Pornoaktrisa olmaq istəyən qızını öldürdü — Həbsə düşdü

Pornoaktrisa olmaq istəyən qızını öldürdü
21:18
08.09.2019
4728
Dünya
A
Böyük Britaniyada yaşayan əfqan əsilli iki kişi həbs olunub.

"Ölkə.Az" oxu.az-a istinadla bildirir ki, bu iki dostdan birinin qızı pornoaktrisa olmaq qərarına gəlib. Onlar bu "utancdan qurtulmaq üçün" qızı öldürməyi planlaşdırıblar. 

54 yaşlı Məhəmməd Patman və dostu 49 yaşlı Darya Xan Səfi uzun müddət Patmanın 25 yaşlı qızını həyatını internet vasitəsilə izləyiblər. 2017-ci ildə qız iudaizmi qəbul edib və Avstriyaya, erotik şəkil və pornofilmlər çəkən ərinin yanına köçüb. 

Polis uzun müddət qətl planı üzərində işləyən kişiləri nəzarətdə saxlayıb: onlar qızın iş yerinə - Slovakiyaya qədər maşınla getməyi qərara alıblar. Onlar bu məqsədlə avtomobilin texniki vəziyyətini və ehtiyat üçün əlavə təkərlər almağı müzakirə edirmişlər. 

Əfqanların qətl planı barədə məlumatı polis slovakiyalı həmkarlarından alıb. Hər iki şübhəli şəxsin altı övlaldı var, onlar uzun illərdir ki, Böyük Britaniyada yaşayırlar. Vaxtilə Əfqanıstandakı Britaniya qoşunlarına yardım göstərdikləri üçün onlara bu ölkədə yaşamaq hüququ verilib. İndi onları, yəqin ki, vətənlərinə ekstradisiya edəcəklər.

Ölkə.Az

ŞƏRH YAZ
0

Türkiyədə baş vermiş zəlzələ — 31 nəfər ölüb, 1500-dən çox yaralı var

Türkiyədə baş vermiş zəlzələ
12:18
Bu gün
331
Dünya
A
İndiyə qədər Elazığda baş verən zəlzələ nəticəsində 31 nəfər həlak olub, 1,5 mindən artıq insan yaralanıb.

"Ölkə.Az" Türkiyə mətbuatına istinadən məlumat verir ki, bunu Türkiyə Prezidenti Rəcəb Tayyib Ərdoğan deyib.

T.Ərdoğan bildirib: "İndiyə qədər zəlzələ nəticəsində 31 nəfər həlak olub, 1607 nəfər isə xəsarət alıb. Lazım olan hər şey təbii fəlakət zonasına çatdırılıb. Dövlət vətəndaşlara hər cür kömək göstərir".

Onun sözlərinə görə, 45 nəfər dağıntılar altından xilas edilib: "Zəlzələ nəticəsində dağılan və zərər görən evlərə dəyən ziyanın qiymətləndirilməsi üzrə işlər bitdikdən sonra bərpa işləri başlayacaq. Hazırda 3 nazirimiz, millət vəkillərimiz oradadır. Onlar komandaları ilə birlikdə dəyən ziyanın qiymətləndirmə işlərini davam etdirirlər".

Qeyd edək ki, yanvarın 24-ü Türkiyənin Elazığ əyalətinin Sivricə rayonunda 6.8 bal gücündə zəlzələ baş verib. Zəlzələ yerli vaxtla saat 20:55-də qeydə alınıb.

ŞƏRH YAZ
0

Çində koronavirusa yoluxanların sayı 2 minə çatdı — Ölənlərin sayı da sürətlə artır

Çində koronavirusa yoluxanların sayı 2 minə çatdı
10:12
Bu gün
913
Dünya
A
Çində yeni bir növ koronavirusun səbəb olduğu pnevmoniya ilə təsdiqlənmiş yoluxma hallarının sayı 1975-ə çatıb, ölənlərin sayı 56-ya qədər yüksəlib.

"Ölkə.Az" bildirir ki, bu barədə Çinin Dövlət Səhiyyə İşləri üzrə Komitəsi bildirib.

Məlumata əsasən, 324 xəstənin vəziyyəti ağır olaraq qiymətləndirilib.

Bildirilib ki, təxminən 2,7 min insan virusa yoluxmuş ola bilər, ancaq onların diaqnozu hələ təsdiqlənməmişdir.

Çində təxminən 21,5 min insan yoluxmuş insanlarla yaxın təmasda olub və həkimlərin nəzarəti altındadır.

ŞƏRH YAZ
0
BAĞLA