Polşa Azərbaycanda ticarət nümayəndəliyini açacaq

Polşa Azərbaycanda ticarət nümayəndəliyini açacaq
22:05
07.07.2018
663
İqtisadiyyat
A
Polşa 2018-ci ildə Azərbaycanda ticarət nümayəndəliyini açmaq niyyətindədir.

"Ölkə.Az" xəbər verir ki, bu barədə Trend-ə Polşanın Xarici İşlər naziri Yaçek Kşiştof Çaputoviç müsahibəsində bildirib.

Bu il biz Bakıda ticərət nümayəndəliyinin ofisini açmağı planlaşdırırıq. Bu Polşa İnvestisiya və Ticarət Təşkilatı (PAIH) nəzdində fəaliyyət göstərən filial olacaq. Mən əminəm ki, bu ticarət nümayəndəliyi ticarət və qarşılıqlı investisiyaların daha da artmasına təkan verəcəkdir ", - nazir deyib.

Çaputoviç qeyd edib ki, Azərbaycan Cənubi Qafqaz regionunda Polşanın çox vacib iqtisadi tərəfdaşıdır.

Nazirin sözlərinə görə, Polşa kənd təsərrüfatı, nəqliyyat, kimya sənayesi, informasiya texnologiyaları, gəmiqayırma, turizm və kiçik elektronika kimi sahələrdə Azərbaycanla əməkdaşlığın inkişafına diqqət yetirməyi planlaşdırır.

ŞƏRH YAZ
0

Banklara qoyulan depozit əmanətlərin sığortalanması müddəti artırılır

Banklara qoyulan depozit əmanətlərin sığortalanması müddəti artırılır
09:50
Bu gün
399
İqtisadiyyat
A
Azərbaycanda əhalinin banklara depozit qoymasını stimullaşdırmaq üçün bütün qorunan əmanətlərin sığortalanması müddəti artırılır.

“Ölkə.Az” Trend-ə istinadən xəbər verir ki, bununla bağlı "Əmanətlərin sığortalanması haqqında" qanuna dəyişikliklər edilib.

Bu dəyişikliklərə əsasən, Əmanətlərin Sığortalanması Fondunun Himayəçilik Şurası tərəfindən əmanətlər üzrə müəyyən edilmiş illik faiz dərəcəsi həddində olan bütün qorunan əmanətlər məbləğindən asılı olmayaraq bank fəaliyyətinin həyata keçirilməsi üçün xüsusi razılığa (lisenziyaya) malik olan Fondun iştirakçı bankları tərəfindən 4 il müddətində tam sığortalanacaq. Mövcud qanunda isə bu müddət 3 ildir.

2016-cı il 4 mart tarixindən qüvvədə olan "Əmanətlərin sığortalanması haqqında" qanunun müddəti 2019-cu ilin martın 4-də bitir. Qanunun qüvvədə olma müddətinin bir il uzadılması bank sektorunun dəstəklənməsinə, bu sahədə dövlətin üzərinə ciddi öhdəliklər götürməsinə, nəticədə isə əhalinin banklara depozit qoymasının stimullaşdırılmasına xidmət edəcək.

Ölkə.Az

ŞƏRH YAZ
0

Neftimiz bahalaşdı

Neftimiz bahalaşdı
17:05
16.02.2019
968
İqtisadiyyat
A
Azərbaycan neftinin qiyməti bahalaşıb. Son məlumatlara əsasən, “Azeri Light” markalı neftin bir barrelinin qiyməti 1,9 dollar artaraq 68,06 dollar təşkil edib.

"Ölkə.Az" xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 1,68 dollar artaraq 66,25 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 1,18 dollar bahalaşaraq 55,59 dollar olub. 

Ölkə.Az

ŞƏRH YAZ
0
BAĞLA