Polşa Seneqala məğlub oldu
Rusiyada keçirilən futbol üzrə Dünya Çempionatının qrup mərhələsinin ilk turu davam edir.
"Ölkə.Az" xəbər verir ki, "H" qrupu çərçivəsində baş tutan ikinci matç Polşa və Seneqal komandaları arasında keçirilib. Bununla da qrup mərhələsinin ilk turu başa çatıb.
Oyun seneqallıların 2-1 hesablı qələbəsi ilə yekunlaşıb. Matçda hesabı polşalı müdafiəçi açıb. Öz qapısına avtoqolla fərqlənən Tiaqo Sionek Seneqalı hesabda irəli çıxarıb. Seneqallıların ikinci qolunu Polşa komandasının kobud səhvindən sonra 60-cı dəqiqədə Mbaye Nianq vurub.
Polşa komandası oyunda yeganə qolunu isə 86-cı dəqiqədə vurub. Qjeqoj Krıxovyak fərqlənib.
Bildirək ki, qrup mərhələsinin 2-ci turunun ilk matçı bu gün Bakı vaxtı ilə saat 22:00-da Rusiya və Misir komandaları arasında baş tutacaq.
Ölkə.Az
