Polisə şikayət edən arvadını və 35 günlük körpəsini amansızlıqla qətlə yetirdi — MƏHKƏMƏ

Polisə şikayət edən arvadını və 35 günlük körpəsini amansızlıqla qətlə yetirdi
15:27
21.02.2018
3905
Ölkə
A
Daşkəsən rayonunda arvadını və 35 günlük körpəsinin xüsusi amansızlıqla öldürməkdə təqsirli bilinən 1979-ci il təbvəllüdlü 39 yaşlı Raqif Ələkbərovun cinayət işi üzrə məhkəmə prosesi başlayıb.

“Ölkə.Az” xəbər verir ki, bu gün Gəncə Ağır Cinayətlər Məhkəməsində hakim Faiq Mahmudovun sədrliyi ilə baş tutan prosesdə prokuror ittiham aktını elan edib.

İttihama görə, Raqif Ələkbərov həyat yoldaşı Kamilə Məmmədovanı və yenicə doğulmuş körpəsini xüsusi amansızlıqla qətlə yetirib.
Hadisə 2017-ci il iyunun 20-də axşam saatlarında Daşkəsən rayonunun Şahvələdli kəndində baş verib. Sərxoş vəziyyətdə arvadı ilə mübahisə edən Raqif Ələkbərov onu özünə məxsus tərzdə cəzalandırmaq qərarına gəlib. 

Buna səbəb isə mütəmadi olaraq əri tərəfindən döyülən qadının ondan polisə şikayət etməsi olub. Arvadının şikayəti əsasında inzibati qaydada məsuliyyətə cəlb edilərək 500 manat cərimə olunmasını Rafiq Ələkbərov Kamilə Məmmədovaya bağışlamayıb. O, qadından qisas almaq üçün onu və körpə qızını öldürmək fikrinə düşüb.

Kamilənin başına yumruqla çoxsaylı zərbələr endirən Raqif Ələkbərov dəmir zənciri onun boğaz nahiyəsinə keçirərək it üçün nəzərdə tutulmuş qalın məftilə bağlayıb, bir müddət onu torpağa uzanıqlı vəziyyətdə saxlayıb. 

Rafiq Ələkbərovun bununla ürəyi soyumayıb. Qadını sürüyərək evə gətirib və taxta parçasıyla döyməyə davam edib.  Raqif Ələkbərov Kamilə ilə birgə onun qucağındakı 35 günlük körpəsini də döyüb. 

Raqif Ələkbərov ana və balanın öldüyünə əmin olduqdan sonra isə hadisə yerini tərk edərək qaçıb. Daşkəsən rayon polis şöbəsi əməkdaşlarının keçirdiyi əməliyyat nəticəsində Raqif Ələkbərov hadisədən bir gün sonra həbs edilib. 

Bu dəhşətli mənzərə Kamilə Məmmədovanın birinci nikahdan olan 5 yaşlı qızı Fatiməningözləri önündə baş verib.

Qeyd edək ki, əvvəllər məhkumluq həyatı yaşayan Raqif Ələkbərov rəsmi və qeyri-rəsmi 5 dəfə ailə qurub. Bundan öncə həbsə düşməsinə səbəb də ailə münaqişələri olub. Həyat yoldaşları tez-tez evdə dava salan Raqif Ələkbərovla bağlı polisə şikayət ediblər.

Raqif Ələkbərova Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla adam öldürmə), 120.2.7-ci (iki və ya daha çox şəxsi öldürmə) və 120.2.9-cu (təqsirkar şəxs üçün aşkar surətdə köməksiz vəziyyətdə olan adamı öldürmə, habelə adam oğurluğu və ya girov götürülməsi ilə bağlı adam öldürmə) maddələri ilə ittiham elan edilib. 

