Planlara dəyişikliklər edin...

Planlara dəyişikliklər edin...
00:04
09.05.2018
5638
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - Müsbət təmayüllərin təsiri artır. Bir qədər əvvəl yaranmış problemləri asanlıqla olmasa da, uğurla həll edirsiniz. Yeni dost və müttəfiq qazana bilərsiniz. Məqsədə doğru qətiyyətlə irəliləyin. Yaxın ətrafınızdakı insanlar sizə sayğı bəsləyirlər. Çətin vəziyyətə düşəndə yardım istəməkdən çəkinməyin.

Hisslərin əsiri olmayın. Bəzi insanlar barədə onların layiq olduqlarından yaxşı düşünməyin. Olmayan yerdə əsla ideal aramayın. Düşünülməmiş addımlar atmayın, sonradan sizi peşman edəcək işlər görməyin.

Buğa - Sizin üçün tamamilə yeni fəaliyyət sahəsində uğurlara nail ola bilərsiniz. Yeni müttəfiq və ya tərəfdaş seçməkdə intuisiya yardımçınız olacaq. Etimada layiq olmayan insanları yaxın buraxmayın. Diqqət, xüsusi zəhmət tələb edən işlərlə məşğul ola bilərsiniz.

Günün ikinci yarısında işgüzar fəallığınız yüksək olsun.

Bütün diqqəti işə ayıraraq şəxsi həyatı unutsanız belə, yaxınlarınız inciməyəcəklər. Yaşlı qohumların yardımlarına bel bağlaya bilərsiniz.

Əkizlər - Maliyyə işlərində uğurlar olacaq. Bu gün bağlanan müqavilələr və əldə edilən razılaşmalar yaxşı gəlir vəd edir. Danışıqlar yaxşı keçir. Nüfuzlu tərəfdaşlardan biri ilə qeyri-formal şəraitdə müzakirələr aparmaq olar. Yeni tanışlar sizə zahiri görünüşünüzə görə qiymət verirlər. Bunu unutmayın.

Ekstravaqant addımlar atmayın.

Yaxınlarınızdan biri sizi qəfil xəbərlə sevindirəcək. Planlarınızda müəyyən dəyişikliklər etmək gərəkdir və bu, sizi qıcıqlandırmamalıdır. Etiraflar üçün əlverişli zamandır.

Xərçəng - Gərgin, mürəkkəb gündür. Tələskənlik və qarğaşa şəraitində özünüzü rahat hiss etmirsiniz. Mənfi emosiyaların təsirinə düşməyin. Bütün diqqəti işə ayırın. Diqqətsizlik acı yanlışlıqlara səbəb ola bilər. Adi günlərlə müqayisədə daha çox səhvlərə yol verməyin. Belədə ətrafınızdakı insanlar işgüzarlıq və bacarıqlarınıza şübhə edə bilərlər.

Günün ikinci yarısında maliyyə itkiləri, mənasız xərclər istisna deyil. Böyük miqyaslı anlaşmalar və sövdələşmələr, bahalı nəsnənin alınması məsləhət deyil. Səfər və ya səyahəti ləğv edin, ya da təxirə salın.

Şir - Ambisiya və eqoizminizlə, yanlış gözləntilər və illüziyalarla mübarizə aparın. Ani istəklərin toruna düşməyin, öhdəliklər və vədlərinizi unutmayın. İradəli, əzmli olun. Hisslərinizə əsir olsanız, uğursuzluqdan yayına bilməyəcəksiniz. Spontan alış-veriş, planlaşdırılmamış xərclər etməyin. Maliyyə imkanlarınızı olduğundan artıq dəyərləndirməyin.

Yumşaqlıq, güzəştə meylli olmaq, səmimiyyət yaxın ətrafınızdakı insanlarla münasibətlərinizi qorumağa imkan verəcək. Məntiqli davranın. Yaxınlarınızın məsləhətlərinə qulaq asın.

Qız - Bu gün istənilən səddi dəf edə bilərsiniz. Tapşırıqlar və görüləsi işlər çox olsa da, yorulmayacaqsınız. Yaşam potensialının səviyyəsi yüksəkdir. Yaxın ətrafınızdakı insanlar sizə çatmaq istəyirlər. Geridə qalanlara sinirlənməyin. Zərurət yaranarsa, onlara yardım edin. Gördüyünüz işin ödənişini bir qədər sonra alacaqsınız.

