmirsən. Mən tanıdığım çox məşhurlar var ki, bütün günü yatıb qalırlar falçıda. Amma bunu gizlədirlər, danışanda deyirlər ki, nə fal, nə cadu?! Mən şəxsən falçıya gedirəm. Bu, mənə maraqlı gəlir. Məsələn, filan işim necə olacaq? Təbii, bilirəm, bütün olanlar Allahın əlindədir və bəndə nə karədir ki, onu dəyişsin. Sadəcə kiçik maneələri aradan qaldırmaq olur. Allah bizi mərdimazarlardan uzaq eləsin.
 
- Falçıya gedərək həyatınızda nəyi dəyişdirmək istəyirsiniz?
 
- Yox, mən heç bir şeyi dəyişdirmək üçün getmirəm. Həm də gedib kiməsə pislik üçün nəsə edim, elə şeyləri sevmirəm və heç vaxt eləmərəm.
 
- Düşünürsünüz ki, kimlərsə sizə cadu eləyir?
 
- Bəli, həqiqətən də bu belədir. Mənə o qədər cadu edirlər ki...
 
- Bəs cadu eləyənlər kimlərdir sizcə, sənətçilər, yoxsa…?
 
- Xeyr, sənətçilər deyil. Mən bəyəm bir nömrəli müğənniyəm, ya elə oxuyuram ki, bütün konsert salonları dolub-daşır? Yaxud mən elə pullar qazanmıram ki, sənətçi gedib paxıllıqdan ayağımın altını qazsın. Yox… Mən bilirəm də vaxtı ikən o qədər adamlar olub ki, onlara çörək vermişəm, indi mənə bədxah olublar.
 
- Sizin inandığınız öz falçınız var, yoxsa ayrı-ayrı falçıların xidmətindən istifadə edirsiniz?
 
- Öz inandığım biri var, ona müraciət edirəm. Hansısa işlərimlə bağlı mənə xəbər verir. Düzdür, dediyi 100 faiz eyni olmur, amma haradasa təsəlli tapıram. Bunun üçün stabil məbləğ ödəyirəm. Bəzən xoşuma gələn bir şey olanda bir az artıq ödəyirəm. Falçılarla bağlı bir xatirəmi də paylaşım. Bir dəfə qızlarla qoşulduq getdik bir falçı kişinin yanına, hamımıza ruzi duası yazdı. Hamı pullandı, amma mən, əksinə, müflis oldum. Sadəcə olaraq kartla, ən çox da kofe ilə falıma baxdırıram. Kim mənə nəsə edirsə, onların qarşısını alıram.
 
- Sizə sponsorluq təklifi çox olur?
 
- Daha mənə sponsorluq təklifləri gəlmir (gülür).
 
- Bildiyimiz qədərilə rəsmən evli deyilsiniz…
 
- Bu, artıq mənim öz şəxsi həyatımdır. Bunun heç kimə aidiyyəti yoxdur, mən rəsmi evliyəm, yaxud qeyri-rəsmi. Əsas odur, övladım halallıqla, dini kəbinlə dünyaya gəlib. Bəzən deyirlər, mən uşağıma həm ana olmuşam, həm ata. Bu, belə deyil. Nə ana atanı, nə də ata ananı əvəz edə bilməz. Allahıma çox şükürlər olsun ki, mənim övladımın atası da, anası da yanındadır və qayğı ilə əhatə olub.
 
- Qızınız ögey bacı-qardaşları ilə görüşür? Ümumiyyətlə, onlarla əlaqəniz varmı?
 
- Bayaq da dedim, bunlar mənim şəxsi həyatımdır. Onsuz da gizli bir şey yoxdur, amma bu barədə danışmaq istəmirəm. Siz heç narahat olmayın ki, mənim uşağım təkdir. Qohumda, qonşuda o qədər uşaq var ki, onlarla oynayacaq.
 
- İkinci övlad barədə düşünmürsünüz?
 
