Planet ovçusu kosmosa göndərildi

Planet ovçusu kosmosa göndərildi
15:47
19.04.2018
898
Dünya
A
NASA Günəş sistemindən kənardakı minlərlə planeti kəşf etmək məqsədi ilə “Tess” peykini Florida ştatındakı “Cape Canaveral” stansiyasından kosmosa göndərib.

“Ölkə.Az” xəbər verir ki, peyk bir çox ulduz sistemini incələyəcək.

“Tess”in məqsədi kosmosda fərqli teleskopların daha detallı şəkildə incələcəyi yerlərin bir kataloqunu hazırlamaqdır.

Layihəyə rəhbərlik edən  Massaçusetts texniki universitetinin nümayəndəsi Corc Riker deyib:
“Peykdə səmanı müşahidə edə biləcək 4 ədəd çox həssas kamera var. “Tess”in müşahidə edəcəyi planetlər transit adlandırdığımız bir proses nəticəsində meydana çıxır. Ev sahibi ulduzun önündən keçəndə planetin kölgəsini görə bilirik”.

Peyk cazibə qüvvəsindən də istifadə edəcək. Beləcə, daha az yanacaq sərf edərək on illərlə çəkiliş aparacaq.

Hikmət Həsənov
Ölkə.Az

 

ŞƏRH YAZ
0

Donald Trampın “düşmən siyahısı” üzə çıxdı

Donald Trampın “düşmən siyahısı” üzə çıxdı
10:48
Bu gün
398
Dünya
A
ABŞ prezidenti Donald Trampın siyasi düşmənlərindən ibarət siyahısı var.

“Ölkə.Az” xəbər verir ki, “The Washington Post”un xəbərinə əsasən, siyahıya adı düşənlərə təzyiq edilir. Bundan əvvəl də ABŞ-ın 37-ci prezidenti Riçard Niksonun belə bir siyahısı olub.

Niksonun siyahısına 20 siyasətçi, iş adamı və jurnalistlər daxil edilmişdi. Siyahıya adı düşənlər prezidentin atdığı addımlarla razılaşmır və qarşı çıxırdılar. Məlumdur ki, Niksonun müşaviri Con Din bu insanlara qarşı təzyiq aparmaqla məşğul idi.

Qəzetin xəbərinə əsasən, Tramp MKİ-nin (Mərkəzi Kəşfiyyat İdarəsi) keçmiş rəisinin gizli sənədlərə girişinin əlindən alınması ilə bağlı çağırış edib. Bu isə Trampın belə bir siyahısının olduğuna işarə edir.

Nəşriyyat əlavə edib ki, ABŞ prezidentinin administrasiyası xüsusi xidmət orqanlarının daha 9 əməkdaşına qarşı tədbirlər görməyi planlaşdırır.

Hikmət Həsənov
Ölkə.Az

ŞƏRH YAZ
1

Ankarada ABŞ-ın səfirliyinə silahlı hücum

Ankarada ABŞ-ın səfirliyinə silahlı hücum
09:25
Bu gün
1611
Dünya
A
ABŞ-ın Ankaradakı səfirliyinə naməlum şəxslər silahlı hücum həyata keçiriblər.

“Ölkə.Az” xəbər verir ki, hadisə Türkiyə saatı ilə 05:00 radələrində baş verib. Polis qaçan şübhəliləri axtarır.

Əldə edilən məlumata görə, Atatürk bulvarından hərəkətdə olan və dövlət nömrə nişanı müəyyən edilməyən bir ağ avtomobildən ABŞ səfirliyinin binasına atəş açılıb. Naməlum şəxslər səfirliyə 4-5 dəfə atəş açıblar. Onların hədəfi təhlükəsizlik xidmətinin oturduğu otaq olub. Güllələrdən biri pəncərəyə dəyib. Hadisə vaxtı ölən və yaralanan olmayıb.

Avtomobil Cinnah prospekti istiqamətində qaçıb. Qısa müddət ərzində hadisə yerinə polislər cəlb edilib. Hazırda onların axtarışı davam edir.

Hikmət Həsənov
Ölkə.Az

ŞƏRH YAZ
0
BAĞLA