İşdə rəhbərliklə və ya nüfuzlu şəxslərlə qarşılıqlı anlaşmaya nail olmaq mümkündür. Yaxınlarınızla münasibətlərdə diqqətli, həssas olun. Yaradıcı, işgüzar məzmunlu yeni layihəyə başlamaq olar.

Tərəzi - Yaxın ətrafınızdakı insanlarla ünsiyyətdə həssas olun. Özünüzü anlamağa çalışın. Kiçik problemlər sizi ruhdan salmasın. Baş verənlərin hamısına mənfi yanaşmayın. Haqqınızda söylənən təriflərə çox inanmayın, tənqidlərə aqressiv reaksiya verməyin.

Yaxınlarınızın xahiş və təkliflərini qulaqardına vurmayın. Tanışlardan biri sizdən yardım istəyə bilər. Fırıldaqçı və manipulyator üçün "şikar"a çevrilməyin.

Həllini tələb edən problemlərin önəmini anlamağa çalışın, çünki siz hələlik aysberqin zirvəsini görürsünüz. Tələsməyin. Az sonra situasiya aydınlaşacaq və nə etmək gərəkdiyini biləcəksiniz.

Əqrəb - Yaxın ətrafınızdakı insanların dəstəyi və yardımları indi xüsusi əhəmiyyət kəsb edir. Dəstək alacaqsınız, amma yardımlar gözləntilərinizə uyğun miqyasda və həcmdə olmayacaq. Müstəqil işləməkdən çəkinməyin. Müttəfiq və tərəfdaşlarla münasibətlərdə diqqətli olun. Onlara dəyər verdiyinizi göstərin. Bütün bunlar münasibətlərlə bahəm, ümumi layihəyə də müsbət təsir edəcək.

Sirli, müəmmalı, mistik məqamlara maraq artır. Amma unutmayın ki, onların hamısının trivial izahı var. Qarşılıqlı təmaslarda diqqətli olun. İlk dəfə qarşılaşdığınız insana inanmayın.

Oxatan - Maraqlı və aktual informasiya ala bilərsiniz. Həmin məlumatdan öz maraqlarınız üçün nə qədər tez istifadə etsəniz, bir o qədər yaxşıdır. Zaman indi bədxah və rəqiblərinizin xeyrinə işləyir. Yeni işlərə başlamaq, əməkdaşlıqla bağlı anlaşma və ya sazişə nail olmaq mümkündür. Biznesə və ya perspektiv saydığınız layihəyə sərmayə yatıra bilərsiniz.

Sevdiyiniz insanla təmaslar müsbət emosiyalar bəxş edəcək. Arzularınızdan biri çox yaxında çin olacaq. İntuisiyanıza güvənin. O, hətta ən çətin və mürəkkəb məqamlarda sizi aldatmayacaq.

Oğlaq - Mürəkkəb, ciddi işlər və önəmli görüşlər üçün münasib olmayan gündür. Səbirsiz, tələskən, qıcıqlı olmayın. Yaşam enerjinizin səviyyəsi yüksəkdir. Yaxın ətrafınızdakı insanlar sizə əməkdaşlıq və ya qarşılıqlı fəaliyyətin yeni sahəsini təklif edəcəklər. Yardım istəyənə kömək edin, ümidləri qırmayın. Dəstək arayan insanı dinləyin.

Çalışdığınız yerdə və ailədə problemlər, mübahisələr yarana bilər. İşdəki problemi, qarşıdurmanı tezliklə həll edəcəksiniz. Ailədə isə güzəştə getməsəniz, müdrik olmasanız, problem xroniki hal ala bilər.

Dolça - Ötən günlərdə yaranmış qeyri-müəyyən situasiyalar aydınlaşır. Bundan sonra necə hərəkət etməli olduğunuzu anlayırsınız. Maraqlı işgüzar təkliflər ala bilərsiniz. Həmin təkliflər maliyyə durumunuzun dərhal yaxşılaşması ilə bağlı olmasa da, perspektiv baxımından pis deyil.

Yeni istiqamətdə və ya layihədə çalışmaq olar.