- Bilirsiz, övlad dünyaya gətirmək elə də problem deyil. Mənim üçün isə heç deyil. Amma övladı dünyaya gətirdiyin zaman onu hərtərəfli təmin etmək lazımdır. Gələcəyini düşünmək, indidən qurmaq lazımdır. Yoxsa ildə bir uşaq dünyaya gətir, gələcəyi heç bir şeylə təmin olunmasın. İnşallah qızım bir az böyüyər, maddi vəziyyətim bir az düzələndən sonra təbii ki, ikinci övlad barədə düşünürəm və uşaqları çox sevirəm. İstəyərəm ki, ən az 4-5 övladım olsun.
 
- Ümumi söhbətdən belə başa düşdük ki, gələcəyi bilməyi çox istəyirsiniz. Biz də bilmək istəyirik ki, gələcəkdə hansı arzunuzun həyata keçməsini istəyirsiniz?   
 
-  Mən hər bir qızın arzusunda olduğu ağ gəlinliyi geyinməmişəm. Bu arzum ürəyimdə qalıb. Hər xanım istəyir ki, ağ gəlinlik geyinib, vağzalı sədaları ilə evindən çıxsın…

ŞƏRH YAZ
0

“Kurtlar Vadisi”nin bəstəkarı reanimasiyaya yerləşdirildi

“Kurtlar Vadisi”nin bəstəkarı reanimasiyaya yerləşdirildi
18:43
22.05.2018
1184
Maqazin
A
Türk televiziya tarixinin əfsanə seriallarından olan “Kurtlar Vadisi”nin musiqilərini yazan Gökhan Kırdar ağzından qan gəldiyi üçün xəstəxanaya çatdırılıb.

“Ölkə.Az” xəbər verir ki, məşhur bəstəkar artıq üç gündür ki, reanimasiya şöbəsində müalicə olunur.

Gökhan 1970-ci ilin 2 iyun tarixində Aydında anadan olub. İlk dəfə peşəkar musiqi dünyasına 1994-cü ildə atılıb. 1993-cü ildən filmlərə musiqi yazır.

Hikmət Həsənov
Ölkə.Az

 

ŞƏRH YAZ
0

Mehriba Xanlarova: “Məni Azərbaycandan sürgün etməklə, başımı kəsməklə hədələyirlər” — MÜSAHİBƏ

Mehriba Xanlarova: “Məni Azərbaycandan sürgün etməklə, başımı kəsməklə hədələyirlər”
15:25
22.05.2018
3901
Maqazin
A
Tanınmış aktrisa, əməkdar artist Mehriban Xanlarova "Ölkə.Az"-ın suallarını cavablandırıb.

- Mehriban xanım, bildirmisiniz ki, sizi təhdid edirlər. Nə zamandan etibarən sizi hədələyirlər və bu hədələr nədən ibarətdir?

- Aprelin 20-21-də "İnstagram"da mənə mesaj gəldi. Ora çox şeylər yazılmışdı. Deyirdilər ki, niyə ana olmaq istədiyini deyirsən? Axırda yazdılar ki, unutma, may ayında adın mükafata təqdim edilməlidir. Mən də nə baş verdiyini anlamadım. Maraqlıdır ki, bu il açıqlanan mükafat siyahısında adım olmadı və yazılanlarla nəticə üst-üstə düşdü. Mükafat siyahısı açıqlanan günün axşamı yenidən yazıldı ki, necə olduğunu soruşmayacağam, hələ bu harasıdır?! Hətta yazdılar ki, daşıdığın fəxri ad da səndən alınacaq. Təbii ki, Ulu öndər Heydər Əliyevin 2002-ci ildə mənə verdiyi fəxri adı heç kim əlimdən ala bilməz. Məni Azərbaycandan sürgün etməklə, başımı kəsməklə, efirlərə qadağa qoydurmaq, işdən uzaqlaşdırmaqla hədələyirlər.

- Çalışdığınız teatrdan özünüzə qarşı hansısa soyuqluq hiss edirsiniz?

- Xeyr, elə bir şey hiss etmirəm. İşdən çıxarılmağım mənimçün uçurum olar, depressiyadan dəli ola bilərəm. Mədəniyyət naziri Əbülfəs Qarayevə ərizə və ardınca da teleqramla müraciət etmişəm. İndicə xəbər aldım ki, mənə bir aydan sonra cavab veriləcək. Bəlkə bir aydan sonra məni öldürəcəklər, başıma ayrı işlər gətiriləcək?

