KORONAVİRUSA YOLUXANLARIN SAYI - CANLI STATİSTİKA

Pornoçarxı yayılan azərbaycanlı model danışdı — Düşmənləri yayıbmış

Pornoçarxı yayılan azərbaycanlı model danışdı
17:48
15.12.2019
41592
Maqazin
A
Azərbaycanlı model və müğənni Ramina Abbasova bu dəfə öz layihələri ilə deyil, pornoçarxı ilə müzakirələrə səbəb olub. Çarx təkcə məşhur pornosaytda yox, həm də sosial şəbəkələrdə yayılıb. Videoda göstərilib ki, kadrlarda Abbasova çəkilib.

"Ölkə.Az" bildirir ki, model özü Sputnik Azərbaycan-a müsahibəsində bütün bu söz-söhbətləri təkzib edib. Bununla yanaşı, model etiraf edib ki, həmin videoçarxla bağlı olanları unutmaq istəyir.

Onun etirafına görə, sosial şəbəkələrdə və müxtəlif saytlarda tez-tez məşhur şəxslərin əks olunduğu feyk videolar yayılır. Ona görə də, o özü bu çarxı sakit qarşılayıb.

"İşdə olarkən mənə bu barədə xəbər verdilər. Əvvəl çox qəzəbləndim, sonra sakitləşdim. Çarxda qızın sifəti və saçının rəngi göstərilmir. Başa düşmürəm, necə kimsə yaza bilər ki, bu, mənəm? Bunu ancaq başqalarının uğurunu həzm edə bilməyən paxıl adamlar edə bilər. Onlar görəndə ki, sən irəli gedirsən, o saat başlayırlar sənin haqqında müxtəlif neqativ şeylər uydurmağa", - deyə Abbasova bildirib.

O, bu çarxı yayanı tapa bilməyib, çünki həmin video viruslu olub və hazırda ona hər yerdə, hətta pornosaytlarda belə baxmaq mümkündür. Abbasovanın dediyinə görə, onun çoxlu düşmənləri var. Ola bilsin, bunu da vaxtilə birlikdə işlədiyi düşmənlərindən biri edib. Ona görə də model konkret ad çəkə bilmir.

"Mənim üçün ailəmin bunu necə qarşılayacağı vacib idi və onlar məni dəstəklədilər. Mən elə sahədə çalışıram ki, qısqanc, paxıllığımı çəkən insanlardan nə desən gözləmək mümkündür. Anam bunu yaxşı başa düşür. Əlbəttə, bütün bu söz-söhbətlər ailəm üçün xoş deyil, amma onlar məni dəstəkləyirlər və bilirlər ki, heç vaxt elə iş tutmaram. Güclü olmayan insan üçün bütün bunları yaşamaq çox çətindir. Amma artıq hər şey arxada qalıb. Mən bu çarxı unutmaq istəyirəm", - deyə Abbasova əlavə edib.

Model bundan sonra ruhdan düşmək niyyətində deyil, əksinə, irəliyə doğru addımlamaq niyyətindədir. Hazırda o, bir çox layihələrdə iştirak edir. Özü də təkcə model kimi fəaliyyət göstərmir, həm də öz mahnılarını yazdırır. Abbasova əmindir ki, gələcəkdə də belə feyk videolarla qarşılaşacaq, amma bütün bunlar onu sındıra bilməyəcək.

ŞƏRH YAZ
0

“Sosiskanı oğlumuza yedizdirirdik, özümüz ac qalırdıq” — Brilliant

“Sosiskanı oğlumuza yedizdirirdik, özümüz ac qalırdıq”
10:52
Bu gün
1589
Maqazin
A
“Bizim mədəniyyətimiz ailə təməlləri üzərində qurulub. Ayrılmalar çoxalıb, bu, dünyanın bəlasıdır. İnsanlar öz yarlarını düzgün seçmirlər, tələsirlər. Əgər xasiyyətləri tutmursa, ayrılsalar yaxşıdır”.

"Ölkə.Az" qafqazinfo-ya istinadən xəbər verir ki, bu sözləri Xalq artisti Brilliant Dadaşova “5-də 5” proqramında qonaq olarkən deyib.