Yaxın qohumlar, habelə sevdiyiniz insanla münasibətlərdə ciddi irəliləyişlər olacaq. İndiyədək sürəkli mübahisə etdiyiniz insanla qarşılıqlı anlaşmaya nail olmaq mümkündür.

Balıqlar - Sakit və rəvan, yarımçıq işlərin başa çatdırılması, nəticələrə nəzərə salınması üçün əlverişli gündür. Heç hara tələsməyin. Yaranmış situasiyanı təhlil edin, planlara dəyişikliklər edin. Yaxın ətrafınızdakı insanlara məsləhətlər verin. Onlar səylərinizə dəyər verəcək, xırda işlərlə yanaşı, ciddi məsələlərlə bağlı sizə müraciət edəcəklər.

Ailə üzvləri ilə təmaslarda həssas olun. Şəxsi münasibətlərdə diqqətli olun. Yaxın bildiyiniz insanla təmaslar xoşdur, qarşılıqlı anlaşma var. Çoxdan bəri rəğbət bəslədiyiniz insan sizi sevindirəcək.

Gəlirlər istisna deyil.

Ölkə.Az

ŞƏRH YAZ
0

Hipertoniya, qanazlığı, mədə xorasının dərmanı — QARA QARAĞAT

Hipertoniya, qanazlığı, mədə xorasının dərmanı
01:30
Bu gün
806
Maraqlı
A
Kiçik kolların üstünə qara muncuq kimi düzülən qarağat meyvələri bir növ qara gilasa və gilənara bənzəyir. Lakin digər giləmeyvələrdən fərqli olaraq qarağat kol formasındadır və onun üstü qara ətli gilələrlə pitraq kimi dolu olur.

Qara qarağatı iki həftə, ağ və qırmızı qarağatı isə 5-7 gün müddətində xarab olmadan saxlamaq mümkündür. Tərkibinin zənginliyinə görə özündə 400 qram C vitamini ehtiva edən qara qarağat digər giləmeyvələrdən daha üstün sayılır. Turşməzə tamlı meyvələri təzə halda yeyilir, ondan püre, jele, mürəbbə, marmelad, şirə, limonad, konfet, şərab və s. hazırlanır. Qarağat yarpaqları ətirli və turş olduğundan tərəvəzlərin konservləşməsi zamanı da istifadə olunur.

"Ölkə.Az" AzərTac-a istinadən xəbər verir ki, tam yetişəndən sonra qara qarağatın yığılıb qurudulan meyvələri vitamin çatışmazlığı, eləcə də sinqa xəstəliyi zamanı profilaktika və müalicə məqsədilə istifadə edilir.

Bu giləmeyvədən qaraciyər, tənəffüs yolları, angina və bir sıra digər iltihabi xəstəliklərin aradan qaldırılmasında və böyrəkdəki daşların salınmasında istifadə olunur. Hipertoniya, qanazlığı, mədə xorası zamanı qara qarağatın həlimini içmək məsləhət görülür.

Ümumiyyətlə, qara qarağat tərkibi C vitamininin miqdarına görə giləmeyvələr arasında birinci yeri tutur. Orqanizmin həmin vitaminə olan gündəlik tələbatını ödəmək üçün cəmi 20 ədəd qara qarağat yemək kifayətdir. O, onkoloji xəstəliklərə tutulmaq riskini də azaldır.

Digər meyvələrlə müqayisədə qarağatın tərkibi zülallarla da zəngindir. O, şəkərli diabetdən əziyyət çəkənlər üçün də çox faydalıdır və görmə qabiliyyətini uzun müddət qoruyub saxlamağa kömək edir. Bu giləmeyvəni konservləşdirərkən də tərkibindəki faydalı maddələrin əksəriyyəti qorunub saxlanılır.

Qara qarağatın yarpaqlarının həlimi şiş, soyuqdəymə, titrətmə-qızdırma və revmatizm kimi xəstəliklərin müalicəsində istifadə olunur, böyrək və sidik kisəsində daşı olanlara da faydalıdır.

Ümumiyyətlə, qara qarağatın meyvələri kimyəvi elementlərlə zəngin olduğu üçün müxtəlif xəstəliklərin müalicəsində müsbət təsir göstərir.

Ölkə.Az

ŞƏRH YAZ
0

Kredit götürməyin...

