PKK terror təşkilatı təşviş içində
“Ölkə.Az” xəbər verir ki, Türkiyənin Daxili İşlər Nazirliyinin yaydığı bəyanatda 2019-cu ildə terror təşkilatının 247 üzvünün Türkiyə təhlükəsizlik qüvvələrinə təslim olduğu bildirilib.
PKK-nın parçalanmasını nümayiş etdirən açıqlamada "İraqın şimalındakı terror təşkilatına aid sığınacaqlardan qaçan daha 3 terrorçu Şırnakda təhlükəsizlik qüvvələrinə təslim olub. 2019-cu ildə bu 3 terrorçu ilə bərabər separatçı terror təşkilatının 247 üzvü Türkiyə təhlükəsizlik qüvvələrinə təslim olub", - deyə qeyd edilib.
Türkiyə Milli Müdafiə Nazirliyinin yaydığı açıqlamada, “Son olaraq Suriyanın şimalındakı düşərgələrdən silah-sursat və avadanlıqlarıyla birlikdə qaçan 2 PKK/YPG terrorçusu Suruçdakı sərhəd məntəqəmizə təslim olub”, - deyə bildirilib.
PKK terrorçuları Türkiyə Silahlı Qüvvələrinin qətiyyətli əməliyyatları nəticəsində təslim olmağa davam edir.
Məlumat üçün qeyd edək ki, Türkiyə dəfələrlə terrorçulara qarşı sona qədər mübarizə aparacağını bildirib və bu məsələdə əsla geri çəkilməyəcəyini vurğulayıb.
Ölkə.Az
