Piyadaların ən çox etdiyi səhvlər
Kimi yola baxmır, kimi isə piyada keçidi olsa belə ondan istifadə eləmir. 2017-ci ilin son 6 ayı ərzində baş verən yol qəzalarının 50 faizində piyadalar vurulub.
Ölkə.Az bildirir ki, bəzi qəzalarda səhvlik piyadaların özlərində olur.
Yol hərəkəti üzrə ekspert Tural Yusifov Azərbaycanda piyadaların ən çox etdiyi 5 səhvin olduğunu deyir. Onun sözlərinə görə, baş verən qəzaların əksəriyyəti elə bu səhvlər səbəbindən olur.
Sürücülər üçün ən təhlükəli piyadalar isə yolun yarısına qədər gəlib keçməkdə tərəddüd edənlərdi.
Piyadaların ən çox etdiyi səhvlərdən biri də səkiylə deyil yolun hərəkət hissələrindən istifadə etmələridir.
Və ən təhlükəli məqam isə piyadaların etdikləri bu səhvlərə öz övladlarını da ortaq etmələridir. Nəticədə isə valideynindən bu yanlış addımı öyrənənlərin də gələcəkdə həyatlarını təhlükəyə atmaları qaçınılmazdır. /xezerxeber.az
