Polisə tabe olmayan qardaşların avtomobilindən avtomat çıxdı

Polisə tabe olmayan qardaşların avtomobilindən avtomat çıxdı
16:58
11.07.2019
981
Hadisə
A
Bakı-Qazax magistral yolunun Şəmkir rayonundan keçən hissəsində hərəkətdə olan avtomobildən silah-sursat aşkar edilib.

"Ölkə.Az" xəbər verir ki, iyulun 10-da saat 12 radələrində Bakı-Qazax yolunun 380-ci kilometrliyində - Şəmkir rayonu ərazisində “BMW” markalı avtomobilin sürücüsü yol hərəkəti qaydalarını pozduğu üçün Baş Dövlət Yol Polisi İdarəsinin stasionar postunda ona “Saxla” işarəsi verilib. 
Lakin nəqliyyat vasitəsinin sahibi tabeçilik göstərməyərək hərəkətə davam edib.

Yol Patrul Xidmətinin əməkdaşları tərəfindən həmin avtomobil Könüllü kəndi ərazisində məcburi qaydada dayandırılıb.

Sənədlərini təqdim etmək tələb olunarkən sürücü və sərnişinin şübhəli davranışları, həyəcanlı halda olmaları yol polisi əməkdaşlarının diqqətindən yayınmayıb.

Avtomobilə baxış zamanı onların bu gərginliyini səbəbi məlum olub.

Belə ki, yük yerinə baxış zamanı oradan “AKM” markalı silah və 1 ədəd patron darağı aşkar edilərək götürülüb.

Nəqliyyat vasitəsinin sürücüsü, Gəncə şəhər sakini A.Hüseynov və sərnişini olan qardaşı H.Hüseynov saxlanılaraq aidiyyəti üzrə təhvil verilib.

Faktla bağlı araşdırma aparılır. 

Natiq Allahverdiyev
Ölkə.Az

ŞƏRH YAZ
0

Azərbaycanda 81 yaşlı kişi 70 yaşlı arvadını axtarır

Azərbaycanda 81 yaşlı kişi 70 yaşlı arvadını axtarır
11:52
Bu gün
283
Hadisə
A
Bakıda 70 yaşlı qadın itkin düşüb.

"Ölkə.Az"ın məlumatına görə, paytaxtın Xətai rayonu, Gənc prospektində yaşayan 1949-cü il təvəllüdlü Hafizə Məşi qızı Nəzərli ayın 18-i, saat 09:00 radələrində evdən çıxıb və bir daha geri qayıtmayıb.

Bu barədə hüquq-mühafizə orqanlarına onun həyat yoldaşı, 1938-ci il təvəllüdlü Vəliəddin Şamil oğlu Qəribov məlumat verib.

Faktla bağlı araşdırma aparılır.

ŞƏRH YAZ
0

Ruhi xəstə qohumunu öldürüb, özünə qəsd etdi — BAKIDA DƏHŞƏTLİ QƏTL

Ruhi xəstə qohumunu öldürüb, özünə qəsd etdi
10:59
Bu gün
596
Hadisə
A
Sabunçu rayonunda qətl hadisəsi baş verib.

"Ölkə.Az"APA-ya istinadən xəbər verir ki,  hadisə paytaxtın Sabunçu rayonu Bilgəh qəsəbəsində qeydə alınıb.

Qəsəbə sakini, ruhi xəstə, 1957-ci il təvəllüdlü Sərvər Rzayev qohumu və qonşusu, 1977-ci il təvəllüdlü Abbasov Zakir Akif oğlunu bıçaqla qətlə yetirib. O, daha sonra evinin yaxınlığındakı transformator kabinəsinə daxil olaraq yüksək gərginlikli elektrik xəttinə toxunaraq intihar edib.

Faktla bağlı Sabunçu rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb.

Ölkə.Az

 

ŞƏRH YAZ
0
BAĞLA