Pompey sakinləri Vezuvi vulkanı zamanı necə həlak olub? — YENİ FAKTLAR

Pompey sakinləri Vezuvi vulkanı zamanı necə həlak olub?
14:31
10.10.2018
3379
Dünya
A
İtaliyanın bir qrup arxeoloqu eramızın 79-cu ilində baş verən Vezuvi vulkanı ilə bağlı yeni tədqiqat aparıblar.

“Ölkə.Az” xəbər verir ki, Pompey sakinlərinin qalıqları yenidən tədqiq olunub və onların bir çoxunun başının partladığı üzə çıxıb. Nəticələr “Plos One” elmi jurnalında dərc edilib.

Vezuvi vulkanı tarixin ən dəhşətli fəlakətlərindən biri sayılır. İki gün ərzində Pompey, Qerkulanum və Stabiya şəhərləri məhv olub.

Alimlər Qerkulanum şəhərində həlak olanların sümüklərini tədqiq ediblər. Məlum olub ki, qədim şəhərin sakinləri qəflətən həlak olublar. Kəllə sümüklərinin daxilində qırmızı və qara rəngli qalıqlar. Kimyəvi analizlər göstərib ki, bu rənglərin tərkibində dəmir və oksid var. Alimlərin fikrinə əsasən isə bu kəşf sübut edir ki, insanların qanı bir anda qaynayıb və buxara çevrilib:

“Bu effekt anidən yaranan yüksək tempratur və beyindaxili təzyiqdən yaranır. Bu zaman beyin qaynayır və kəllə sümüyü partlayır”, - deyə alimlər qeyd ediblər.

Bundan başqa tədqiqatçılar bildiriblər ki, vulkan püskürməsi zamanı şəhərin bir çox sakini lavadan qaçmağa cəhd ediblər. Lavada isə tempratur 200-500 dərəcə arası olub. Amma heç kəs bu fəlakətdən qurtula bilməyib.

Hikmət Həsənov
Ölkə.Az

ŞƏRH YAZ
0

İran “qara qutu”ları Ukraynaya göndərir

İran “qara qutu”ları Ukraynaya göndərir
22:36
Bu gün
112
Dünya
A
İran Tehran üzərində vurulan Ukrayna təyyarəsinin “qara qutu”larının deşifrə edilməsinin mümkünsüzlüyünü etiraf edərək onları rəsmi Kiyevə verməyə razı olub.

"Ölkə.Az" qafqazinfo-ya istinadən xəbər verir ki, İranın Mülki Aviasiya Təşkilatının hadisələrin araşdırılması şöbəsinin müdiri Həsən Rezayefar uçuş qeydlərinin ölkənin istəyinə uyğun olaraq Ukraynaya göndəriləcəyini açıqlayıb.

Kiyev Fransa, Kanada və ABŞ-dan olan mütəxəssislərin köməyi ilə “qara qutu”ları deşifrə etməyə çalışacaq, nəticə əldə etməsə, Parisə göndərəcək.

Qeyd edək ki, Kiyev yanvarın 15-də İrana sorğu göndərərək uçuş qeydlərinin düzgün şifrələnməsini təmin etmək üçün bütün tədbirlərin görüldüyünü bildirib.

Xatırladaq ki, “Ukrayna Beynəlxalq Hava Yolları” aviaşirkətinə məxsus “Boeing 737” təyyarəsi yanvarın 8-də Tehrandan havaya qalxdıqdan iki dəqiqə sonra vurulub. Göyərtədəki 176 nəfərin hamısı ölüb.

Rəsmi Tehran təyyarənin səhvən İran hərbi qüvvələri tərəfindən vurulduğunu açıqlayıb.

Ölkə.Az

ŞƏRH YAZ
0

Dünyanın ən varlılarının siyahısında lider dəyişdi

Dünyanın ən varlılarının siyahısında lider dəyişdi
22:18
Bu gün
216
Dünya
A
Fransanın LVMH (Moet Hennessy - Louis Vuitton) kompaniyasının başçısı Bernar Arno dünyanın ən varlı şəxslərinin reytinqində Amazon şirkətinin qurucusu Ceff Bezosu üstələyərək birinci yerə yüksəlib.

“Ölkə.Az” azərtac-a istinadən xəbər verir ki, Arnonun uğuru ona məxsus kompaniyanın səhmlərinin 0,7 faiz bahalaşması ilə izah olunur.

Bu, ona 1,9 milyard gəlir gətirib. Amazonun səhmləri isə cümə günü keçirilən hərracda 0,7 faiz ucuzlaşıb ki, nəticədə Bezos 760 milyon dollar itirib.

Hazırda Arnonun varidatı 117 milyard dollar, Bezosun varidatı 115,6 milyard dollar təşkil edir.

Ölkə.Az

ŞƏRH YAZ
0
BAĞLA