Polis Qusarda 50 palıd ağacını kəsən şəxsləri tutdu
"Ölkə.Az"-ın əldə etdiyi məlumata görə, Qusar Rayon Polis Şöbəsinin Şahdağ Polis Bölməsinin əməkdaşları tərəfindən keçirilən əməliyyat tədbirləri nəticəsində yaşıllıqları məhv edərək ziyan vuran Qusar rayon sakinləri Rövşən Xudaverdiyev və Qurban Ərzimanov tutulublar.
Polislər R.Xudaverdiyevin idarə etdiyi yük avtomobilinə baxış keçirərkən qeyd edilən palıd ağaclarının odunları aşkar olunaraq maddi sübut kimi götürülüb.
Saxlanılan şəxslərin ətraflarında həyata keçirilən istintaq-əməliyyat tədbirləri zamanı saxlanılan şəxslərə Əniğ meşəsində qanunsuz ağac kəsməyə icazə verən dəstənin digər üzvü - Qusar Rayon Meşə Mühafizə və Bərpa Müəssisənin meşə gözətçisi (meşəbəyi) Cabir Zərbəliyev də polislər tərəfindən şübhəli şəxs qismində saxlanılıb.
Qeyd edilən faktla bağlı Şahdağ Polis Bölməsində təhqiqat araşdırmaları başlanılıb, araşdırmalar davam etdirilir. Təbiətə ziyan vuran digər şəxslərin də müəyyən edilməsi istiqamətində əməliyyat-axtarış tədbirləri davam etdirilir.
Ölkə.Az
