Piyadanın ölümü ilə nəticələnən yol qəzası baş verib

Piyadanın ölümü ilə nəticələnən yol qəzası baş verib
23:32
19.05.2017
195
Hadisə
A
Ucarda iki maşının iştirakı ilə vurulan piyada hadisə yerində ölüb

Ölkə.Az APA-ya istinadən xəbər verir ki, hadisə bu gün axşam saatlarında Bakı-Qazax əsas magistral yolunun Ucar rayonunun Alpout kəndindən keçən hissəsində baş verib.

Sürücüsü hələlik məlum olmayan 20 DC 331 dövlət nömrə nişanlı "Skoda" markalı minik maşını yolu keçən piyada rayonun Alpout kənd sakini, 1970-ci il təvəllüdlü Bayram Mirzəhüseyin oğlu Kərimovu vurub.
 
Şahidlərin sözlərinə görə, hadisə törədən sürücü zərərçəkənə kömək etmək istəsə də Gəncə istiqamətdə yüksək sürətlə hərəkət edən "İkarus" markalı avtobus B. Kərimovun üstündən keçib və o, maşını saxlamayaraq  hadisə yerindən qaçıb. Faktla bağlı Baş Dövlət Yol Polisinin İstintaq və Təhqiqat Şöbəsində araşdırma aparılır.

ŞƏRH YAZ
0

27 yaşlı gəncin intiharının SƏBƏBLƏRİ

27 yaşlı gəncin intiharının SƏBƏBLƏRİ
16:35
Bu gün
69
Hadisə
A
Ötən gün Ucarın Boyat kəndində 1991-ci il təvəllüdlü Loğman Ərəstun oğlu Rəsulov yaşadığı evdə intihar edib.

“Ölkə.Az”ın məlumatına görə, evdə tək yaşayan L.Rəsulov günorta saatlarında elektrik naqili ilə özünü asıb. İntihardan ilk xəbər tutan Loğmanın qonşusu olub. Belə ki, o, günorta saatlarında Loğmanın evində işığın yanmasından şübhələnib və evə daxil olub. İçəri girəndə gənci asılmış vəziyyətdə görən qonşu dərhal polisə məlumat verib. Hadisə yerinə gələn rayonun hüquq-mühafizə orqanlarının əməkdaşları ilkin müayinələrə başlayıblar. Meyit müayinə olunmaq üçün Məhkəmə Tibbi Ekspertiza və Pataloji Anatomiya Birliyinin Ucar rayon şöbəsinə aparılıb. 

Araşdırmalarımız zamanı məlum olub ki, Loğman Rəsulov valideyinləri ilə birgə Rusiyada yaşayıb. Bir neçə il öncə isə kəndə qayıdan Loğman tək qalmağa başlayıb, dolanmaq üçün maşın təmir edib gününü keçirib. Mərhumun qohumlarının dediklərinə görə, 3 ildir ailəsindən ayrılan gənc tez-tez özünə qapılıb, hətta bir neçə dəfə özündən də gedib. 

Faktla bağlı Ucar rayon prokurorluğunda cinayət məcəlləsinin 125-ci (ölüm həddinə çatdırma) maddəsi ilə cinayət işi başlanıb, araşdırmalar davam etdirilir.

ŞƏRH YAZ
0

5 yaşlı uşağın ölümünün — TƏFƏRRÜATLARI

5 yaşlı uşağın ölümünün
15:40
Bu gün
766
Hadisə
A
5 yaşlı uşağın ölümündə təqsirli bilinərək saxlanılan Quba rayon sakininin məhkəməsi başlayıb.

"Ölkə.Az”ın xəbərinə görə, cinayət məcəlləsinin 126.3-cü (qəsdən sağlamlığa ağır xəsarət yetirmə, zərərçəkmişin ölümünə səbəb olduqda) maddəsi ilə təqsirli bilinən İsrafilova Lalə Həsən qızının məhkəməsinə hakim Azər Paşayev sədrlik edəcək. 

Qeyd edək ki, hadisə 2017-ci il may ayının 9-da Quba rayonunun Bərqov kəndində baş verib.

Kənd sakini, 2013-cü il təvəllüdlü Mustafazadə Fuad Həbib oğlu ailəsinin münasibəti olmadığı 1971-ci il təvəllüdlü İsrafilova Lalə Həsən qızının həyətinə icazəsiz daxil olub. Azyaşlı həyətdəki gülləri yolarkən L.İsrafilova bunu görüb və həyətdən çıxmasını istəyib. Qadının onu qovmasına baxmayan uşaq hərəkətlərini davam etdirib. Bu zaman L.İsrafilova uşağı qovub. F.Mustafazadə qadından qorxaraq həyətdən qaçmağa başlayıb. Həyət darvazasından çıxarkən uşaq küçədə yıxılıb və baş nahiyəsindən aldığı xəsarət nəticəsində dünyasını dəyişib.

Faktla bağlı Quba rayon Prokurorluğunda Cinayət Məcəlləsinin 126.3-cü (qəsdən sağlamlığa ağır xəsarət yetirmə, zərərçəkmişin ölümünə səbəb olduqda) maddəsi ilə cinayət işi başlanılıb. Hadisədən 6 ay keçəndən sonra rayon porkurorluğunun baş müstəntiqi Ruslan Əhədov Lalə İsrafilovanı iş üzrə təqsirləndirilən şəxs qismində cəlb edib. Müstəntiq ittiham aktında göstərib ki, guya qadın uşağı qovub, onu şillələyib və başını daşa vurub bilərəkdən öldürüb". 

Qeyd edək ki, L.İsrafilova 2 uşaq anasıdır.

ŞƏRH YAZ
0
BAĞLA