\"Playboy\"un qurucusu Merilin Monronun yanında dəfn edildi
91 yaşında vəfat edən Hyu Hefner dəfn edilib.
"Ölkə.Az" xəbər verir ki, "Playboy"un qurucusu Los-Ancelesdə, aktrisa Merilin Monro ilə yanaşı basdırılıb. 1953-cü ildə Merilin Monro jurnalın üz qabığına çəkilən ilk qız olub.
Dəfn mərasimində Hefnerin dul arvadı Kristal Harris, dörd övladı və yaxınları iştirak edib. Merilin Monronun sol tərəfindəki yeri Hefner 1992-ci ildə 75 min dollara alıb. "Playboy"un keçmiş ulduzlarından olan Doroti Stratten də bu qəbirsanlıqda dəfn edilib. Doroti 1980-ci ildə əri tərəfindən qətlə yetirilib.
Üz qabığında Merilin Monronun fotosu olan "Playboy" 1953-cü ildə 70 min tirajla nəşr edilib.
Hikmət Həsənov
Ölkə.Az
