Polis cinayətkarları uçan motosikletlərlə təqib edəcək

“Ölkə.Az” xəbər verir ki, bu barədə “RT” telekanalı məlumat yayıb. Verilən məlumata görə, Rusiyanın “HoverSurf” şirkəti Dubay polisi ilə birgə uçan elektrik motosikletini sınaqdan keçirib. Elektromotosiklet cinayətkarların təqibi və patrul xidməti üçün nəzərdə tutulub.

Motosiklet ümumilikdə 300 kq-dək yükü qaldırır. Elektromotosikletlər yerdən 28 metr hündürlüyə qalxa bilir və 70 km/s sürətlə 6 km-dək uça bilər.

Qeyd edək ki, Rusiya həmin motosikletləri bu ilin sonunda satışa çıxaracaqdı. BU tip aparatlarla ABŞ, Cənubi Koreya, Avstraliya və s. ölkələr maraqlanıb. Lakin qəfildən Dubay uçan motosikletləri almağı qərarlaşdırıb.

Ziya Səccad
Ölkə.Az