Planet ovçusu kosmosa göndərildi
NASA Günəş sistemindən kənardakı minlərlə planeti kəşf etmək məqsədi ilə “Tess” peykini Florida ştatındakı “Cape Canaveral” stansiyasından kosmosa göndərib.
“Ölkə.Az” xəbər verir ki, peyk bir çox ulduz sistemini incələyəcək.
“Tess”in məqsədi kosmosda fərqli teleskopların daha detallı şəkildə incələcəyi yerlərin bir kataloqunu hazırlamaqdır.
Layihəyə rəhbərlik edən Massaçusetts texniki universitetinin nümayəndəsi Corc Riker deyib:
“Peykdə səmanı müşahidə edə biləcək 4 ədəd çox həssas kamera var. “Tess”in müşahidə edəcəyi planetlər transit adlandırdığımız bir proses nəticəsində meydana çıxır. Ev sahibi ulduzun önündən keçəndə planetin kölgəsini görə bilirik”.
Peyk cazibə qüvvəsindən də istifadə edəcək. Beləcə, daha az yanacaq sərf edərək on illərlə çəkiliş aparacaq.
Hikmət Həsənov
Ölkə.Az