Kredit götürməyin...
00:05
Bu gün
1442
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - Günün ilk yarısından qətiyyətli və iradəli şəkildə çalışın. Hadisələrin dünənki məcrasının davam etdirilməsi fəaliyyətin ideal variantı ola bilər. Yaradıcılıq planlarını reallaşdıra bilərsiniz. Problemlərin həllinə fərdi yanaşın.

Günün ikinci yarısında rutin işlərdən usanmayın. Onları mütləq şəkildə çözmək gərəkdir. Həmişəkindən fərqli olaraq bir qədər risk etmək olar. Yeni, genişmiqyaslı layihəyə başlamayın.

Buğa - Yaşam tərzi sizdən aktiv qərarlar və mütəhərrik olmağı tələb edir. Başqalarının laqeydliyindən yararlanmayın, öz stilinizə sadiq qalın. Əhval-ruhiyyənizi ən kiçik, xırda məsələlərə görə korlamayın. Bir qədər əvvəl yaşanmış proseslərin fəsadları hələ tükənməyib.

Günün ikinci yarısında izafiliyə varmayın. Duruma müdaxilədə diqqətli olun, konsepsiyasız qərarlar qəbul etməyin.

Axşam saatlarında ağır fiziki işdə çalışmayın.

Əkizlər - Günün ilk yarısında yaxşı əhvalınız olacaq. Hadisələrə nikbin yanaşın. Ruh düşkünlüyünə qapılmayın. Situasiya pozitivdir. Yeni, maraqlı imkanlar yaranır. Şanslarınızdan yararlanın. Fürsəti fövtə verməyin.

Günün ikinci yarısında böyük layihəyə və ya ağır sifarişin icrasına başlamaq məsləhət deyil. Çətinliklər sizi zəiflətməsin. Şəraitə uyğunlaşın. Köhnəlmiş ştamplardan, uğursuz klişelərdən qurtulun. Yanlış psixoloji anlamlara aldanaraq səhv addımlar atmayın.

Axşam saatlarında orijinal ideya yarana bilər.

Xərçəng - Günün ilk yarısından etibarən tənbəllik etməyin. Analitika, mürəkkəb hesablamalar, sistemləşdirmə, fərdi nəzarət, məsuliyyətli sifarişin yerinə yetirilməsi üçün münasib zaman deyil.

Günün ikinci yarısında sizi effektiv fəaliyyətdən yayındıracaq proseslər yaşanacaq. İntizamlı olun, qaydalar çərçivəsindən çıxmayın. Sağlam qida rasionunu seçin. Strateji məsələnin həllində təfərrüatlara fikir verin.

Axşam saatlarında bədxərclik etməyin. Səbəbsiz nikbinliyə qapılmayın.

Şir - Günün ilk yarısından etibarən rəqiblərlə müqayisədə üstün mövqelərə malik olacaqsınız. Amma bu, situasiyanı tam nəzarətdə saxlamaq istəklərinizə və cəhdlərinizə mane olmamalıdır. Situasiya ağırlaşır.

Günün ikinci yarısında əlverişsiz vəziyyətdən asanlıqla çıxış yolu tapa bilərsiniz. Fəaliyyət sahənizdə qrafikin yenilənməsinə zərurət duyulur.

Axşam saatlarında yaşamınızda dəyişikliklər başlanacaq.

Qız - Yeni oriyentirlər seçin. İşlə bağlı təklif səslənəcək. Yeni və fərqli ideyalar var. Gərəkli informasiya axtarışı ilə məşğul olun, faydalı əlaqələri bərpa edin. Təmaslardakı donuq situasiyanı aradan qaldırın.

Məqsəd və məramlarınızı səhər saatlarından etibarən reallaşdırmağa başlayın. Gərəkli avadanlıq, vasitə və resursları toplayın.

Daxili gərginlik olsa da, imkanlar və qüvvələrdə müəyyən tükənmə hiss olunur. Gərgin olmayın. Bu gün izafi əmək üçün deyil.

Axşam saatlarında istirahət edin.

Tərəzi - Məntiq, tələbat və ya seçdiyiniz plana uyğun davranın. Hisslər, emosiyalar və ya ani impulsun təsiri altına düşməyin. Təkbaşına çalışmayın, tənha qalmayın. İşdə həmkarlarınızla birlikdə olun.

