Polis özünü Kürə atmaq istəyən gənc qızı xilas etdi

Polis özünü Kürə atmaq istəyən gənc qızı xilas etdi
18:04
21.10.2017
801
Hadisə
A
Şirvan şəhərində mühafizə polisinin əməkdaşları intihara cəhdin qarşısını alıblar.

Daxili İşlər Nazirliyinin mətbuat xidmətindən "Ölkə.Az"-a verilən məlumata görə, oktyabrın 20-də saat 14.00 radələrində magistral yolun Şirvan şəhəri ərazisindən keçən hissəsindəki körpüdə xidmətdə olan Şirvan Şəhər Mühafizə Şöbəsinin əməkdaşları - polis serjantları Rəşad Əliyev və Həmid Əhmədov oradan keçənlərin arasında səssiz dayanaraq Kür çayına baxan qızın hərəkətləri şübhə doğurduğundan onu diqqətlə izləməyə başlayıblar. 

Həmin qızın qəflətən məhəccərin digər tərəfinə keçdiyini görən əməkdaşlar dərhal ona yaxınlaşıblar. Qız özünü çaya atmaq istəyib. Fikrini yayındırmaq üçün polis əməkdaşları gənc xanımı söhbətə tutublar və ani hərəkətlə onu tutaraq təhlükəsiz əraziyə çıxarıblar.  

Şirvan Şəhər Polis Şöbəsinə təhvil verilən qızın Sabirabad rayonunun Qarağac kənd sakini olduğu məlum olub. 

Faktla bağlı araşdırma aparılır.

ŞƏRH YAZ
0

Maşınlardan oğurluq edənlər tutuldu

Maşınlardan oğurluq edənlər tutuldu
19:32
Bu gün
258
Hadisə
A

Paytaxtın Nəsimi rayonu ərazisində avtomobillərdən oğurluq etməkdə şübhəli bilinən şəxslər polis əməkdaşları tərəfindən saxlanılıblar.

DİN-dən "Ölkə.Az"a verilən xəbərə görə, Nəsimi RPİ 21-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində Bakı şəhər sakini M.Səlimliyə məxsus “Mercedes” markalı avtomobilin yan güzgülərini oğurlamaqda şübhəli bilinən Bakı şəhər sakini Xanlar Hüseynov saxlanılıb. 

20-ci Polis Bölməsi əməkdaşlarının keçirdikləri tədbirlər nəticəsində isə paytaxt sakini F.Qədimovun “VAZ-2106” markalı avtomobilindən maqnitofon oğurlamaqda şübhəli bilinən Ağdaş rayon sakini Rəsul Rəhimov saxlanılıb. ​Faktlarla bağlı araşdırmalar aparılır.

ŞƏRH YAZ
0

Məktəbli oğlan sinif yoldaşını bina zirzəmisində zorladı — ŞOK HADİSƏNİN TƏFƏRRÜATLARI

Məktəbli oğlan sinif yoldaşını bina zirzəmisində zorladı
17:54
Bu gün
2141
Hadisə
A
2016-cı ildə Siyəzən rayonunda məktəbli yoldaşı ilə mütəmadi olaraq cinsi əlaqədə olan Əsgərov Mehrac Fazil oğlunun yüngül cəza alması ilə əlaqədar prokuror Ali Məhkəməyə protest verib.

 “Ölkə.Az”ın məlumatına görə, cinayət məcəlləsinin 152.2-ci (on dörd yaşına çatmayan şəxslə cinsi əlaqədə olma və ya seksual xarakterli digər hərəkətlər etmə) maddəsi ilə təqsirləndirilən Mehrac Əsgərovun məhkəmə prosesi iyul ayının 26-da hakim Əziz Seyidovun sədrliyi ilə keçiriləcək.

Xatırladaq ki, ilk məhkəmə hökmü Siyəzən Rayon Məhkəməsi tərəfindən verilib. Belə ki, Siyəzən şəhərində seksual xarakterli zorakılıq hərəkətləri törətməkdə təqsirli bilinən 2000-ci il təvəllüdlü Mehrac Əsgərovun cinayət işi üzrə məhkəmə prosesi başa çatıb.

Mehrac Əsgərov 2016-cı ilin mart-may aylarında yaşadığı Siyəzən şəhəri, H.Talıbov küçəsi, 10 nömrəli yaşayış binasının zirzəmisində 2006-cı il təvəllüdlü Rasim Əliyevə (ad və soyad şərti verilib – red.) seksual xarakterli zorakılıq hərəkətləri edib.

Rüsvay edəcəyi ilə hədələdi

Mehrac Əsgərov may ayının əvvəllərində Rasim Əliyevi aldadaraq yaşadığı binanın zirzəmisinə aparıb. Orada Rasim Əliyevə başqa bir oğlanla intim münasibətdə olmasını bildiyini xatırladaraq ona hədə-qorxu gəlib.