- Mehriban xanım, maraqlıdır, niyə belə qəribə işlər məhz sizlə bağlı olur?

- Mənimlə kimlə nə işim var ki? Göz qabağında olan sənətçiyəm də. Kiməsə pisliyim olubsa, evini yıxmışamsa, desinlər. 

- Bəlkə ana olmaq istədiyinizi deməyinizlə bağlıdır? Yəni övladınızın atası hansısa xanımın həyat yoldaşı ola bilər...

- Sadəcə, həkimə demişəm ki, əlli yaşımda ana ola bilərəm? Altmış yaşında övlad dünyaya gətirən analar azdır? Mənə yazırlar ki, utanmadın Zaurun verilişinə çıxdın? Bu kimdirsə, məni izlətdirir. Bununla bağlı ölkənin rəhbərliyinə, digər qurumlara müraciət etmişəm. Başqa kimə deyim dərdimi?

- Ana olmaq istədiyinizi dediniz. İllər öncə bu haqda danışmırdınız. Məndə belə bir fikiri yarandı ki, böyütdüyünüz bacınızın övladıyla münasibətləriniz qaydasında deyil. Çünki onu qızınız kimi təqdim edirdiniz...

- (pauza) Deməzdim...

- Hazırda bacınız qızıyla münasibətləriniz necədir?

- Hazırda yaxşıdır. Qəlb qırıqlığım içimdədir.

- Qəlb qırıqlığına səbəb nə oldu?

- Onun da özünə görə səhvləri var. Hər yerdə deyirdi ki, Mehriban mənim anam deyil. Ancaq ona anadan artıq olmuşam və bunu hər kəs bilir.

- Yanılmıramsa, bacınız qızına toy da etmişdiniz...

- Bəli, bəh-bəhlə toy da etmişdim və o toydan indi də danışılır. 

- Bacınız qızının uşağı adətən çəkilişlərdə sizinlə olurdu. Deyəsən, uşaq da sizdən alınıb...

- Uşağı özüm aparıb vermişəm. 

- Qayıdaq sizə edilən təhdidlərə. Bu bardə teatr rəhbərliyi ilə söhbətiniz olub?

- Xeyr. 

- Həmkarlarınızdan kimsə bunu edə, yaxud etdirə bilərmi?

- Bilmirəm. Bütün həmkarlarımla yaxşı münasibətdəyəm və hər kəsin çətin anından yanında olmuşam. 

- Bəlkə kimləsə birgəliyiniz sona çatıb və həmin şəxs bu münasibətin bitməsini qəbul edə bimədiyi üçün belə edir?

- Ola bilməz. Hər zaman efirdə demişəm ki, Prezident mükafatını almasam, dolanışığımda böyük çətinliklər yaranacaq. Məcburam kredit götürəm, dolanam. 

- Hazırda nə qədər məvacib alırsınız?

- Artımla bir yerdə 428 manat məvacib alıram. Mənim evdə şikəst anam, iki şikəst qardaşım var və on beş nəfərlik ailə üstümdədir. Lüks həyat yaşamasam da, həmin pulla dolanırdım. Bilirəm ki, mənə qarşı haqsızlığı edən yuxarılar yox, aşağıdakı məmurlardır. 

- Aktrisalar xınayaxdı məclislərinə də gedirlər...

- Elə bir pulum yoxdur ki, dekorlar, digər texniki şeylər alım.

- Yaşadığınız mənzil özünüzündür?

- Xeyr, hamımız iyirmi dörd kvadratmetrlik mənzildə yaşayırıq. İndiyə kimə demirdim, indi deməkdən utanmıram.

- Təxminən 10-15 il əvvəl Bakıda ən bahalı avtomobil sürən xanımlardan idiniz...

- Bəli, o maşın həyat yoldaşımın idi və onunla da getdi. Söhbət 2004-2005-ci illərdən gedir.

- Bəs onda harada yaşayırdınız?

- Yoldaşımla kirayədə qalırdıq. 

İntiqam VALEHOĞLU
Ölkə.Az

ŞƏRH YAZ
0
BAĞLA