Məhkəmədə ifadə verən Raqif Ələkbərov özünü qismən təqsirli bilib. O, deyib ki, arvadını onun sözünə qulaq asmadığı və evdən qaçdığı üçün öldürüb: “Kamilə sözümə baxmırdı. Bir deyirdim, iki cavab verirdi. Hər dəfə mübahisəmiz olanda evdən qaçırdı. Qaçdığına görə məndə məcbur olaraq onu döyürdüm. Onu döyəndə hər dəfə içki içirdim. Sərxoş olub o dərəcəyə çatırdım ki, bunu öldürəcəm, vuracam deyirdim. Özüm-özümə danışırdım. Hamı mənə dəli kimi baxırdı”. 

Qeyd edək ki, qətli törədən Raqif Ələkbərovun atası Əliş Ələkbərov illər öncə öz dogma qardaşını öldürüb.

 

ŞƏRH YAZ
0

“Atatürk parkındakı şərait heç kimi qane etmirdi” — İcra Hakimiyyəti

“Atatürk parkındakı şərait heç kimi qane etmirdi”
15:50
Bu gün
675
Ölkə
A
Xəbər verildiyi kimi artıq iki gündür ki, paytaxtın Nərimanov rayonundakı Atatürk prospektində yerləşən eyni adlı parkda təmir-yenidənqurma işləri aparılır.

Bakı Şəhər İcra Hakimiyyətinin Mətbuat Xidmətindən “Ölkə.Az”a verilən məlumata görə böyük şəxsiyyət Mustafa Kamal Atatürkün adını daşıyan bu parkdakı şərait və vəziyyət günün tələblərinə uyğun deyildi və heç kimi qane etmirdi. Parkin vəziyyəti ilə bağlı ətraf ərazılərdə yaşayan vətəndaşlardan haqlı narazıliq və iradlar daxıl olurdu. 

 Bununla əlaqədar Bakı Şəhər İcra Hakimiyyəti və Nərimanov Rayon İcra Hakimiyyəti ilə birgə parkın əsaslı təmiri və yeniqənqurulması ilə bağlı vətəndaşların istək və arzuları nəzərə alınmaqla yeni layihə sənədləri hazırlanması qəqara alınıb. Hazırda parkda təmizlik və yenidənqurmaya hazırlıq işlərinə başlanıb. Yalnız  müvəqqəti və qeyri qanuni fəaliyyət göstərən, günün tələblərinə uyğun olmayan, parkda antisanitariya şəraiti yaradan obyeklər sökülüb, rəsmi mülkiyyət sənədləri olan digər obyeklərin sahiblərinə isə müvafiq yenidənqurmalar aparılması tövsiyə olunub. 

Yeni layihə əsasında parkda vətəndaşların istirahəti üçün lazımı şərait yaradılacaq, uşaqlar üçün əyləncə qurğuları quraşdırılacaq və yenidənqurma işlərinin qısa müddətdə başa çatdırılaraq buranın sakinlərin ixtiyarına verılməsi nəzərdə tutulmuşdur.

Ölkə.Az

ŞƏRH YAZ
0

Leyla Əliyeva Heydər Əliyevi yad etdi — VİDEO

Leyla Əliyeva Heydər Əliyevi yad etdi
15:37
Bu gün
1672
Ölkə
A
Bu gün Azərbaycan xalqının ümummilli lideri Heydər Əliyevin vəfatının ildönümüdür.

 “Ölkə.Az” xəbər verir ki, dahi şəxsiyyətin anım günündə bir sıra insanlar onun xatirəsini yad ediblər. Azərbaycan Respublikası Prezidentinin qızı, Heydər Əliyev Fondunun vitse-prezidenti, "Bakı” jurnalının baş redaktoru Leyla Əliyeva Heydər Əliyevin vəfatı ilə bağlı İnstaqram səhifəsində paylaşım edib.

Video çarx Heydər Əliyevin xatirə kadrlarından ibarətdir.

 
 
 
 
 
 
 
 
 
 
 
 
 
 
 
 

Official page of Leyla Aliyeva (@leyla999)'in paylaştığı bir gönderi (11 Ara, 2018, 11:20öö PST)

Ölkə.Az

 

ŞƏRH YAZ
0
BAĞLA