Bundan sonra Mehrac Əsgərov Rasim Əliyevin onunla da cinsi əlaqədə olmasını istəyib. Əvvəlcə Rasim Əliyev onunla qeyri-təbii yolla cinsi əlaqədə olmaqdan imtina edib.

Zirzəmidə cinsi əlaqə

Bu zaman Mehrac Əsgərov onunla cinsi əlaqədə olmadığı təqdirdə onun barəsində olan məlumatları yaymaqla, onu rüsvay edəcəyi ilə hədələyib.
Bundan sonra Rasim Əliyev bir dəfə onunla qeyri-təbii yolla cinsi əlaqədə olmağa razı olub. Sonra Mehrac Əsgərov onu əxlaqsız hərəkətlər etməyə vadar edib.

Zorakılıq

Daha sonra mayın ortalarında Mehrac Əsgərov Rasim Əliyevi yenə də məcburi şəkildə həmin zirzəmiyə gətirib. Orada zorla Rasim Əliyevlə cinsi əlaqədə olandan sonra Mehrac ona daim cinsi əlaqədə olacağını deyib.

Şantaj

Bundan sonra növbəti dəfə Mehrac Əsgərov Rasim Əliyevi həmin zirzəmiyə çağırsa da, o, gəlməkdən imtina edib. Bu zaman Mehrac Əsgərov onu hədələməyə başlayıb.

Mehrac Əsgərov ona deyib ki, onunla cinsi əlaqədə olan zaman telefonuna video çəkiliş edib. Mehrac Əsgərov onun bu videosunu sosial şəbəkədə yayacağı ilə hədələyib.

Mehrac Əsgərovun hədələrinə baxmayaraq, Rasim Əliyev onun dediyi yerə gəlməyib. Vəziyyətin belə yarandığını görən Mehrac Əsgərov Rasim Əliyevin şəkilini Vatsap sosial şəbəkəsinə qoyaraq, ona fikrinin tam ciddi olmasını sübut etməyə çalışıb.

Şantajla görüşmək

Daha sonra Mehrac Əsgərov Rasim Əliyevə şəkilini Vatsapa qoyduğunu deyib. Belə olan halda Rasim Əliyev yenə də onunla görüşüb.
Bu onların son görüşü olub. Rasim Əliyevin hüquq-mühafizə orqanlarına şikayət etməsindən sonra Mehrac Əliyev həbs edilib.

Seksual ittiham və şərti cəza

İstintaq orqanı tərəfindən Mehrac Əsgərovun barəsində Cinayət Məcəlləsinin 152.2-ci (on dörd yaşına çatmayan şəxslə cinsi əlaqədə olma və ya seksual xarakterli digər hərəkətlər etmə) maddəsi ilə ittiham elan edilib.

Siyəzən rayon Məhkəməsinin hökmü ilə Mehrac Əsgərovun barəsində Cinayət Məcəlləsinin 70-ci (şərti məhkum etmə) maddəsi tətbiq edilib. O, 3 il sınaq müddəti olmaqla 4 il şərti cəza alıb və məhkəmə zalından azadlığa buraxılıb.

Hökmdən narazı qalan prokuror apelyasiya protesti verib. Prokuror Mehrac Əsgərovun 4 il müddətinə azadlıqdan məhrum edilməsini tələb edib.

Prokuror şikayət etdi, iş geri qaytarıldı

Həmçinin Mehrac Əsgərov da apelyasiya şikayəti verib. O, barəsində olan hökmün dəyişdirilməsini, ona daha yüngül cəza verilməsini istəyib.

Sumqayıt Apellyasiya Məhkəməsinin qərarı ilə həm prokurorun protesti, həm də təqsirləndirilən şəxsin apelyasiya şikayəti təmin edilməyib.

Bu qərardan narazı qalan prokuror kassasiya protesti verib. Prokurorun protestinə Ali Məhkəmədə hakim İnqilab Nəsirovun sədrlik etdiyi kollegiyada baxılıb.
Hakim heyəti prokurorun protestini təmin edib və Sumqayıt Apelyasiya Məhkəməsinin qərarı ləğv edilib, işin yenidən apelyasiya instansiyasında araşdırılması barədə qərar qəbul olunub.

Hökm yenə də dəyişmədi

Bu səbəbdən Mehrac Əsgərovun barəsində olan cinayət işi yenidən Sumqayıt Apellyasiya Məhkəməsinə qaytarılıb. Hakim Fərmayıl Zeynallının sədrliyi ilə baş tutan iclasda apelyasiya şikayəti və apelyasiya protestinin dəlilləri araşdırılıb.

Hakim heyəti yenə də apellyasiya şikayəti və protestinin təmin edilməməsi barədə qərar çıxarıb.

Qeyd edək ki, həm təqsirləndirilən şəxs, həm də zərərçəkmiş orta məktəbin şagirdi olublar.

ŞƏRH YAZ
0
BAĞLA