Polis bu şəxsi axtarır
Bakının “Sədərək” ticarət mərkəzində quldurluq hadisəsi baş verib. Naməlum şəxs sahibkarlardan birinin əlindən içində iri məbləğdə pulların olduğu sellofan torbanı qopararaq, ərazidən qaçıb.
"Ölkə.Az" xəbər verir ki, bu barədə 10-cu polis bölməsinə 62 yaşlı Masallı rayon sakini Nadir İsrafilov şikayət edib. O, mayın 20-də, 16:30 radələrində cinayətkarın onun əlindən içində 7,700 dollar və 34,581 manat məbləğində pul olan torbanı oğurlayaraq cinayət yerindən uzaqlaşdığını bildirib.
Oğru qaçan yerdə TM-nin müşahidə kameralarına düşüb. Hüquq-mühafizə orqanı əməkdaşları, vətəndaşların kadrlarda göstərilən cinayətkarın kimliyini müəyyən etməkdə yardım göstərməsini xahiş edir.
Bu şəxsi tanıyanların (+99455) 617 2303, (055) 626 74 94, (055) 768 41 23 və ya (+99412) 445 22 22 və ya “102” nömrələrinə zəng etməsi xahiş olunur.
Ölkə.Az