Toplantı, müzakirə və ya görüş zamanı işlə bağlı unutduğunuz, yadınızdan çıxmış təfərrüatı xatırlayacaqsınız.

İddialarla tələblərin səviyyəsini bir qədər aşağı salın. Mümkün qədər çox iş görməyə səy göstərin.

Axşam saatları konkret, maddi məsələlərlə bağlı işlər üçün əlverişlidir. Bacarıq və istedadınızı nümayiş etdirin. Sevdiyiniz işlərlə məşğul olmaq üçün əlverişli zamandır.

İstirahət və açıq havada gəzintiyə yetərincə vaxt ayırın.

Əqrəb - Ambisiyaların reallaşdırılması üçün müvafiq zamandır. Məqsədə çatmaq üçün effektiv vasitələrdən istifadə edin. Asan yollara üstünlük verin. Hədəfə daha tez çatmaq üçün ən əlverişli metoddan yararlanaraq rəqibləri qabaqlayın.

Günün ikinci yarısında planlarınızda dəyişikliklər edin. Təftiş və təhlilə başlaya bilərsiniz. Rasionunuza fikir verin. Səhhətinizin qeydinə qalın. İşgüzar olun, aktiv işləyin. Biliklər azdırsa, əlavə məlumatlar əldə edin.

Axşam saatlarında gəzintiyə çıxın.

Oxatan - Günün ilk yarısı uğurludur. Enerjili olun, işlərə aktiv başlayın. Cari problemləri hadisələrə təsir imkanlarına malik insanın yardımı ilə həll edin. Bilik və bacarıqlarınızdan yararlanın.

Günün ikinci yarısında kollektiv fəaliyyətdə fayda var. Sizi dəstəkləyən, yardımlarını əsirgəməyən insanlara minnətdarlıq etməyi unutmayın. Axşam saatlarında bədxərclik etməyin. Yeni işlər üçün maliyyə ehtiyatınız olmalıdır.

Normal istirahət etməyə çalışın.

Oğlaq - Günün ilk yarısı ağır fiziki əmək yox, yaradıcılıq üçün daha əlverişlidir. Özünüzə həddən ziyadə güvənsəniz, ciddi səhvlərə yol verə bilərsiniz. Vədlərə, təkliflərə, dilətutmalara aldanaraq yolunuzdan sapmayın.

Günün ikinci yarısında maliyyə məsələlərində istənilən düşünülməmiş addım, avantüra təhlükəlidir. Çox zəif, illüzor şanslara uymayın. Bahalı heç nə almayın.

Axşam saatlarına yaxın daha səbatlı, məntiqi və praktiki şanslarınız yaranacaq. Hisslərinizin etirafına tələsməyin.

Dolça - Praqmat olun. Qeyri-konstruktiv hisslərə qapılmayın. Yaxın ətrafınızdakı insanların maraqlarına zidd addım atmaq niyyətiniz varsa, yaxşıca düşünün. Maddi məsələlər münasibətlərdə sərinləşmə və fikir ayrılıqlarına səbəb ola bilər.

Günün ikinci yarısında yaşam arealında islahatlar aparmaq olar. Ödənişlərdə diqqətli olun, hesablamalarda səhvlərə yol verməyin.

Kredit götürməyin, borcları vaxtında qaytarın.

Maddi məsələlərin müzakirəsi üçün əlverişli zaman deyil.

Ehtiyatlı olun, fundamental səhvdən uzaq durun.

Balıqlar - Hadisələrin zahiri effektləri bu gün həlledici rol oynayacaq. Proseslərə süni müdaxilə etməyin. Olaylara təkana ehtiyac duyulmursa, hiperaktivlik yalnız zərər verə bilər. Başqalarının oyunlarına qatılmayın, məkrli planın qurbanına çevrilməyin.

Günün ikinci yarısında rutin prosedurlar uğurlu olacaq. Problemlərin həllinə kreativ yanaşın. Cari işlərin görülməsində yeniliklər edə bilərsiniz. Axşam saatlarına yaxın əlavə xərclər istisna deyil.

Gəzintiyə çıxmağı unutmayın.

Ölkə.Az

ŞƏRH YAZ
0
BAĞLA