Planetin ən soyuq nöqtəsində yemək bişirsək nə olar? — FOTOLAR

Planetin ən soyuq nöqtəsində yemək bişirsək nə olar?
11:10
15.10.2018
5464
Dünya
A
Sipriyen Verse Antarktidadakı “Concordia” stansiyasında işləyən alimdir.

“Ölkə.Az” xəbər verir ki, Sipriyen iqlim araşdırmaları ilə məşğul olur və boş vaxtlarında yazdığı bloqda dünyanın ən soyuq nöqtəsindəki həyatından bəhs edir. Bu yaxınlarda o, Antarktidada yemək bişirmək qərarına gəlib və o anları kameranın yaddaşına köçürüb. Sipriyen mənfi 70 dərəcə tempraturda yemək bişirib.

Sipriyen bloqunda yazır: “Bura o qədər soyuqdur ki, 9 ay heç bir nəqliyyat vasitəsi, texnika gəlmir. 13 nəfərlik heyətik. Aramızda texniki işçilər, alimlər, aşbaz və həkim var. Oksigen çatışmazlığı var və özümüzü başqa planetdəki kimi hiss edirik. Əylənmək üçün yemək bişirmək və nəticələri foto lentə köçürmək qərarına gəldik. Qışda tempratur mənfi 80 dərəcədən də aşağı enir. Tam üç ay günəşi görmədik və ancaq avqust ayında görə bildik. Hava həm çox quru həm də oksigen səviyyəsi çox aşağıdır. Qışın əvvəlində təzə qidalar bitdi. Fevral ayından noyabra qədər dondurulmuş qidalar qəbul etdik”.

Hikmət Həsənov
Ölkə.Az

ŞƏRH YAZ
0

İndoneziyada güclü zəlzələ baş verib — 5 bal

İndoneziyada güclü zəlzələ baş verib
20:43
Bu gün
1495
Dünya
A
İndoneziyanın sahillərində 5 bal gücündə zəlzələ olub.

“Ölkə.Az” xarici KİV-ə istinadən xəbər verir ki, yeraltı təkan yerli vaxtla 11.43-də qeydə alınıb.

Zəlzələnin episentri Tobelo şəhərindən 66 km cənubunda, 5 km dərinlikdə yerləşib.

Dağıntı və xəsarət alanlar barəsində məlumat yoxdur.

Ölkə.Az

ŞƏRH YAZ
0

“Hayabusa” Ryuqu asteroidində süxur topladı — VİDEO

“Hayabusa” Ryuqu asteroidində süxur topladı
19:45
Bu gün
2399
Dünya
A
Yaponiyanın “Hayabusa-2” zondu Ryuqu asteroidindən 100 milliqrama qədər süxur nümunəsi toplayıb.

“Ölkə.Az” xəbər verir ki, sözügedən süxur Yerə göndəriləcək.

Məsələ ilə bağlı “YouTube”da canlı yayım olub. Kadrlarda zondun asteroidə yaxınlaşması və tantal güllə ilə atəş açaraq nümunələr toplaması görünür. Zond sonra yenidən öz orbitinə qayıdır.

Maraqlıdır ki, süxur toplamaq üçün meydança əvvəlcədən seçilib. 21 fevral tarixindən zond asteroidə yaxınlaşmağa başlayıb. Bu zaman onun sürəti saniyədə 0.4 metr olub. Sonra isə 5 qramlıq tantal gülləsindən atəş açılıb, toz və qırıntılar yığılıb. Əməliyyat bir neçə saniyə davam edib.

Zond 2018-ci ilin iyun ayından asteroidi tədqiq edir. Elmi iş yarım il müddətinə planlaşdırılıb.

Hikmət Həsənov
Ölkə.Az

ŞƏRH YAZ
0
BAĞLA