Sənətçi ailəsindən söhbət açaraq, həyat yoldaşı Ədalət Hacıyevlə çətin günlər yaşadığını qeyd edib: “Ədalət müəllimlə bir-birimizə çox bənzəyirik.1985-ci ildə tanış olmuşuq, o vaxtdan bu yana əl-ələ davam etmişik. Pulsuz anlarımız olub.

O vaxtlar paketin içində preslənmiş beş ədəd sosiska satırdılar. Onu ancaq uşağımıza verirdik, biz yemirdik. Çünki ev almışdıq, onu ödəməyə çalışırdıq. Çətinlik hər bir ailədə olub. Gənc ailə idik, hərc-mərclik zamanında yaşayırdıq. Yoldaşım Rus Dram Teatrının direktor müavini vəzifəsində çalışırdı. O dövrdə heç fikir vermirdi”.

Xalq artisti daha sonra “bu sənətdən uzaqlaşmaq istəmisiniz?” sualına belə rəy verib: “İndiki vaxtda ağzına gələni danışan, şər-böhtan var. Hər interneti olanın əlində televiziyası var. Orada da senzura yox. Tərbiyəni insan evdə almalıdır. Əgər yoxdursa, biz o tərbiyəni verə bilmərik. Bəzən bunları görüb düşünürəm ki, bəlkə daha oxumayım.

Amma bunun müqabilində musiqini sevən tamaşaçı var. Onlar üçün yaşamağa dəyər. Fikirləşirəm ki, həyatımızın mənası oldu. Nəsə edə bildik bu həyatda”.

Ölkə.Az

ŞƏRH YAZ
0

“Gündəmdə qalmaq üçün abırından, mənəviyyatından keçənlər var” — Xalq artisti

“Gündəmdə qalmaq üçün abırından, mənəviyyatından keçənlər var”
09:15
Bu gün
1441
Maqazin
A
“Müğənnilər psixoloq olmalıdır. Özünə vurğun olmayan müğənni psixoloqdur. Həyat devizim : “Heç kimə inanma”. Bu həm də özümə olan əmrimdir”.

"Ölkə.Az" xəbər verir ki, bu sözləri Xalq artisti Flora Kərimova “Xəzər” televiziyasında yayımlanan “X maqazin” proqramına verdiyi müsahibədə deyib.

Xalqın sevilən sənətkarı qisasçı olduğunu bildirib:

“Şirin dilə, komplimentə inanma. Səni söyəni sona kimi qov, divara dirə. Bir sözlə, əgər onları cəmləşdirsəm, belə çıxır ki, qisas alanam. Bəli, bu belədir”

F.Kərimova həmkarlarına dayaq olduğunu söyləyib:

“Müğənnilərə arxayam. Heç kimi qapımdan peşman qaytarmamağa çalışmışam. Elə adamlar olub ki, yalan danışıblar. Elə adamlar olub ki, hər şeydən keçib, mənəviyyat deyilən sözün fərqinə, çəkisinə varmayaraq gözünü yumub, ağızlarını açıblar”.

“Çörəyimin duzu yoxdur” deyən Xalq artisti xoşbəxt ana olduğunu söyləyib:

“Lakin əlimin duzu ilə böyüyən övladlarım var. İndi mənə sual verəndə ki, “xoşbəxtsiniz?” deyirəm ki, ana kimi xoşbəxtəm, lakin bir vətəndaş kimi sınığam”.

Taleyinin üzünə gülməyən zamanların olduğunu bildirən 79 yaşlı F.Kərimova gündəmdə qalmaq üçün hətta abırından keçən sənətçilərin olduğunu söyləyib:

“Məni heç kim və heç nəyi ilə təəccübləndirə bilməz. Taleyimin qapazlı zamanı da olub, toy-büsatlı dönəmi də. Tamaşaçım yox, millətim var. O millətim isə arxamda durur. Mənə biz söz deyiləndə millət cavab verir.

Gündəmdə qalmağın yolları çoxdur: abırlı, abırsız, mənəviyyatsız, şəxsiyyətini qoruyan. O, insanın təbiətindən asılıdır”.

ŞƏRH YAZ
0
BAĞLA